Important symptoms of migraine

മൈഗ്രൈന്റെ പ്രധാനപ്പെട്ട ലക്ഷണങ്ങൾ(Important symptoms of migraine)

എന്തെങ്കിലും ചെറിയ പ്രവർത്തികളിൽ ഏർപ്പെടുമ്പോൾ പോലും പതിവായി തലവേദനയുടെ ലക്ഷണങ്ങൾ അനുഭവിക്കേണ്ടി വരുന്ന നിരവധി ആളുകൾ നമുക്കിടയിലുണ്ട്. പലകാരണങ്ങൾ കൊണ്ടും ചില ആളുകൾക്ക് അടിക്കടി തലവേദന ഉണ്ടാവുന്നു. തലവേദന വന്നാൽ ഉറപ്പായും അത് നിങ്ങളുടെ ദൈനംദിന പ്രവർത്തനങ്ങളെ തടസ്സപ്പെടുത്തുന്നതിന് കാരണമാകും. ഒരു ചെറിയ കാര്യം പോലും ചെയ്യാൻ വിടാതെ ദിവസം മുഴുവൻ ആത് നിങ്ങളെ അലട്ടിക്കൊണ്ടിരിക്കും(Important symptoms of migraine). അടിക്കടി തലവേദന ഉണ്ടാവുന്ന ആളുകൾ പലരും സംശയിക്കുന്ന കാര്യമാണ് അത് മൈഗ്രേൻ മൂലമാണോ എന്നത്. ഇത് സ്വയമേ നിർണ്ണയിക്കുക അല്പം പ്രയാസമുള്ള കാര്യമാണ്. സാധാരണ തലവേദനയോട് ഏതാണ്ട് അതേ സാമ്യമുള്ളതാണ് മൈഗ്രൈനിൻ്റെ ലക്ഷണങ്ങളും. ഇവ രണ്ടും തമ്മിലുള്ള ശരിയായ വ്യത്യാസം തിരിച്ചറിഞ്ഞെങ്കിൽ മാത്രമേ കൃത്യമായ ചികിത്സ നൽകാൻ സാധിക്കുകയുള്ളൂ.

മൈഗ്രേൻ അല്ലാത്ത സാധാരണ തലവേദന നിങ്ങളുടെ മുഖത്ത് അല്ലെങ്കിൽ കഴുത്തിൽ വേദന ഉണ്ടാക്കുന്നതാണ്. ഇത് നെറ്റി മുതൽ തലയ്ക്കു ചുറ്റും കഠിനമായ വേദനയിലേക്ക് നയിക്കുന്നു. ഏറ്റവും സാധാരണമായ തലവേദനകൾക്ക് കാരണം സമ്മർദ്ദം, ഉറക്കമില്ലായ്മ തുടങ്ങിയ കാരണങ്ങളാണ്. ഇതിൽ നിന്ന് വിപരീതമായി മൈഗ്രേൻ എന്നത് സാധാരണയിൽ നിന്നും വ്യത്യസ്തമായി തുടർച്ചയായി ഉണ്ടാവുന്ന തലവേദന സംബന്ധമായ ഒരുതരം രോഗലക്ഷണമായി കണക്കാക്കിയിരിക്കുന്നു. ഇത് ഒരു ന്യൂറോളജിക്കൽ അവസ്ഥയായി തരം തിരിക്കപ്പെടുന്നുണ്ട്, ഇത് പലപ്പോഴും തീവ്രമായ രീതിയിൽ ആവർത്തിച്ചുള്ളത് ആയിരിക്കും(Important symptoms of migraine).

കഠിനമായ തലവേദന ഉണ്ടാകുന്നതിനു ഒന്നോ രണ്ടോ ദിവസം മുമ്പ് ചില ന്യൂറോളജിക്കൽ ലക്ഷണങ്ങളോടൊപ്പം മൈഗ്രെയ്ൻ ലക്ഷണങ്ങൾ ആരംഭിക്കാം. ഇതിനെ “മൈഗ്രൈൻ സ്റ്റേജ് എന്നറിയപ്പെടുന്നു. ഇതിൽ ഭക്ഷണത്തോടുള്ള ആസക്തി, ക്ഷീണം അല്ലെങ്കിൽ കുറഞ്ഞ ഊർജ്ജ നില, വിഷാദം, ഹൈപ്പർ ആക്റ്റിവിറ്റി, ക്ഷോഭം അല്ലെങ്കിൽ കഴുത്തിലെ കാഠിന്യം എന്നിവ അടക്കമുള്ള ലക്ഷണങ്ങൾ ഉൾപ്പെടുന്നുണ്ട്. മൈഗ്രെയ്ൻ ആക്രമണത്തിൽ ഉണ്ടാകുമ്പോൾ സാധാരണയായി തലയുടെ ഒരു വശത്ത് ആയിരിക്കും കടുത്ത തലവേദന അനുഭവപ്പെടുന്നത്. ഓക്കാനം അല്ലെങ്കിൽ ഛർദ്ദി, അല്ലെങ്കിൽ പ്രകാശത്തോടുള്ള തീവ്രമായ സംവേദനക്ഷമത (ഫോട്ടോഫോബിയ), ശബ്ദം (ഫോണോഫോബിയ) എന്നിവയൊക്കെ മൈഗ്രൈൻ ഉണ്ടാവുന്നതിനു കാരണമാകാറുണ്ട്.

മൈഗ്രേനിന്റെ ലക്ഷണങ്ങളെ അഭിമുഖീകരിക്കുകയോ തലവേദന ഒരാളുടെ ദൈനംദിന ജീവിതത്തെ ബാധിക്കുകയോ ചെയ്താൽ ഡോക്ടറെ കണ്ടു ഇതിന് ചികിത്സ തേടേണ്ടത് പ്രധാനമാണ്. ഒരു മാസത്തിൽ ഒന്നിലധികം തവണ തലവേദന ഉണ്ടായാൽ ഇത് പ്രധാന ലക്ഷണമായി കണക്കാക്കി ഡോക്ടറെ കണ്ട് അഭിപ്രായം തേടണം.

ഒരു ന്യൂറോളജിസ്റ്റിൻ്റെ സഹായത്തോടെ ഇതിൻറെ കാരണം യഥാർത്ഥത്തിൽ എന്താണെന്ന് തുടക്കത്തിൽ തന്നെ കണ്ടെത്താൻ കഴിയും. ആദ്യഘട്ടത്തിൽ തന്നെ ചികിത്സ തേടുന്നത് അവസ്ഥയെ കൂടുതൽ ദോഷകരമായി മാറുന്നതിലേക്ക് കൊണ്ടെത്തിക്കില്ല. നേരത്തെയുള്ള രോഗനിർണയവും രോഗനിയന്ത്രണവും വഴി വിട്ടുമാറാത്ത തലവേദന യുടെ ലക്ഷണങ്ങളെ പ്രതിരോധിക്കാൻ കഴിയും.

Everything You Want to Know About Migraine

മൈഗ്രേൻ രോഗത്തെ വലിയ രീതിയിൽ ചികിത്സിക്കാൻ കഴിയില്ലെങ്കിലും, ഒരു ന്യൂറോളജിസ്റ്റിന് ഈ അവസ്ഥയെ എങ്ങനെ ഏറ്റവും മികച്ച രീതിയിൽ കൈകാര്യം ചെയ്യണമെന്ന് നിങ്ങൾക്ക് പറഞ്ഞു തരാൻ കഴിയും. അതുവഴി ഇതിൻറെ ആവൃത്തിയും തീവ്രതയും കുറയ്ക്കാനും അനുബന്ധ ലക്ഷണങ്ങളെ നിയന്ത്രിച്ചു നിർത്താനും കഴിയും.

മൈഗ്രെയ്ൻ മൂലം തലവേദന ഉണ്ടാവുന്നതിന് പിന്നിലെ കൃത്യമായ കാരണങ്ങൾ(Important symptoms of migraine) ഓരോ ആളുകളിലും വ്യത്യസ്തമായിരിക്കും. ജീവിതശൈലിയുമായി ബന്ധപ്പെട്ട ചില ഘടകങ്ങൾ ഈ അവസ്ഥയെ പ്രകോപിപ്പിക്കും എന്ന് പറയപ്പെടുന്നു. ഓരോ ആളുകളുടെ കാര്യത്തിലും ഇതിൻറെ കാരണങ്ങൾ വ്യത്യാസപ്പെട്ടിരിക്കാമെങ്കിലും, സാധാരണ ഗതിയിൽ മൈഗ്രെയ്ൻ ഉണ്ടാക്കുന്ന കാരണങ്ങളിൽ സമ്മർദ്ദം, ഭക്ഷണം കാലാവസ്ഥ മാറ്റങ്ങൾ അല്ലെങ്കിൽ ക്രമരഹിതമായ ഉറക്ക ഷെഡ്യൂൾ, കഫീൻ അല്ലെങ്കിൽ മദ്യപാനം, നിർജ്ജലീകരണം തുടങ്ങിയവയെല്ലാം ഉൾപ്പെടുന്നു. ചോക്ലേറ്റ്, ചീസ്, പാലുൽപ്പന്നങ്ങൾ, തുടങ്ങിയവയും ശക്തമായ സുഗന്ധം ഉള്ള ഭക്ഷണങ്ങൾ, അഡിറ്റീവുകൾ തുടങ്ങിയവയൊക്കെ ചിലരിൽ ഇതിന് കാരണമായി ആയി ചൂണ്ടികാണിക്കപ്പെടുന്നുണ്ട്. ചിലർ ഒരു നേരത്തെ ഭക്ഷണം ഒഴിവാക്കുന്നത് പോലും മൈഗ്രെയിനുകൾക്ക് കാരണമാകും. ശോഭയുള്ള ലൈറ്റുകൾ, ഉച്ചത്തിലുള്ള ശബ്ദങ്ങൾ, മലിനമായ അന്തരീക്ഷം പോലുള്ള പാരിസ്ഥിതിക ഘടകങ്ങളും ചില ആളുകളുടെ കാര്യത്തിൽ ഇതിന് കാരണമാകാറുണ്ട്.

സ്ത്രീകളുടെ കാര്യത്തിൽ ആർത്തവം, ഗർഭധാരണം അല്ലെങ്കിൽ ആർത്തവവിരാമം തുടങ്ങിയ കാലഘട്ടങ്ങളിൽ ഉണ്ടാകാനിടയുള്ള ഈസ്ട്രജൻ, പ്രൊജസ്ട്രോൺ ഹോർമോണുകളുടെ ഏറ്റക്കുറച്ചിലുകൾ മൈഗ്രെയ്ൻ ട്രിഗറുകളായി വർത്തിക്കും .

തുടർച്ചയായ തലവേദനയോ പൾസിങ് സെൻസേഷനോ ഉള്ള അവസ്ഥ സാധാരണയായി തലയുടെ ഒരു വശത്ത് ആയിരിക്കും പ്രത്യക്ഷപ്പെടുക. പലപ്പോഴും ഓക്കാനം, അസിഡിറ്റി, ഛർദ്ദി, പ്രകാശത്തോടുള്ള തീവ്രമായ സംവേദനക്ഷമത, ശബ്ദത്തോടുള്ള സംവേദനക്ഷമത, തലകറക്കം എന്നിവയോടു കൂടി മൈഗ്രൈൻ ലക്ഷണങ്ങൾ ഉണ്ടാവുന്നു. വിവിധ ഘട്ടങ്ങളിലും മൈഗ്രെയ്ൻ ലക്ഷണങ്ങൾ വ്യത്യാസപ്പെടാനുള്ള സാധ്യതയുണ്ട്(Important symptoms of migraine).

മൈഗ്രെയിനുമായി ബന്ധപ്പെട്ട ഉണ്ടാവുന്ന തലവേദന 4 മണിക്കൂർ നീണ്ടുനിൽക്കും. ഒരു ആഴ്ചയിൽ 72 മണിക്കൂർ വരെ ഉണ്ടാവാനുള്ള സാധ്യതയുണ്ടെന്ന് ആരോഗ്യ വിദഗ്ധർ അഭിപ്രായപ്പെടുന്നു. ദൈനംദിന പ്രവർത്തനങ്ങളെ തടസ്സപ്പെടുത്തുന്ന തരത്തിൽ വേദന വളരെ കഠിനമായത് ആയിരിക്കും ഇത്.