Children’s dental health

കുട്ടിക്കളിയല്ല കുട്ടികളുടെ ദന്താരോഗ്യം; ശ്രദ്ധവേണം ഇക്കാര്യങ്ങളിൽ

കുഞ്ഞു ചിരിയിൽ മയങ്ങിപോകാത്തവരായി ആരെങ്കിലുമുണ്ടോ? കുഞ്ഞരി പല്ലുകാണിച്ചുള്ള ചിരിയെക്കുറിച്ച് മാത്രം ആലോചിച്ചാൽ പോരാ ആ കുഞ്ഞി പല്ലുകളെസംരക്ഷിക്കേണ്ടതിന്റെ (Children’s dental health)ആവശ്യകതയെപ്പറ്റി കൂടി നമ്മൾ അറിഞ്ഞിരിക്കണം.നമ്മുടെ പൊതുവായ ആരോഗ്യം നിലനിർത്തുന്നതിന് വിവിധ ഘടകങ്ങളിൽ സുപ്രധാനമായ സ്ഥാനം വായുടെ ആരോഗ്യസംരക്ഷണത്തിനുണ്ട്. ശരീരത്തിലേക്കുള്ള കവാടം എന്നാണ് വായ് വിശേഷിപ്പിക്കപ്പെടുന്നത്. ആരോഗ്യമുള്ള വായിൽ ഉറച്ച പല്ലുകളും ദൃഢമായ മോണകളുമുണ്ടാകും. പല്ലിന്റെ വളർച്ച ഗർഭസ്ഥ ശിശുവിൽനിന്ന് തുടങ്ങുന്നു. മുഖസൌന്ദര്യത്തിൽ ഏറ്റവും വലിയ മുതൽക്കൂട്ടായ പല്ലുകളാണ് മനോഹരമായ പുഞ്ചിരിയിലൂടെ ഒരു വ്യക്തിയെ ആകർഷണീയനാക്കുന്നത്. ഒപ്പം ആഹാരപദാർഥങ്ങൾ ചവച്ചരയ്ക്കുന്നതിലും ഉച്ചാരണശുദ്ധിയോടെ സംസാരിക്കുന്നതിലും പല്ലുകൾ വഹിക്കുന്ന പങ്ക് നിസ്തുലം തന്നെ. വായിൽ ഉണ്ടാകുന്ന രോഗങ്ങളിൽ കൂടുതലും പല്ലിനെ ബാധിക്കുന്നവയാണ്. കുട്ടികളിൽ സർവസാധാരണമായി കണ്ടുവരുന്ന രോഗങ്ങളാണ് പല്ലുദ്രവിക്കലും മോണരോഗങ്ങളും. ഇവ പരസ്പരം ബന്ധപ്പെട്ടിരിക്കുന്നു. കുട്ടികളിൽ ഇത് ഗണ്യമായ അളവിൽ ഉണ്ട്. അതിനാൽ ഇക്കാര്യത്തിൽ അടിയന്തര ശ്രദ്ധ പതിപ്പിക്കേണ്ടത് അത്യന്താപേക്ഷിതമാണ്.

പാൽപ്പല്ലുകൾ ഇരുപത് എണ്ണം ആണ്. മേൽത്താടിയിലും കീഴ്ത്താടിയിലും 10 എണ്ണം വീതമാണ് ക്രമീകരിക്കപ്പെട്ടിരിക്കുന്നത്. പല്ലുകൾ താടിയെല്ലിനുള്ളിൽ മുളച്ച്, എല്ലിനെ പൊതിഞ്ഞിരിക്കുന്ന മോണയിലൂടെ പുറത്തേക്കു വരുന്നു. ഈ പ്രക്രിയയെയാണ് ഇറപ്ഷൻ (eruption) എന്നു പറയുന്നത്. ആറുമാസം പ്രായമാകുമ്പോൾ കുട്ടികളിൽ താഴത്തെ താടിയെല്ലിന്റെ മുൻഭാഗത്ത് ആദ്യത്തെ പല്ല് മുളയ്ക്കും. അതിനുശേഷം രണ്ടു വയസ്സിനുള്ളിൽ ഓരോന്നോരോന്നായി 20 പാൽപ്പല്ലുകളും മുളച്ചുവരും. പാൽപ്പല്ലുകളുടെ ഇടയിലെ വിടവ് പ്രകൃത്യാ ഉള്ളതാണ്. പാൽപ്പല്ലുകൾക്കിടയിൽ വിടവില്ലാതിരുന്നാൽ വലിയ സ്ഥിരം പല്ലുകൾ മുളയ്ക്കുമ്പോൾ അവയ്ക്ക് സ്ഥലക്കുറവുണ്ടാകും; സ്ഥിരം പല്ലുകൾ ക്രമം തെറ്റി മുളയ്ക്കാനുള്ള സാധ്യതയും ഏറും. കുട്ടികളുടെ ദന്താരോഗ്യത്തില്‍(Children’s dental health) മാതാപിതാക്കള്‍ സ്വീകരിക്കേണ്ട മുന്‍കരുതലുകളുണ്ട്. പാല്‍പ്പല്ല് മുളച്ച് വരുമ്പോള്‍ മുതല്‍ കുഞ്ഞുങ്ങളുടെ പല്ലുകളുടെ കാര്യത്തില്‍ ശ്രദ്ധ ചെലുത്തിത്തുടങ്ങണം.

Expanding Integration and Access for Children’s Dental Health

കുട്ടികളുടെ പല്ലിന്റെ ആരോഗ്യവുമായി(Children’s dental health ) ബന്ധപ്പെട്ട് മാതാപിതാക്കള്‍ ശ്രദ്ധിക്കേണ്ടകാര്യങ്ങൾ

1. പഞ്ചസാര

പഞ്ചസാര (ഭക്ഷണം, പാനീയങ്ങള്‍, മുലപ്പാല്‍ എന്നിവയില്‍ പഞ്ചാസാര കാണപ്പെടുന്നു കഴിച്ചുകഴിഞ്ഞാല്‍ വായ വൃത്തിയായി കഴുകുവാന്‍ ശീലിപ്പിക്കുക. ഇത് ഒരു പരിധി വരെ പല്ലുകള്‍ക്ക് സംരക്ഷണം നല്‍കും. അല്ലെങ്കില്‍ ആ മധുരം വായില്‍ വസിക്കുന്ന ബാക്ടീരിയകളുമായി പ്രവര്‍ത്തിക്കുകയും പല്ലുകളില്‍ പോടുകള്‍ (Children’s dental health)ഉണ്ടാവുന്നതിനും കാരണമാവുകയും ചെയ്യുന്നു. ബാക്ടീരിയകള്‍ പഞ്ചസാരയെ ഒരു ആസിഡാക്കി മാറ്റുന്നു. ഇത് പല്ലിന്റെ പുറം പാളിയായ ഇനാമലിനെ നശിപ്പിക്കുന്നു
2. നേര്‍ത്ത ഇനാമൽ

കുഞ്ഞുങ്ങളുടെ പല്ലിന്റെ ഇനാമല്‍ മുതിര്‍ന്നവരേക്കാള്‍ കനംകുറഞ്ഞതാണ്. അതിനാല്‍ തന്നെ എത്ര കരുതല്‍ എടുത്താലും ബാക്ടീരിയകള്‍ക്ക് പോടുകള്‍ ഉണ്ടാക്കുന്നത് എളുപ്പമായിരിക്കും.

3. ഉമിനീര്‍ കുറവ്

ബാക്ടീരിയ ഉണ്ടാക്കുന്ന ആസിഡിനെ നേര്‍പ്പിച്ചുകളയാന്‍ ഉമിനീര്‍ സഹായിക്കുന്നു. എന്നാല്‍ ഉമിനീര്‍ കുറവാണെങ്കില്‍, പല്ലുകളില്‍ ദ്വാരങ്ങള്‍ വരാനുള്ള സാധ്യത കൂടുതലാണെന്നാണ് വിദഗ്ധര്‍ പറയുന്നത്.

4. രാത്രി പല്ല് തേയ്ക്കാത്തത്​

പല മാതാപിതാക്കളും കുട്ടികളെ രാത്രി പല്ല് തേപ്പിച്ച് പഠിപ്പിക്കുന്നില്ല. പല കുട്ടികള്‍ക്കും രാത്രി പല്ല് തേയ്ക്കാന്‍ മടിയാണ്. പലരും, ആഹാരം കഴിച്ച് കഴിഞ്ഞ് വേഗത്തില്‍ തന്നെ കിടന്നുറങ്ങുന്നു. ഇത്തരത്തില്‍ രാത്രി പല്ല് തേയ്ക്കാതെ കിടക്കുന്നത് കുട്ടികളുടെ പല്ലുകളില്‍ വേഗത്തില്‍ കേട് വരുന്നതിന് കാരണമാകുന്നുണ്ട്.

5. സ്വയം പല്ല് തേയ്ക്കുമ്പോൾ

കുട്ടികള്‍ ഒരു പ്രായം ആകുമ്പോള്‍ മാതാപിതാക്കള്‍ അവര്‍ക്ക് പല്ല് തേപ്പിച്ച് കൊടുക്കുന്നത് കുറയ്ക്കും. മിക്കപ്പോഴും ചെറുപ്പത്തില്‍ തന്നെ കുട്ടികള്‍ക്ക് സ്വയം പല്ല് തേയ്ക്കാനായിരിക്കും ഇഷ്ടം കൂടുതല്‍അതിനാല്‍ പല മാതാപിതാക്കളും കുട്ടികളുടെ ഇഷ്ടത്തിന് വിടുന്നവരും ഉണ്ട്. എന്നാല്‍, കുട്ടികള്‍ ഇത്തരത്തില്‍ സ്വയം പല്ല് തേച്ച് തുടങ്ങുമ്പോള്‍ പേയ്സ്റ്റ് നല്ലപോലെ എടുക്കാനും അതുപോലെ കുറച്ച് പേയ്സ്റ്റ് മാത്രം എടുക്കാനും സാധ്യത കൂടുതലാണ്. പല കുട്ടികളും കൃത്യമായി പല്ല് തേയ്ക്കുകയും ഇല്ല. അതിനാല്‍ എടുത്ത പേയ്സ്റ്റ് പല്ലുകളില്‍ തന്നെ ഇരിക്കാന്‍ സാധ്യത കൂടുതലാണ്. ഇത് പല്ലില്‍ കേട് വരുന്നതിന് കാരണമാകുന്നു(Children’s dental health).

കുഞ്ഞുങ്ങളുടെ പല്ല് നശിക്കുന്നത് തടയാനുള്ള വഴികൾ

 കുഞ്ഞുങ്ങളുടെ പല്ലുകള്‍, മോണകള്‍, നാവ് എന്നിവ ദിവസവും രണ്ടുതവണയെങ്കിലും വൃത്തിയാക്കുക. വൃത്തിയുള്ള നനഞ്ഞ തുണി അല്ലെങ്കില്‍ അണുവിമുക്തമായ കോട്ടണ്‍ ഉപയോഗിച്ച് ഭക്ഷണം കഴിച്ചതിനുശേഷവും ഉറങ്ങാന്‍ പോകുമ്പോഴും അവ വൃത്തിയാക്കണം. • മരുന്നുകള്‍ നല്‍കിയതിന് ശേഷവും കുഞ്ഞുങ്ങളുടെ പല്ലുകളും മോണകളും വൃത്തിയാക്കുക, കാരണം അവയിലും പഞ്ചസാരയുടെ സാന്നിദ്ധ്യമുണ്ട്. • ഭക്ഷണം കഴിക്കുന്ന സമയത്ത് മാത്രം ഒരു പാല്‍ക്കുപ്പി ഉപയോഗിക്കാന്‍ ശീലിപ്പിക്കുക. കുട്ടികളുടെ കരച്ചിലിനോ ശാഠ്യത്തിനോ ആശ്വാസത്തിനായി പാല്‍ക്കുപ്പി ഉപയോഗിക്കാതിരിക്കാന്‍ ശ്രദ്ധിക്കുക.