Seasonal Affective Disorder

കാലാവസ്ഥ മാറുമ്പോൾ മൂഡ് മാറുന്നോ? സീസണൽ അഫക്ടീവ് ഡിസോഡറിനെ ഇങ്ങനെ നിയന്ത്രിക്കാം(Seasonal Affective Disorder)

ഋതുക്കൾ മാറുന്നതിനനുസരിച്ച് ആളുകളിൽ ഉണ്ടാകുന്ന ഒരിനം വിഷാദരോഗമാണ് സാഡ് (SAD) എന്നു വിളിക്കുന്ന സീസണൽ അഫക്ടീവ് ഡിസോർഡർ(Seasonal Affective Disorder). എല്ലാവർഷവും ഒരേസമയത്ത് ഇത് ആരംഭിക്കുകയും അവസാനിക്കുകയും ചെയ്യുന്നു. ഹേമന്തത്തിന്റെ ആരംഭത്തിൽ തുടങ്ങി ശിശിരകാലം മുഴുവൻ തുടരുന്ന സാഡ്, ഊർജമാകെ നഷ്ട്ടപ്പെട്ട് വിഷാദത്തിനടിപ്പെടുന്ന അവസ്ഥയിലെത്തുന്നു. ചിലപ്പോളിത് വസന്തകാലത്തും ഗ്രീഷ്‌മകാലത്തും വരാം.

ദിവസം മുഴുന്‍ അലസത തോന്നുക, മുന്‍പ് ആസ്വദിച്ച് ചെയ്തിരുന്ന കാര്യങ്ങളില്‍ താല്‍പര്യമില്ലാതെയിരിക്കുക. മന്ദത അനുഭവപ്പെടുക, നിരാശ, ഉറക്കമില്ലായ്മ, വിശപ്പില്ലായ്മ എന്നിവയാണ് എസ്എഡിയുടെ പ്രധാന ലക്ഷണങ്ങള്‍. ഈ അവസ്ഥയെ നിയന്ത്രിച്ച് മാനസികാവസ്ഥയെ മെച്ചപ്പെടുത്താൻ മനസിനെ പാകപ്പെടുത്തുക എന്നതാണ് പ്രധാനം.

സാഡിനെ നിയന്ത്രിക്കാൻ ഫലപ്രദമായ മാർഗങ്ങളുണ്ട്.

സൂര്യപ്രകാശം ഏൽക്കാം; മനോനില (mood) മെച്ചപ്പെടുത്തുന്ന ഹോർമോൺ ആയ സെറോടോണിൻ്റെ അളവ് നിയന്ത്രിക്കാൻ സൂര്യപ്രകാശം സഹായിക്കും. പുറത്തു സമയം ചെലവഴിക്കുന്നത്, പ്രത്യേകിച്ച് രാവിലത്തെ വെയിൽ കൊള്ളുന്നത് ഫലപ്രദമാണ്. വീട്ടിലും ജോലിസ്‌ഥലത്തും ജനാലയ്ക്കരികിൽ ഇരിക്കുന്നതും ഗുണം ചെയ്യും.

നല്ല ശീലങ്ങള്‍ വളര്‍ത്താം; മാനസികാരോഗ്യം മെച്ചപ്പെടുത്തുന്ന പല ശീലങ്ങള്‍ക്ക് ഈ സമയം തുടക്കമിടാം. വായന, സെല്‍ഫ് കെയര്‍, ശേഖരണം തുടങ്ങിയ ശീലങ്ങള്‍ നിങ്ങളെ കൂടുതല്‍ തിരക്കിലാക്കുകയും വിഷാദഭാവത്തില്‍ നിന്നും പുറത്തു കടക്കുകയും ചെയ്യാം. ആരോഗ്യകരമായ ഭക്ഷണം കഴിക്കാം.

വ്യായാമം മുടക്കരുത്; എത്ര നിരാശ തോന്നിയാലും വ്യായാമം ചെയ്യുന്നത് മുടക്കരുത്. വ്യായാമം ചെയ്യുന്നതിലൂടെ ശരീരത്തിലെ ഹാപ്പി ഹോര്‍മോണുകളെ ഉത്പാദിക്കാന്‍ സാധിക്കും. അതിലൂടെ മെച്ചപ്പെട്ട മാനസികാവസ്ഥ ഉണ്ടാക്കാന്‍ സാധിക്കും.

പ്രകാശ ചികിത്സ (Light Therapy); സാഡിന്റെ ലക്ഷണങ്ങളെ കുറയ്ക്കാൻ സുര്യപ്രകാശം ഏൽക്കുന്നതു പോലെ തന്നെ ഫലപ്രദമാണ് ലൈറ്റ് തെറാപ്പിയും ദിവസവും രാവിലെ ഇരുപതു മുതൽ മുപ്പതു മിനിറ്റ് ഒരു ലൈറ്റ് ബോക്സ് ഉപയോഗിക്കാം. ഇത് ശരീരത്തിലെ ജൈവഘടികാരത്തെ നിയന്ത്രിക്കുകയും കൂടുതൽ ജാഗ്രതയുള്ളവരാക്കുകയും വിഷാദം കുറയ്ക്കുകയും ചെയ്യും.

Seasonal Affective Disorder (SAD)

ആക്ടീവ് ആയിരിക്കാം; മനോനില മെച്ചപ്പെടുത്തുകയും സ്ട്രെസ്സ് കുറയ്ക്കുകയും ചെയ്യുന്ന എൻഡോർഫിൻ ഹോർമോണിനെ ഉൽപാദിപ്പിക്കാൻ വ്യായാമം സഹായിക്കും. നടത്തം, സ്ട്രെച്ചിങ്ങ് തുടങ്ങിയ ലഘു വ്യായാമങ്ങൾ പോലും സാഡിൻ്റെ ലക്ഷണങ്ങളെ പ്രതിരോധിക്കും. ആഴ്ചയിൽ ഏതാനും ദിവസം കുറഞ്ഞത് മുപ്പത് മിനിറ്റ് എങ്കിലും പുറത്ത് വ്യായാമം ചെയ്യാൻ ശ്രദ്ധിക്കാം. ഇത് വ്യായാമത്തിന്റെയും സൂര്യപ്രകാശത്തിന്റെയും ഗുണങ്ങൾ ലഭിക്കാൻ സഹായിക്കും

കൃത്യമായ ദിനചര്യ പിന്തുടരാം; കൃത്യമായ ദിനചര്യ മുഡ് മെച്ചപ്പെടുത്തുന്നതോടൊപ്പം ഉറക്കം നിയന്ത്രിക്കാനും ഊർജനില വർധിപ്പിക്കാനും സഹായിക്കും. ആഴ്ചാവസാനം ഉൾപ്പെടെ എല്ലാദിവസവും കൃത്യസമയത്ത് ഉറങ്ങുകയും ഉണരുകയും ചെയ്യുക.

ഒരാളുടെ മനോനിലയെയും ഊർജത്തെയും ഭക്ഷണം സ്വാധീനിക്കും. പഴങ്ങൾ, പച്ചക്കറികൾ, മുഴുധാന്യങ്ങൾ, ഉപ്രാട്ടിൻ ഇവയടങ്ങിയ സമീകൃതഭക്ഷണം ശീലമാക്കാം. ഇവ ശരീരത്തിനാവശ്യമായ പോഷകങ്ങൾ നൽകും. പഞ്ചസാര, കഫീൻ ഇവ ഒഴിവാക്കാം. കാരണം ഇവ ഊർജനിലയിൽ മാറ്റം വരുത്തുകയും മുഡ്സ്വിങ്ങ്സിനു കാരണമാകുകയും ചെയ്യും.