Increase Hemoglobin levels

ശരീരത്തിൽ ഹീമോഗ്ലോബിൻ അളവ് കൂട്ടാനുള്ള മാർഗ്ഗങ്ങൾ(Increase Hemoglobin levels)

ഹീമോഗ്ലോബിൻ്റെ അഭാവം ആളുകളെ ബാധിക്കുന്ന ഏറ്റവും സാധാരണമായ രോഗങ്ങളിൽ ഒന്നാണ്. ഇത് അനീമിയ എന്ന അവസ്ഥയിലേക്ക് നയിച്ചേക്കാം. മനുഷ്യശരീരത്തിന് ഏറെ ആവശ്യമുള്ള പോഷകമാണ് വിറ്റാമിന്‍ സി. വിറ്റാമിൻ സി അടങ്ങിയ ഭക്ഷണങ്ങൾ ധാരാളം കഴിക്കുന്നത് ഹീമോഗ്ലോബിന്റെ അളവ് കൂട്ടാൻ (Increase Hemoglobin levels)സഹായിക്കും. ഓറഞ്ച്, നാരങ്ങ, തക്കാളി, മുന്തിരി, പോലുള്ളവയിൽ വിറ്റാമിൻ സി ധാരാളം അടങ്ങിയിട്ടുണ്ട്. ഹീമോഗ്ലോബിൻ്റെ അളവ് കുറയുന്നതിൻ്റെ ഫലമായി നമ്മുടെ ശരീരത്തിലെ അവയവങ്ങൾ ആവശ്യത്തിന് ഓക്സിജൻ വിതരണം ചെയ്യാൻ പാടുപെടും, ഇത് പിന്നീട് ക്ഷീണം , തലവേദന, ശ്വാസതടസ്സം, വേഗത്തിലുള്ള ഹൃദയമിടിപ്പ്, വിളറിയ നിറം തുടങ്ങിയ നിരവധി ലക്ഷണങ്ങൾക്ക് കാരണമാകും.

രക്തത്തിലെ ഹീമോഗ്ലോബിന്റെ അളവ് സാധാരണനിലയില്‍ നിന്ന് കുറയുന്നതാണ് വിളര്‍ച്ചയ്ക്ക് കാരണമാകുന്നത്.  ചുവന്ന രക്താണുക്കളില്‍ കാണപ്പെടുന്ന ഇരുമ്പ്‌ നിറഞ്ഞ പ്രോട്ടീന്‍ ആണ്‌ ഹീമോഗ്ലോബിന്‍. വിളർച്ചയുള്ളവരിൽ കടുത്ത ക്ഷീണം, തലകറക്കം എന്നിവ ക്രമേണ പ്രകടമാകുന്നു.ശരീരത്തിൽ ഹിമോഗ്ലോബിന്റെ ആളവ് കൃത്യമായി ഉണ്ടായിരിക്കണം. എന്നാൽ മാത്രമാണ് ശരീരത്തിന് കൃത്യമായി വേണ്ടത്ര പോഷകങ്ങളും മിനറൽസും ലഭിക്കൂ.

What to know about hemoglobin levels

ഹിമോഗ്ലോബിന്റെ അളവ് വർദ്ധിപ്പിക്കാൻ നമുക്ക് വീട്ടിൽ തന്നെ കഴിക്കേണ്ട ചില ആഹാരങ്ങളുണ്ട്.

ശരീരത്തിൽ ഹിമോഗ്ലോബിൻ വർദ്ധിപ്പിക്കാൻ ഏറ്റവും നല്ല മാർഗ്ഗമാണ് ബീറ്റ്റൂട്ട്. ബീറ്റ്റൂട്ടിൽ അയേൺ, കോപ്പർ, ഫോസ്ഫറസ്, മഗ്നീഷ്യം, വിറ്റമിൻ ബി1, ബി2, ബി6, ബി12 അതുപോലെ വിറ്റമിൻ സി എന്നിവ അടങ്ങിയിരിക്കുന്നു.
ഇവയെല്ലാം ചുവന്ന രക്താണുക്കളുടെ എണ്ണം കൂട്ടുന്നതിന് സഹായിക്കുന്നു. ഇത് ശരീരത്തിൽ ഹിമോഗ്ലോബിൻ കൂടുന്നതിന്(Increase Hemoglobin levels) സഹായിക്കുന്നു.

ഉണക്കമുന്തിരിയും ഈന്തപ്പഴവും ഹിമോഗ്ലോബിൻ വർദ്ധിപ്പിക്കുന്നതിന് സഹായിക്കുന്നുണ്ട്. ഇതിൽ, അയേൺ, മഗ്നീഷ്യം, കോപ്പർ, വിറ്റമിൻ എ, വിറ്റമിൻ സി എന്നിവ അടങ്ങിയിരിക്കുന്നു.ഇത് ശരീരത്തിലെ രോഗപ്രതിരോധശേഷി വർദ്ധിപ്പിക്കുന്നതിനും അയേൺ ശരീരത്തിൽ കൃത്യമായി ലഭിക്കുന്നതിനും സഹായിക്കുന്നു.എള്ള് കഴിക്കുന്നത് ആരോഗ്യത്തിന് നല്ലതാണ്.ഇതിൽ അയേൺ, കോപ്പർ, സിങ്ക്, സെലേനിയം അതുപോലെ വിറ്റമിൻ ബി6, ഇ, ഫോലേറ്റ് എന്നിവ അടങ്ങിയിരിക്കുന്നു

മുരിങ്ങ ഇലയിൽ ധാരാളം അയേൺ അടങ്ങിയിരിക്കുന്നു. ഇത് കറികളിൽ ചേർത്ത് കഴിക്കുന്നതും തോരൻ ഉണ്ടാക്കി കഴിക്കുന്നതും നല്ലതാണ്. മുരിങ്ങയില പോലെ തന്നെ നിരവധി ഗുണങ്ങളാണ് ചീരയിലയിലും അടങ്ങിയിരിക്കുന്നത്. വിറ്റമിനും അയേണും അടങ്ങിയിരിക്കുന്നതിനാൽ തന്നെ, ഇത് മൊത്തത്തിലുള്ള ആരോഗ്യത്തിനും നല്ലതാണ്.