കൊളസ്ട്രോൾ കുറയ്ക്കണോ ഈ പഴങ്ങൾ കഴിക്കണം(Eat to lower your cholesterol)

ജീവിതശൈലി രോഗങ്ങളിൽ പ്രധാനിയായി മാറിയിരിക്കുകയാണ് കൊളസ്ട്രോൾ. നിശബ്ദ കൊലയാളി എന്ന് വേണമെങ്കിൽ കൊളസ്ട്രോളിന് വിളിക്കാം. മാറി കൊണ്ടിരിക്കുന്ന ജീവിതശൈലിയും ഭക്ഷണശൈലിയുമൊക്കെ തന്നെയാണ് പലപ്പോഴും കൊളസ്ട്രോൾ(Eat to lower your cholesterol) പോലെയുള്ള രോഗങ്ങളുടെ പ്രധാന കാരണക്കാരൻ. ശരീരത്തിൽ ചീത്ത കൊളസ്ട്രോൾ കൂടുന്നത് ഹൃദ്രോഗത്തിനും സ്ട്രോക്കിനും കാരണമാകാറുണ്ട്.
ഇത് ധമനികളിൽ ശിലാഫലകം അടിഞ്ഞുകൂടുന്നതിനും അവയെ ഇടുങ്ങിയതാക്കുന്നതിനും സുപ്രധാന അവയവങ്ങളിലേക്കുള്ള രക്തയോട്ടം നിയന്ത്രിക്കുന്നതിനും ഇടയാക്കും. ജീവൻ വരെ അപകടത്തിലാക്കാൻ ഇത് കാരണമാകാറുണ്ട്. ശരിയായ രീതിയിലുള്ള ഭക്ഷണക്രമം ഒരു പരിധി വരെ കൊളസ്ട്രോളിനെ തടുക്കാൻ സഹായിക്കും.

പഴങ്ങളും പച്ചക്കറികളും കഴിക്കുന്നത് കൊളസ്ട്രോൾ കുറയ്ക്കാൻ ഏറെ നല്ലതാണ്(Eat to lower your cholesterol)

പേരയ്ക്ക

ആൻ്റി ഓക്സിഡൻ്റുകളും ഫൈബറും ധാരാളം അടങ്ങിയിട്ടുള്ളതാണ് പേരയ്ക്ക. വീട്ടിലെ പറമ്പിൽ വെറുതെ കിളി കൊത്തി കളയാൻ പേരയ്ക്കയെ സമ്മതിക്കരുത്. കൊളസ്ട്രോൾ ഉള്ളവർ പേരയ്ക്ക കഴിക്കുന്നത് ഏറെ നല്ലതാണ്. ശരീരത്തിലെ ചീത്ത കൊളസ്ട്രോളിനെ കുറച്ച് ഹൃദയത്തെ സംരക്ഷിക്കാൻ പേരയ്ക്കയ്ക്ക് കഴിയും. മാത്രമല്ല ഇതിലെ ഉയർന്ന പൊട്ടാസ്യത്തിൻ്റെ അളവ് രക്തസമ്മർദ്ദം കുറയ്ക്കാനും നല്ലതാണ്.

മാതളം

ശരീരത്തിൽ രക്തം കൂട്ടാൻ സഹായിക്കുന്ന പ്രധാന പഴമാണ് മാതളം. ചീത്ത കൊളസ്ട്രോൾ കുറയ്ക്കാൻ(Eat to lower your cholesterol)സഹായിക്കുന്ന പല ഘടകങ്ങളും മാതളത്തിൽ അടങ്ങിയിട്ടുണ്ട്. നല്ല ചുവന്ന പഴുത്ത മാതാളത്തിൽ പോളിഫിനോൾസും പ്യൂണികാലാജിനും അടങ്ങിയിട്ടുണ്ട്. ഇത് കൊളസ്ട്രോൾ കുറയ്ക്കാൻ ഏറെ നല്ലതാണ്. മാത്രമല്ല വൈറ്റമിനുകളും ഫൈബറും മാതളത്തിൽ ധാരാളമുണ്ട്.

Cholesterol – healthy eating tips

നെല്ലിക്ക

ആരോഗ്യത്തിനും മുടിയ്ക്കുമൊക്കെ ഏറെ നല്ലതാണ് നെല്ലിക്ക എന്ന് എല്ലാവർക്കുമറിയാവുന്നതാണ്. വൈറ്റമിൻ സി, ആൻ്റി ഓക്സിഡൻ്റുകളാൽ സമ്പന്നമാണ് നെല്ലിക്ക. ഇത് കൊളസ്ട്രോൾ കുറയ്ക്കാനും ഓക്സിഡേറ്റീവ് സ്ട്രെസിൽ നിന്ന് സംരക്ഷിക്കാനും സഹായിക്കും. ദഹനം മെച്ചപ്പെടുത്താനും ഹൃദയാരോഗ്യം നന്നാക്കാനും നെല്ലിക്ക വളരെ നല്ലതാണ്.

പപ്പായ

വെറുതെ പറമ്പിൽ നിൽക്കുന്ന പപ്പായയെ കളയണ്ട, ആരോഗ്യത്തിന് പല തരത്തിലുള്ള ഗുണങ്ങൾ നൽകുന്നതാണ് പപ്പായ. കൊളസ്ട്രോൾ കുറയ്ക്കാൻ വളരെ നല്ലതാണ് പപ്പായ. ഇതിൽ അടങ്ങിയിട്ടുള്ള പപ്പൈൻ എന്ന സംയുക്തം ദഹനം മെച്ചപ്പെടുത്താനും കൊളസ്ട്രോൾ കുറയ്ക്കാനും നല്ലതാണ്. വൈറ്റമിനുകളും ധാതുക്കളും ഫൈബറും ധാരാളമുള്ളതിനാൽ മൊത്തത്തിലുള്ള ആരോഗ്യത്തിനും പപ്പായ നല്ലതാണ്.

ആപ്പിൾ

പൊതുവെ എല്ലാ വീടുകളിലും ആപ്പിൾ കാണാറുണ്ട്. ധാരാളം ഫൈബർ അടങ്ങിയിട്ടുള്ളതാണ് ആപ്പിൾ. ശരീരത്തിലുണ്ടാകുന്ന ചീത്ത കൊളസ്ട്രോൾ കുറയ്ക്കാൻ വളരെ നല്ലതാണ് ആപ്പിൾ. വീക്കും കുറയ്ക്കാനും ഹൃദ്രോഗത്തിന് സഹായിക്കുന്നതുമായ ധാരാളം ആൻ്റി ഓക്സിഡൻ്റുകൾ ഇതിൽ അടങ്ങിയിട്ടുണ്ട്.

ഓറഞ്ച്

വൈറ്റമിൻ സിയുടെ ഉറവിടമാണ് ഓറഞ്ച്. മാത്രമല്ല ഫൈബർ കൂടുതലുള്ള ഓറഞ്ച് ആരോഗ്യത്തിന് വളരെ നല്ലതാണ്. ഹ്യദയാരോഗ്യം മെച്ചപ്പെടുത്താനും ഓറഞ്ച് സഹായിക്കും. ദിവസവും പഴങ്ങൾ കഴിക്കുന്നത് ആരോഗ്യത്തിന് തരുന്ന ഗുണങ്ങൾ ധാരാളമാണ്. പല തരത്തിലുള്ള പഴങ്ങൾ ഡയറ്റിൽ ഉൾപ്പെടുത്താൻ ശ്രമിക്കണം.