Vitamins needed by the body

ശരീരത്തിന് ആവശ്യമായ വിറ്റാമിനുകൾ(Vitamins needed by the body)

നമ്മുടെയെല്ലാം ശരീരത്തിൻ്റെ ആരോഗ്യത്തിനും നിലനിൽപ്പിനും ഏറ്റവും ആവശ്യമായ പോഷകങ്ങളാണ് വിറ്റാമിനുകൾ. ശരീരത്തിൽ വിറ്റാമിനുകളുടെ അളവിലുണ്ടാകുന്ന കുറവ് പല ആരോഗ്യപ്രശ്നങ്ങൾക്കും കാരണമായി മാറാൻ ഇടയുണ്ട്. പ്രത്യേകിച്ചും നമ്മളിൽ കൂടുതൽ ആളുകളും നേരിടുന്ന ചർമ്മ സംബന്ധമായതും കേശ സംബന്ധമായതുമായ പ്രശ്നങ്ങൾക്ക് പിന്നിലെ പ്രധാന കാരണം ചിലപ്പോൾ ശരീരത്തിലെ വിറ്റാമിനുകളുടെ കുറവ് മൂലം ആയിരിക്കും(Vitamins needed by the body). സ്ത്രീകളുടെ ഈ കാര്യത്തിൽ ശരീരത്തിലെ ചില അവശ്യ വിറ്റാമിനുകളുടെ കുറവ് അവരുടെ ആർത്തവത്തെ പോലും ദോഷകരമായ രീതിയിൽ ബാധിക്കുന്നതിന് കാരണമാകുമെന്ന് പറയപ്പെടുന്നു.

വിറ്റാമിൻ എ ചർമ്മത്തിന്റെ ആരോഗ്യത്തിന് പ്രധാന പങ്കു വഹിക്കുന്ന ഒരു വിറ്റാമിനാണ്.  ഇത് ചർമ്മത്തെ കാണാൻ കൂടുതൽ മൃദുലവും മിനുസമാർന്നതും യുവത്വവുമായി നിലനിർത്തും.  ഇതുകൂടാതെ കാഴ്ചശക്തിയുടെ ആരോഗ്യത്തിനും വളരെ പ്രധാനമാണ് ഈ വിറ്റാമിൻ. പാൽ, മത്സ്യം, കാരറ്റ്, പപ്പായ, മാമ്പഴം, കാബേജ് എന്നിവയിൽ നിന്ന് ഉയർന്ന അളവിൽ വിറ്റാമിൻ എ പോഷകങ്ങൾ നിങ്ങൾക്ക് ലഭിക്കും.

ചർമ്മത്തിന്റെയും മുടിയുടെയും നല്ല ആരോഗ്യത്തെ പ്രോത്സാഹിപ്പിക്കുന്ന പോഷണമാണ് ബി കോംപ്ലക്സ് വിറ്റാമിനുകൾ. ഇവ മുടിയുടെ ആരോഗ്യത്തിന് വളരെയേറെ ഗുണം ചെയ്യുന്നു ഇവ. മുടി നരയ്ക്കുന്നതിൻ്റെ ലക്ഷണങ്ങൾക്ക് കാലതാമസം വരുത്താൻ ഈ വിറ്റാമിനുകൾക്ക് കഴിവുണ്ട്(Vitamins needed by the body). ബി-കോംപ്ലക്സ് വിറ്റാമിനുകളാൽ സമ്പുഷ്ടമായ ഭക്ഷണരീതി നമുക്ക് താരൻ, കേശ സംബന്ധമായ മറ്റ് തകരാറുകൾ തുടങ്ങിയെല്ലാം പരിഹരിക്കാനും മുടിയുടെ വളർച്ചയെ പ്രോത്സാഹിപ്പിക്കാനും സഹായിക്കുന്നു.

മികച്ച പ്രതിരോധകശേഷി നിലനിർത്താൻ ആരോഗ്യ വിദഗ്ധരെല്ലാരും ഒരുപോലെ നിർദ്ദേശിക്കുന്ന പോഷകങ്ങളിൽ ഒന്നാണ് വിറ്റാമിൻ സി. ചർമ്മത്തിന്റെ ആരോഗ്യത്തിനും ഏറ്റവും മികച്ചതാണ് ഇത്. വിറ്റാമിൻ സി നിങ്ങളുടെ ചർമ്മത്തെ പരിപോഷിപ്പിക്കുകയും ചർമ്മത്തിൽ ഉണ്ടാവുന്ന പ്രശ്നങ്ങളെ ഒരു പരിധിവരെ അകറ്റിനിർത്തുകയും ചെയ്യുന്നു(Vitamins needed by the body). ചർമം എപ്പോഴും യുവത്വമുള്ളതും ഊർജ്ജസ്വലവുമായി നിലനിർത്തുന്നതിനും പ്രായാധിക്യ ലക്ഷണങ്ങളായ ചുളിവുകളുടെയും വരകളുടെയും രൂപീകരണം വൈകിപ്പിക്കുന്നതിനും ഇത് സഹായം ചെയ്യുന്നു. ഓറഞ്ച്, നാരങ്ങ, മുന്തിരിപ്പഴം, നെല്ലിക്ക, തക്കാളി, മുളപ്പിച്ച ധാന്യങ്ങൾ, പച്ച ഇലക്കറികൾ എന്നിവയും സിട്രസ് അടങ്ങിയ പഴങ്ങളുമെല്ലാം വിറ്റാമിൻ സി യുടെ പ്രധാന ഭക്ഷണ സ്രോതസ്സുകളാണ്.

ആരോഗ്യകരമായ അസ്ഥികൾക്കും പല്ലുകൾക്കും ഏറ്റവും ആവശ്യമായ വിറ്റാമിനാണ് വിറ്റാമിൻ ഡി. ശരീരം സൂര്യനുമായി സമ്പർക്കം പുലർത്തുമ്പോൾ സ്വാഭാവികമായ രീതിയിൽ ശരീരത്തിനാവശ്യമായ വിറ്റാമിൻ ഡി ഉത്പാദിപ്പിക്കപ്പെടുന്നുണ്ട്. വിറ്റാമിൻ ഡിയുടെ കുറവ് വാർദ്ധക്യ ലക്ഷണങ്ങൾ നേരത്തെ പ്രകടമാകുന്നതിനോടൊപ്പം ഓസ്റ്റിയോപൊറോസിസ് പോലുള്ള പ്രശ്നങ്ങൾക്ക് കാരണമാകുകയും ചെയ്തേക്കാം. മത്സ്യം, മുട്ട, കരൾ തുടങ്ങിയ ഭക്ഷണ സ്രോതസ്സുകളിൽ നിന്നും നിങ്ങൾക്ക് ആവശ്യമായ വിറ്റാമിൻ ഡി ലഭ്യമാകും.

Top 10 Essential Vitamins and Minerals Your Body Needs

ശരീരത്തിന് ഏറ്റവുമധികം ആന്റിഓക്‌സിഡന്റുകൾ നൽകുന്നത് വിറ്റാമിൻ ഇ യാണ്. ഇത് ചർമ്മത്തിന് കൂടുതൽ തിളക്കവും സംരക്ഷണവും നൽകാൻ സഹായിക്കുന്നു. വൈറ്റൽ വിറ്റാമിൻ എന്നറിയപ്പെടുന്ന ഇത് ചർമ്മത്തിലുണ്ടാകുന്ന വാർദ്ധക്യ ലക്ഷണങ്ങളെ എളുപ്പത്തിൽ ചെറുത്തു നിർത്തുന്നു. ഇത് ചർമ്മ കോശങ്ങളിലേക്കുള്ള ഓക്സിജൻ വിതരണം മെച്ചപ്പെടുത്താൻ സഹായിക്കുന്നു. വിറ്റാമിൻ ഇ അടങ്ങിയിരിക്കുന്ന ക്രീമുകളും മറ്റ് ഉൽപ്പന്നങ്ങളും ഉപയോഗിക്കുന്നത് നിങ്ങളുടെ ചർമ്മസംരക്ഷണം മെച്ചപ്പെടുത്തും. തവിടെണ്ണയിൽ വിറ്റാമിൻ ഇ ഉയർന്ന അളവിൽ അടങ്ങിയിട്ടുണ്ട്. ഇതുകൂടാതെ മുട്ട, കരൾ, സൂര്യകാന്തി എണ്ണ, ബദാം, പച്ച പച്ചക്കറികൾ എന്നിവ വിറ്റാമിൻ ഇ യുടെ സമ്പന്നമായ ഉറവിടങ്ങളാണ്.

 റിഫൈൻ ചെയ്തെടുത്ത ധാന്യങ്ങളും അമിതമായി പാചകം ചെയ്തതും വറുത്തതുമായ ഭക്ഷണങ്ങൾ കഴിവതും ഒഴിവാക്കുക. നാം ഉപയോഗിക്കുന്ന ഭക്ഷ്യവസ്തുക്കളിൽ അടങ്ങിയിരിക്കുന്ന വിറ്റാമിനുകൾ‌ വളരെ സെൻ‌സിറ്റീവ് ആയിട്ടുള്ളവ ആയതിനാൽ തന്നെ കൂടുതൽ പാചകം ചെയ്യുന്നതുവഴി അവയിലെ പോഷകങ്ങൾ പകുതിയിലധികം നശിപ്പിക്കപ്പെടുന്നു. അതിനാൽ, നിങ്ങളുടെ ദൈനംദിന ഭക്ഷണത്തിൽ കൂടുതൽ പഴങ്ങളും സലാഡുകളും, മറ്റുമെല്ലാം കൂടുതലായി ഉൾപ്പെടുത്തുക.