എലികളിൽ നടത്തിയ പരീക്ഷണത്തിൽ ഒരു നോൺ-ഇൻവേസീവ് രീതിയിലൂടെ വലത് വാഗസ് നാഡി തടഞ്ഞു.Why do cancer patients lose weight?
മിക്ക കാൻസർ രോഗികളിലും പ്രധാനമായും കാണുന്ന ഒരു ലക്ഷണമാണ് പെട്ടെന്ന് ശരീരഭാരം കുറയുന്നത്. കാഷെക്സിയ എന്നാണ് ഈ അവസ്ഥയെ വിശേഷിപ്പിക്കുന്നത്. രോഗപ്രതിരോധ ശേഷി ദുർബലപ്പെടുത്താനും മരുന്നുകളോടുള്ള പ്രതികരണം കുറയ്ക്കാനും ഇത് കാരണമാകും. അതിലൂടെ രോഗികൾ പെട്ടെന്ന് മരണത്തിന് കീഴ്പ്പെടുകയും ചെയ്യുന്നു.
തലച്ചോറും കരളും തമ്മിലുള്ള ആശയവിനിമയത്തിലെ പ്രശ്നമാണ് പല കാൻസർ രോഗികളിലും ശരീരഭാരം ഗണ്യമായി കുറയാൻ കാരണമെന്ന് ജേണൽ സെല്ലിൽ പ്രസിദ്ധീകരിച്ച ഒരു പഠനത്തിൽ വ്യക്തമാക്കുന്നു.
എന്താണ് കാഷെക്സിയ Why do cancer patients lose weight?
പേശികളും കൊഴുപ്പും നഷ്ടപ്പെടുന്ന ഗുരുതര രോഗാവസ്ഥയാണ് കാഷെക്സിയ. മൂന്നിലൊന്ന് കാൻസർ രോഗികളിലും കാഷെക്സിയ ഉണ്ടാകാറുണ്ട്. കൂടാതെ പാൻക്രിയാറ്റിക്, ശ്വാസകോശ അർബുദം പോലുള്ള അർബുദങ്ങളിൽ ഇത് വളരെ സാധാരണമാണ്. ഈ അവസ്ഥ രോഗികളുടെ രോഗപ്രതിരോധ ശേഷി കുറയ്ക്കുകയും ചികിത്സയോട് പ്രതികരിക്കുന്നത് ബുദ്ധിമുട്ടാക്കുകയും ചെയ്യുന്നു. ഇത് മരണ സാധ്യത വർധിപ്പിക്കുന്നു.
കാൻസർ കോശങ്ങൾ മൂലമുണ്ടാകുന്ന വീക്കം തലച്ചോറില് നിന്നുള്ള വാഗസ് നാഡിയിലൂടെ അയയ്ക്കുന്ന സിഗ്നലുകളെ ക്രമരഹിതമാക്കും. തലച്ചോറിനെയും കരളിനെയും ബന്ധിപ്പിക്കുകയും കരളിന്റെ പ്രവർത്തനത്തെ നിയന്ത്രിക്കാൻ സഹായിക്കുകയും ചെയ്യുന്നതിൽ വാഗസ് നാഡി പ്രധാന പങ്ക് വഹിക്കുന്നു.
വാഗസ് നാഡി ശരിയായി പ്രവർത്തിക്കാതെ വരുമ്പോൾ അത് കരളിന്റെ മെറ്റബോളിസത്തെ ബാധിക്കുകയും കാഷെക്സിയ എന്ന അവസ്ഥയിലേക്ക് പോവുകയും ചെയ്യുന്നുവെന്ന് ഇസ്രായേലിലെ വീസ്മാൻ ഇൻസ്റ്റിറ്റ്യൂട്ട് ഓഫ് സയൻസും യുഎസിലെ ടെക്സസ് യൂണിവേഴ്സിറ്റി എംഡി ആൻഡേഴ്സൺ കാൻസർ സെന്ററും സംയുക്തമായി നടത്തിയ പഠനത്തിൽ പറയുന്നു.
