കൃത്യമായി പരിശോധിക്കുന്നവർ ചുരുക്കം, വീട്ടിൽ രക്തസമ്മർദം നിരീക്ഷിക്കുമ്പോൾ ശ്രദ്ധിക്കേണ്ട കാര്യങ്ങൾ(Home BP Monitoring Guide)

രക്തസമ്മർദം നിരീക്ഷിക്കാനുള്ള ഉപകരണങ്ങൾ പലപ്പോഴും ആളുകൾ തെറ്റായാണ് ഉപയോ​ഗിക്കുന്നതെന്ന് ആരോ​ഗ്യവിദ​ഗ്ധർ ചൂണ്ടിക്കാണിക്കുന്നു.

നിശബ്ദ കൊലയാളിയെന്നാണ് ഉയർന്ന രക്തസമ്മർദത്തെ വിശേഷിപ്പിക്കുന്നത്. രക്തസമ്മർദത്തിലെ ഏറ്റക്കുറച്ചിലുകൾ ജീവന് തന്നെ ഭീഷണിയായേക്കാം. വീട്ടിൽ തന്നെ രക്തസമ്മർദം നിരീക്ഷിക്കാനുള്ള സംവിധാനങ്ങൾ ഇപ്പോൾ ലഭ്യമാണ്. എന്നാൽ രക്തസമ്മർദം നിരീക്ഷിക്കാനുള്ള ഉപകരണങ്ങൾ പലപ്പോഴും ആളുകൾ തെറ്റായാണ് ഉപയോ​ഗിക്കുന്നതെന്ന് ആരോ​ഗ്യവിദ​ഗ്ധർ ചൂണ്ടിക്കാണിക്കുന്നു.Home BP Monitoring Guide അളവു കൃത്യമല്ലാതിരുന്നാൽ പല ആരോ​ഗ്യ സങ്കീർണതകൾക്കും കാരണമായേക്കാം.

വീട്ടില്‍ രക്തസമ്മര്‍ദം നിരീക്ഷിക്കുമ്പോള്‍ ശ്രദ്ധിക്കേണ്ട കാര്യങ്ങള്‍

• അനുയോജ്യമായ കഫ് വലിപ്പത്തോട് കൂടിയ ഉപകരണം വാങ്ങുക. അത് ഉപയോഗിച്ച് തുടങ്ങും മുന്‍പ് ഒരു ഡോക്ടറെ സമീപിച്ച് റീഡിങ് കൃത്യമായി രേഖപ്പെടുത്തുന്നുവെന്ന് ഉറപ്പാക്കുക.Home BP Monitoring Guide
• കഫ് സൈസ് ഒരുപാട് ചെറുതോ ഒരുപാട് വലുതോ ആകാന്‍ പാടില്ല.
• കഫ് ഘടിപ്പിക്കുമ്പോള്‍: കയ്യില്‍ കഫ് ചുറ്റുമ്പോള്‍, അത് അമിതമായി മുറുകുകയോ അയഞ്ഞുകിടക്കുകയോ ചെയ്യരുത്. കഫിന്റെ സ്ഥാനം കൃത്യമായിരിക്കണം. കൂടാതെ വസ്ത്രത്തിന് മുകളില്‍ ചുറ്റുന്നതും ഒഴിവാക്കുക.
• ദിവസം രണ്ട് നേരം രക്തസമ്മര്‍ദം അളക്കാം. രാവിലെ മരുന്ന് കഴിക്കുന്നതിനു മുന്‍പും വൈകുന്നേരവും.Home BP Monitoring Guide എന്നും ഒരേ സമയത്ത് തന്നെ ഇത് ആവര്‍ത്തിക്കാന്‍ ശ്രമിക്കാം.
• ചാരിയിരിക്കാന്‍ കഴിയുന്ന തരത്തിലുള്ള കസേരയില്‍ അഞ്ച് മിനിറ്റ് ശാന്തമായി ഇരുന്നതിന് ശേഷം രക്തസമ്മര്‍ദം അളക്കാം.
• മേശയുടെ മുകളിലോ കസേര കൈയിലോ ഹൃദയത്തിന്റെ അതേ നിരപ്പില്‍ തന്നെ കൈ വയ്ക്കുക.Home BP Monitoring Guide
• രക്തസമ്മര്‍ദം അളക്കുന്ന സമയം സംസാരിക്കാനോ വായിക്കാനോ പാടില്ല.
• റീഡിങ്ങ് എടുത്ത കൈയില്‍ തന്നെ 3 മിനിറ്റ് എങ്കിലും ആകാതെ വീണ്ടും കഫ് കെട്ടരുത്. രണ്ട്-മൂന്ന് റീഡിങ് പരിശോധിക്കുക.
• രണ്ട് കൈയിലെയും രക്തസമ്മര്‍ദം എടുത്ത ശേഷം ഉയര്‍ന്നത് ഏതാണോ അതാണ് പരിഗണിക്കേണ്ടത്.Home BP Monitoring Guide ദിവസം മുഴുവന്‍ വ്യതിചലിച്ചു കൊണ്ടിരിക്കുന്ന രക്തസമ്മര്‍ദം പലപ്പോഴും രാവിലെ അല്‍പം കൂടുതലായിരിക്കാം.