രാത്രിയിൽ രണ്ടും മൂന്നും തവണ മൂത്രമൊഴിക്കാൻ എഴുന്നേക്കും, പകൽ അമിതദാഹം; നിസ്സാരമാക്കരുത്, പ്രമേഹത്തിന്റെ ആദ്യ ലക്ഷണങ്ങൾ അറിയാം (Early symptoms of diabetes)

ഇന്ത്യയിൽ ഏറ്റവും കൂടുതൽ പ്രമേഹബാധിതരുള്ള പ്രദേശം കേരളമാണ്. രക്തത്തിലെ പഞ്ചസാരയുടെ അളവു ഉയരുന്നത് എപ്പോഴും വ്യക്തമായ ലക്ഷണങ്ങളിലൂടെ പ്രകടമാകണമെന്നില്ല. പലർക്കും വർഷങ്ങൾക്ക് മുൻപ് തന്നെ ചെറിയ അസ്വസ്ഥതകൾ അനുഭവപ്പെടുകയും അവ സാധാരണ ക്ഷീണമായോ ജീവിതശൈലിയുടെ ഭാ​ഗമോ ആയി കരുതി അവ​ഗണിക്കുകയും ചെയ്യുകയാണ് പതിവ്. Early symptoms of diabetes എന്നാൽ ഇത്തരം നിശബ്ദ ലക്ഷണങ്ങൾ നേരത്തെ തിരിച്ചറിയുന്നത് പ്രമേഹ നിയന്ത്രണത്തിന് സഹായിക്കും. ഇത് ​ഗുരുതര ആരോ​ഗ്യപ്രശ്നങ്ങളും തടയാൻ സഹായിക്കും.

പ്രമേഹം ആകുന്നതിന് മുൻപ് തന്നെ ലക്ഷണങ്ങൾ തിരിച്ചറിയാം

പതിവിലും കൂടുതൽ ദാഹം

ശരീരത്തിൽ നിന്ന് അധിക പഞ്ചസാര പുറത്താക്കാൻ വൃക്കകൾ കൂടുതൽ പ്രവർത്തിക്കേണ്ടതായി വരുന്നു. ഇത് കൂടുതൽ മൂത്രം ഉൽപാദിപ്പിക്കപ്പെടുന്നതിലേക്ക് നയിക്കുന്നു. Early symptoms of diabetes ഇതുമൂലം ശരീരത്തിൽ ജലാംശം കുറയുകയും നിരന്തരം ദാഹം അനുഭവപ്പെടുകയും ചെയ്യും.

ഇടയ്ക്കിടെ മൂത്രമൊഴിക്കൽ

പ്രത്യേകിച്ച് രാത്രിയിൽ പലതവണ എഴുന്നേറ്റ് മൂത്രമൊഴിക്കേണ്ടി വരുന്നത് രക്തത്തിലെ പഞ്ചസാര ഉയരുന്നതിൻ്റെ ഒരു പ്രധാന സൂചനകളിലൊന്നാകാമെന്ന് വിദ​ഗ്ധർ പറയുന്നു.

കാഴ്ച മങ്ങുക

രക്തത്തിലെ പഞ്ചസാര ഉയരുമ്പോൾ കണ്ണിലെ ലെൻസുകളിലേക്ക് ദ്രാവകം പ്രവേശിക്കുകയും കാഴ്ച താൽക്കാലികമായി മങ്ങുകയും ചെയ്യാം.

വിശപ്പ് കൂടുക

ഭക്ഷണം കഴിച്ചതിന് ശേഷവും പെട്ടെന്ന് വിശക്കുന്നത് ശരീരകോശങ്ങൾക്ക് ആവശ്യമായ ഊർജ്ജം ലഭിക്കാത്തതിനാലാകാം.

മുറിവുകൾ സുഖപ്പെടാൻ വൈകുക

ചെറിയ മുറിവുകളോ ചർമത്തിലെ ചൊറിച്ചിലുകളോ സുഖപ്പെടാൻ സാധാരണയേക്കാൾ കൂടുതൽ സമയം എടുക്കുന്നുണ്ടെങ്കിൽ അത് രക്തത്തിലെ ഉയർന്ന പഞ്ചസാരയുടെ സൂചനയായേക്കാം.

ആവർത്തിച്ചുള്ള അണുബാധ

ചർമം, മൂത്രനാളം, മോണ, സ്വകാര്യഭാഗങ്ങൾ എന്നിവിടങ്ങളിൽ പതിവായി അണുബാധ ഉണ്ടാകുന്നത് രക്തത്തിലെ പഞ്ചസാരയുടെ നിയന്ത്രണക്കുറവുമായി ബന്ധപ്പെട്ടിരിക്കാമെന്ന് വിദഗ്ധർ പറയുന്നു.

കൈകാലുകളിൽ മരവിപ്പോ കുത്തുന്ന പോലുള്ള വേദനയോ

രക്തത്തിലെ പഞ്ചസാരയുടെ അളവു നാഡികളെ ബാധിക്കുന്നതിനാൽ കൈകളിലും കാലുകളിലും മരവിപ്പ്, കുത്തുന്നതുപോലുള്ള വേദന, അല്ലെങ്കിൽ ചൂട് അധികമായി തോന്നൽ എന്നിവ ഉണ്ടാകാം.

ചർമത്തിൽ കറുത്ത പാടുകൾ

കഴുത്തിന് പിന്നിലും കക്ഷങ്ങളിലും ചർമം കറുപ്പുനിറമാകുകയോ കട്ടിയാകുകയോ ചെയ്യുന്നത് ഇൻസുലിൻ റെസിസ്റ്റൻസിന്റെ ലക്ഷണമായിരിക്കാം.

ശരീരഭാരം കുറയുക

ഭക്ഷണം സാധാരണ പോലെ കഴിച്ചിട്ടും ഭാരം കുറയുന്നുണ്ടെങ്കിൽ ശരീരം ഊർജ്ജത്തിനായി കൊഴുപ്പും പേശികളും ഉപയോഗിക്കുന്നതിന്റെ സൂചനയായിരിക്കാം.

ഇക്കൂട്ടർ കൂടുതൽ ശ്രദ്ധിക്കണം

• കുടുംബത്തിൽ പ്രമേഹ രോഗികൾ ഉള്ളവർ
• അമിതവണ്ണമുള്ളവർ
• ശാരീരിക പ്രവർത്തനം കുറവുള്ളവർ
• ഉയർന്ന രക്തസമ്മർദമുള്ളവർ
• 40 വയസ്സിന് മുകളിലുള്ളവർ
• ഗർഭകാല പ്രമേഹം ഉണ്ടായിരുന്നവർ

ഹൈ ബ്ലഡ് ഷുഗർ തടയാൻ ആരോഗ്യകരമായ ജീവിതശൈലി

• പച്ചക്കറികൾ, പഴങ്ങൾ, മുഴുധാന്യങ്ങൾ, പ്രോട്ടീൻ അടങ്ങിയ ആരോഗ്യകരമായ ഭക്ഷണങ്ങൾ ഡയറ്റിൽ കൂടുതൽ ഉൾപ്പെടുത്തുക.
• ദിവസവും കുറഞ്ഞത് 30 മിനിറ്റ് നടക്കുകയോ മറ്റ് ശാരീരിക പ്രവർത്തനങ്ങളിൽ ഏർപ്പെടുകയോ ചെയ്യുക.
• അമിതവണ്ണം കുറയ്ക്കുന്നത് ഇൻസുലിൻ്റെ പ്രവർത്തനം മെച്ചപ്പെടുത്താൻ സഹായിക്കും.
• ഉറക്കക്കുറവ് രക്തത്തിലെ പഞ്ചസാരയുടെ നിയന്ത്രണത്തെ ബാധിക്കാം.
• പ്രത്യേകിച്ച് അപകടസാധ്യതയുള്ളവർ വർഷത്തിൽ ഒരിക്കലെങ്കിലും ബ്ലഡ് ഷുഗർ ടെസ്റ്റ് നടത്തുന്നത് നല്ലതാണ്.

ഉയർന്ന രക്തത്തിലെ പഞ്ചസാര പലപ്പോഴും വലിയ ലക്ഷണങ്ങളില്ലാതെ തന്നെ ശരീരത്തെ ബാധിച്ചു തുടങ്ങാം. അമിത ദാഹം, ക്ഷീണം, കാഴ്ച മങ്ങുക, ഇടയ്ക്കിടെ മൂത്രമൊഴിക്കൽ തുടങ്ങിയ ചെറിയ മാറ്റങ്ങൾ പോലും അവഗണിക്കരുത്.Early symptoms of diabetes ഇത്തരം ലക്ഷണങ്ങൾ തുടർച്ചയായി അനുഭവപ്പെടുന്നുണ്ടെങ്കിൽ ഡോക്ടറുടെ നിർദേശപ്രകാരം രക്തത്തിലെ പഞ്ചസാര പരിശോധിക്കുന്നത് ഗുരുതര ആരോഗ്യപ്രശ്നങ്ങൾ ഒഴിവാക്കാൻ സഹായിക്കും