Is kajal good for babies?

പൊന്നോമനയുടെ കണ്ണിന് കാജൽ നല്ലതാണോ?(Is kajal good for babies?)

കണ്ണെഴുതിയ കുഞ്ഞുങ്ങളെ കാണാൻ തന്നെ ഒരു പ്രത്യേക ചേലാണ്. രാവിലെ തന്നെ കുഞ്ഞിനെ എണ്ണയൊക്കെ തേച്ച് കുളിപ്പിച്ച്, പൗഡറിട്ട്, പൊട്ട് തൊട്ട് ഒരുക്കുക എന്നത് ഏതൊരു മലയാളി അമ്മയുടെയും ശീലമാണ്. തീർന്നില്ല, കുഞ്ഞ് ഉറങ്ങുന്ന വരെ പല അമ്മമാരും കാത്തിരിക്കും കുഞ്ഞിന്  കണ്ണെഴുതാൻ… കണ്ണേറ് തട്ടാതിരിക്കാൻ കൂടെ കവിളത്തൊരു പൊട്ടും. എന്നിട്ട് മാത്രമേ പല അമ്മമാരും കുഞ്ഞിനെ തൊട്ടിയിൽ കിടത്താറുള്ളൂ. കുഞ്ഞിന്റെ കണ്ണെഴുത്തും(Is kajal good for babies?) മലയാളിയും തമ്മിൽ അഭേദ്യമായൊരു ബന്ധമുണ്ട്. കണ്ണെഴുതുന്നത് കുഞ്ഞിന്റെ കണ്ണിനും മുഖത്തിനും അഴക് വർദ്ധിപ്പിക്കുമെന്നതിൽ തർക്കവുമില്ല. കണ്ണെഴുതിയ കുഞ്ഞുങ്ങളെ കാണാൻ തന്നെ ഒരു ചേലാണ്. കുഞ്ഞുങ്ങൾക്ക് കണ്ണെഴുതുന്നതിന് അത്രമാത്രം പ്രാധാന്യമുണ്ട് നമുക്കിടയിൽ. എന്നാൽ അല്പമൊരു അശ്രദ്ധ കൂടുതൽ അപകടങ്ങൾ ക്ഷണിച്ചു വരുത്തും.

കണ്ണെഴുതിയ കുഞ്ഞുങ്ങളെ കാണാൻ പ്രത്യേക ചന്തമാണെന്ന് പറഞ്ഞല്ലോ. അപ്പോൾ കണ്ണെഴുതാൻ അമ്മമാരെ പ്രേരിപ്പിക്കുന്ന പ്രധാന കാര്യവും അത് തന്നെ. കണ്ണെഴുതിയാൽ കുഞ്ഞിക്കണ്ണുകൾ കൂടുതൽ സുന്ദരമാകുമെന്ന് മാത്രമല്ല, കൂടുതൽ പ്രകാശിക്കുകയും ചെയ്യുമെന്ന വിശ്വാസമാണ് ഇങ്ങനെ കണ്ണെഴുതിക്കൊടുക്കാൻ കാരണം. കണ്ണുകളുടെ അഴക് കൂട്ടാൻ പരമ്പരാഗതമായി ഉപയോഗിച്ച് വന്നിരുന്നവയാണ് കണ്മഷിയും സുറുമയുമൊക്കെ(Is kajal good for babies?). ഔഷധഗുണങ്ങൾ ഉള്ള ചെടികൾ, സിങ്ക്, തുരിശ് എന്നിവ അടങ്ങിയിട്ടുള്ള മരുന്നായാണ് ആദ്യമൊക്കെ കണ്മഷി ഉപയോഗിച്ചിരുന്നതത്രേ. എന്നാൽ വ്യാപകമായി കണ്മഷി ഉപയോഗിക്കപ്പെട്ടതോടെ ഇതിന്റെ ഗുണവും ദോഷവും മനസ്സിലാക്കാൻ പല പഠനങ്ങളും നടന്നിട്ടുണ്ട്. ഈ പഠനങ്ങളിലെല്ലാം കണ്ടെത്തിയ വസ്തുത ഞെട്ടിക്കുന്നതാണ്. കുഞ്ഞുങ്ങൾക്ക് കണ്മഷി സ്ഥിരമായി ഉപയോഗിക്കുമ്പോൾ (Is kajal good for babies?)ഗുണത്തേക്കാളേറെ ദോഷങ്ങൾ ഉണ്ടാകാം എന്നാണ് പല പഠനങ്ങളും ചൂണ്ടിക്കാണിക്കുന്നത്. കുഞ്ഞുങ്ങളുടെ കണ്ണെഴുതുമ്പോൾ അതീവ ശ്രദ്ധ നൽകണം.

Is it safe to apply surma or kajal to newborn’s eyes?

കുഞ്ഞുങ്ങൾക്ക് സ്ഥിരമായി കണ്മഷി ഉപയോഗിക്കുന്നത് അത്ര നല്ല കാര്യമല്ല. വളരെ ശ്രദ്ധിച്ച് എഴുതിയാൽ എന്താണ് കുഴപ്പം എന്ന് നിങ്ങൾ ചോദിച്ചേക്കാം. പ്രശ്നം ശ്രദ്ധിച്ച് കണ്ണെഴുതുന്നതിന്റെയല്ല. മറിച്ച് ദീർഘനാൾ കണ്മഷി ഉപയോഗിക്കുമ്പോൾ(Is kajal good for babies?)ഇതിലടങ്ങിയിരിക്കുന്ന ഈയം കൂടുതലായി ശരീരത്തിലെത്തുന്നു എന്നാണ് ഗവേഷകർ കണ്ടെത്തിയത്. ഇത് പതിയെ മജ്ജയിലേയ്ക്ക് വ്യാപിക്കുന്നു. കൂടാതെ മറ്റ് പല ആരോഗ്യപ്രശ്‌നങ്ങൾക്കും ഇത് കാരണമാകുന്നു. കുഞ്ഞുങ്ങളിലെ വിളർച്ച, ചെങ്കണ്ണ്, ചൊറിച്ചിൽ, കണ്ണുനീർ ഗ്രന്ഥിയുടെ വീക്കം, വരണ്ട കണ്ണ്, കണ്ണിലെ വ്രണം എന്ന് തുടങ്ങി പല പ്രശ്നങ്ങൾക്കും കാരണമാകും. കണ്മഷിയിൽ ഉയർന്ന അളവിൽ ലെഡ് അടങ്ങിയിരിക്കുന്നതിനാൽ ഇത് കുഞ്ഞിന്റെ പല അവയവങ്ങളെയും ദോഷകരമായി ബാധിക്കും. തലച്ചോറ്, മജ്ജ തുടങ്ങിയവയുടെ പ്രവർത്തനത്തെ ദോഷകരമായി ബാധിക്കും. കൂടാതെ കുഞ്ഞിന്റെ ബുദ്ധിവളർച്ചയെ ദോഷകരമായി ബാധിക്കുന്നു. കുഞ്ഞി കണ്ണുകളിൽ അണുബാധ ഉണ്ടാകാനുള്ള സാധ്യതയും തള്ളിക്കളയാനാകില്ല.

അലർജി ആണ് കണ്ണെഴുതുന്നത് മൂലമുണ്ടാകുന്ന മറ്റൊരു പ്രശ്നം. ചില കണ്മഷികൾ കുഞ്ഞിന് അലർജി ഉണ്ടാക്കിയേക്കാം. നിലവാരമില്ലാത്ത കണ്മഷികൾ ഉപയോഗിക്കുന്നത് കുഞ്ഞുങ്ങളിൽ പലവിധത്തിലുള്ള അലർജികൾ ഉണ്ടാകാൻ കാരണമാകും. കണ്മഷി ഉപയോഗിച്ച ശേഷം കുഞ്ഞ് അസ്വസ്ഥത പ്രകടിപ്പിക്കുകയാണെങ്കിൽ ഉടനെ തന്നെ അതിന്റെ ഉപയോഗം നിർത്തണം. കുഞ്ഞിന്റെ കണ്ണുകൾ തണുത്ത വെള്ളത്തിൽ കഴുകുക. അതിനു ശേഷവും കൺതടത്തിലെ വീക്കമോ ചൊറിച്ചിലോ കുഞ്ഞിനുണ്ടെങ്കിൽ ഒട്ടും വൈകാതെ തന്നെ ഡോക്ടറെ കാണിക്കണം. കണ്മഷി എഴുതുമ്പോൾ കണ്ണിന്റെ ഉള്ളിലേയ്ക്ക് അധികം പോകാതെ വേണം ഉപയോഗിക്കാൻ. കുഞ്ഞിനെ കുളിപ്പിക്കുമ്പോൾ തലേദിവസം എഴുതിയ കണ്മഷി കണ്ണുകളിൽ ഉണ്ടെങ്കിൽ കൂടുതൽ ശ്രദ്ധയും നൽകണം. ഈ കണ്മഷി വെള്ളയുമായി ചേർന്നലിഞ്ഞ് കുട്ടിയുടെ കണ്ണുകളിൽ പോകാനും അത് വഴി അണുബാധ ഉണ്ടാകാനും സാധ്യത ഉണ്ട്. അതുകൊണ്ട് കണ്മഷിയോടെ കുഞ്ഞിന്റെ കണ്ണുകൾ കഴുകുമ്പോൾ പോലും അതീവ ജാഗ്രത വേണം എന്ന് ചുരുക്കം.

കുഞ്ഞിന് കണ്ണെഴുതുന്ന ആളുടെ വൃത്തിയും പരമപ്രധാനമാണ്. വിരലുപയോഗിച്ചാണ് മിക്കവാറും കുഞ്ഞിന്റെ കണ്ണെഴുതുന്നത്. നിങ്ങളുടെ കൈകൾ വൃത്തിഹീനമാണെങ്കിൽ അത് കുഞ്ഞിന്റെ കണ്ണുകളുടെ ആരോഗ്യം കൂടുതൽ സങ്കീർണ്ണമാക്കും. കുഞ്ഞിന്റെ കണ്ണുകളിൽ അണുബാധയുണ്ടാകാനും ഇത് കാരണമാകും. മാത്രമല്ല, ശ്രധ്ധിച്ചില്ലെങ്കിൽ കണ്ണെഴുതികൊടുക്കുന്ന ആളുടെ വിരലോ നഖമോ കൊണ്ട് കുഞ്ഞ് ചർമ്മത്തിൽ മുറിവേൽക്കാനും സാധ്യതയുണ്ട്. കണ്മഷിയുടെ ഉപയോഗം തീർത്തും ഒഴിവാക്കാനാകില്ലെങ്കിൽ വൃത്തിയുള്ള സാഹചര്യത്തിൽ വീട്ടിൽ തന്നെ തയ്യാറാക്കുന്ന കണ്മഷിക്കൂട്ട് ഉപയോഗിക്കാവുന്നതാണ്. അതും ശ്രദ്ധയോടെ മാത്രം.