Blood flow during menstruation

ആർത്തവസമയത്തെ അമിതമായ രക്തപ്രവാഹം(Blood flow during menstruation)

പിരീഡ് സമയത്ത് അമിതമായ രക്ത സ്രാവമുണ്ടെങ്കില്‍ ആ ദിവസങ്ങള്‍ തികച്ചും അസഹനീയം തന്നെയാകും. വേദനയും മറ്റ് അസ്വസ്ഥതകളും കൂടി ഉണ്ടെങ്കിലോ? സ്വസ്ഥത ഇല്ലാതാകുമെന്ന് പ്രത്യേകം പറയേണ്ടതില്ലല്ലോ. പ്രീ മെന്‍സ്ട്രല്‍ സിണ്ട്രോം കടുത്ത രീതിയില്‍ അനുഭവിയ്ക്കുന്നവരുടെ ദുരിതം വീണ്ടും വര്‍ധിപ്പിയ്ക്കുന്നതാണ് അമിത രക്തസ്രാവമെന്ന പ്രശ്നം(Blood flow during menstruation). ശരീരം കൂടുതലായി ക്ഷീണിയ്ക്കുകയും അതോടൊപ്പം മാനസികമായ അസ്വസ്ഥതകള്‍ക്കും വഴിയൊരുക്കുന്നതാണ് ഇത്.
ഈ ദിവസങ്ങളില്‍ ജോലിയ്ക്ക് പോകുന്നതും യാത്ര ചെയ്യുന്നതുമെല്ലാം ഏറെ പ്രയാസം സൃഷ്ടിക്കും. ദീര്‍ഘ യാത്ര ചെയ്യേണ്ടാവരാണെങ്കില്‍ ഇടയ്ക്കിടെ നാപ്കിനുകള്‍ മാറ്റാന്‍ കഴിയാത്ത സാഹചര്യങ്ങളെയും അതിജീവിക്കേണ്ടി വരും. എങ്ങനെയാണ് ഈ അവസ്ഥ മാറ്റിയെടുക്കാന്‍ കഴിയുക? ജീവിത ശൈലിയില്‍ ആരോഗ്യകരമായ ചില മാറ്റങ്ങള്‍ കൊണ്ടുവരുന്നത് വഴി ഈ പ്രശ്നങ്ങളെ മാറ്റിയെടുക്കാന്‍ കഴിയും.

ഭക്ഷണം വിശപ്പ്‌ മാറ്റാനുള്ള പോംവഴി മാത്രമല്ല, അത് ഔഷധം കൂടിയാണ്. ആരോഗ്യകരമായ ഭക്ഷണം കഴിക്കുന്നത് ശരീരത്തിന്‍റെ അനാരോഗ്യകരമായ പ്രവണതകളെ പ്രതിരോധിയ്ക്കാന്‍ സഹായിക്കും. എല്ലായ്പ്പോഴും വിഷാംശമില്ലാത്തതും പോഷകങ്ങള്‍ കൂടുതലടങ്ങിയതുമായ ആഹാര സാധനങ്ങള്‍ തിരഞ്ഞെടുത്ത് കഴിക്കാന്‍ ശ്രദ്ധിയ്ക്കുക. ആര്‍ത്തവ ദിനം(Blood flow during menstruation) അടുത്ത് വരുമ്പോള്‍ ഇത്തരം ഭക്ഷണങ്ങള്‍ നിര്‍ബന്ധമായും കഴിച്ചിരിയ്ക്കണം. ഇത് അമിത രക്ത സ്രാവം ഒഴിവാക്കാന്‍ സഹായിക്കും, മാത്രമല്ല ആര്‍ത്തവ ദിനങ്ങളിലെ അനുബാധായ്ക്കുള്ള സാധ്യത ഒഴിച്ചു നിര്‍ത്താനും ഫലപ്രദമായ മാര്‍ഗമാണിത്.

ആര്‍ത്തവ ദിനങ്ങളില്‍ ശരീരം വൃത്തിയായി സൂക്ഷിക്കേണ്ടത് അനിവാര്യമാണ്. അമിത രക്ത സ്രാവമുണ്ടെങ്കില്‍ തീര്‍ച്ചയായും ശുചിത്വം ഉറപ്പാക്കണം. സ്വയം വൃത്തിയായി സൂക്ഷിക്കുക എന്നത് മാത്രമാണ് ഇതിനുള്ള വഴി. ഓരോ തവണ നാപ്കിന്‍ മാറുമ്പോഴും ഇളം ചൂടുള്ള വെള്ളം ഉപയോഗിച്ച് കഴുകിയാൽ മതിയാകും. കൂടാതെ സ്വകാര്യ ഭാഗങ്ങങ്ങളിൽ വീര്യം കൂടിയ സോപ്പ് അല്ലെങ്കിൽ ഇന്റിമേറ്റ്‌ വാഷുകള്‍ ഉപയോഗിക്കുന്നത് ഒഴിവാക്കാൻ ഓർമ്മിക്കുക. തിണർപ്പും അണുബാധയും ഉണ്ടാകാതിരിക്കാൻ ഓരോ 4-6 മണിക്കൂറിലും നിങ്ങളുടെ പാഡുകൾ മാറ്റേണ്ടത് അത്യാവശ്യമാണ്. അമിതമായ അളവില്‍ രക്ത സ്രാവമുണ്ടെങ്കില്‍(Blood flow during menstruation) രണ്ടോ മൂന്നോ മണിക്കൂറിനിടെ നാപ്കിനുകള്‍ മാറ്റേണ്ടതായി വരും. ഈ സമയങ്ങളിലെല്ലാം ശുചിത്വം ഉറപ്പാക്കുക.

അമിത രക്ത സ്രാവത്തിന്‍റെ പ്രയാസം കുറയ്ക്കാന്‍ നല്ല കട്ടിയും നീളവുമുള്ള നാപ്കിനുകള്‍ ഉപയോഗിക്കാനായി ശ്രദ്ധിയ്ക്കുക. മികച്ച നാപ്കിനുകള്‍ ഉപയോഗിച്ചില്ലെങ്കില്‍ തിണർപ്പ്, ചൊറിച്ചിൽ എന്നിവയ്ക്ക് സാധ്യത വളരെ കൂടുതലാണ്. ഇത് ആര്‍ത്തവ കാലഘട്ടത്തിലെ അസ്വസ്ഥതകള്‍ വീണ്ടും വര്‍ധിപ്പിയ്ക്കും. രക്ത സ്രാവത്തിന്റെ അളവും (Blood flow during menstruation)തരവും നോക്കി വേണം അനുയോജ്യമായ നാപ്കിനുകള്‍ തിരഞ്ഞെടുക്കാന്‍. മിനുസമാർന്നതും മൃദുവായതും നല്ല നിലവാരമുള്ള പുറംപാളി ഉപയോഗിച്ച് രൂപകൽപ്പന ചെയ്തിട്ടുള്ള പാഡുകളാണ് നല്ലത്. സെന്‍സിറ്റിവ് ചര്‍മമാണെങ്കില്‍ കോട്ടണ്‍ ഉപയോഗിച്ചുള്ള പാഡുകള്‍ ഉപയോഗിക്കുകയാണ് നല്ലത്. ഇത് ചൂടുള്ളതും ഈർപ്പമുള്ളതുമായ കാലാവസ്ഥയിൽ നന്നായി യോജിക്കും.

അമിത രക്ത സ്രാവമുള്ളവര്‍ ആര്‍ത്തവ ദിവസങ്ങളിൽ ഇരുമ്പടങ്ങിയ ഭക്ഷണങ്ങളുടെ അളവ് വർദ്ധിപ്പിക്കുന്നത് നല്ലതാണ്.  ഇത് രക്ത പ്രവാഹം(Blood flow during menstruation) നിയന്ത്രിക്കാനും തലകറക്കവും ഓക്കാനവും അനുഭവപ്പെടാതിരിക്കാനും സഹായിക്കും. ചീര, പാൽ, ആപ്പിൾ, കറുവപ്പട്ട തുടങ്ങിയവയില്‍ ധാരാളം ഇരുമ്പിന്‍റെ അംശം അടങ്ങിയിട്ടുണ്ട്. ഇവ പതിവാക്കുന്നത് നല്ലതാണ്. നിങ്ങള്‍ ഒരു ദിവസം കുടിയ്ക്കുന്ന വെള്ളത്തിന്‍റെ അളവ് എട്ട് ഗ്ലാസിൽ താഴെയാണെങ്കിൽ ശ്രദ്ധിയ്ക്കണം, കൂടുതല്‍ വെള്ളം കുടിയ്ക്കുന്നത് ആര്‍ത്തവവുമായി ബന്ധപ്പെട്ട അനാരോഗ്യകരമായ പ്രവണതകളെ ഇല്ലാതാക്കും. ആര്‍ത്തവ കാലയളവില്‍ കൂടുതലായി വെള്ളം കുടിയ്ക്കാന്‍ ശ്രമിയ്ക്കുന്നത് നന്നാകും.

Blood flow during menstruation

ആ ദിവസങ്ങളില്‍ ആര്‍ത്തവ അസ്വസ്ഥതകള്‍ മൂലം ഒരു കാര്യവും ചെയ്യാനാകാത്ത അവസ്ഥയിലാകും നിങ്ങള്‍, എങ്കിലും അല്പം വ്യായാമം ചെയ്യുന്നത് അമിത രക്തസ്രാവത്തിന്‍റെ തീവ്രത (Blood flow during menstruation)കുറയ്ക്കും. ഇത് വളരെ പ്രയോജനകരമാണെന്ന് പല പഠനങ്ങളും കണ്ടെത്തിയിട്ടുണ്ട്. കഴിയുമെങ്കില്‍ ആര്‍ത്തവ അസ്വസ്ഥതകള്‍ തലപൊക്കി തുടങ്ങുമ്പോള്‍ തന്നെ ചെറിയ വ്യായാമങ്ങളോ എയറോബിക് വ്യായാമങ്ങളോ ചെയ്യാം. പതിവായി യോഗ ചെയ്യുന്നത് കൂടുതല്‍ ഗുണം ചെയ്യും. വേദനയും ക്ഷീണവും ഒഴിവാക്കാനും ഇത്തരം വ്യായാമങ്ങള്‍ സഹായിക്കും.