Cause of kidney damage

കിഡ്നിയെ തകരാറിലാക്കുന്ന കാര്യങ്ങൾ(Cause of kidney damage)

നമ്മുടെ ശരീരത്തിലുണ്ടാകുന്ന വിസർജ്‌ജ്യ വസ്‌തുക്കളെ മൂത്രത്തിലൂടെ പുറന്തള്ളുക എന്നതാണ് വൃക്കകളുടെ പ്രധാന ധർമം. ശരീരത്തിലെ ജലാംശത്തിന്റെയും, ലവണങ്ങളുടെയും സംതുലനം, രക്തസമ്മർദനിയന്ത്രണം, രക്തത്തിലെ ചുവന്ന രക്താണുക്കളുടെ (Red blood cells) ഉത്പാദനക്രമീകരണം, അസ്‌ഥികളുടെ രൂപീകരണത്തിനാവശ്യമായ ജീവകം ഡി സജീവമായ രൂപത്തിലാക്കൽ എന്നിവയും വൃക്കകളുടെ പ്രവർത്തനങ്ങളാണ്. പുരുഷൻമാരിലും സ്തീകളിലുമുണ്ടാകുന്നവൃക്ക രോഗങ്ങൾ അനേകമുണ്ട്. ചില രോഗങ്ങൾ സ്ത്രീകളിൽ കൂടുതൽ കണ്ടുവരുന്നു.

വൃക്ക രോഗത്തിൻ്റെ പ്രധാന കാരണങ്ങൾ എന്തെല്ലാമാണ്?(Cause of kidney damage)

രണ്ടുതരം കാരണങ്ങൾ കൊണ്ട് വൃക്കരോഗവും വ്യക്ക സ്തംഭനവും ഉണ്ടാകാം.

1. താല്കാലിക വൃക്കസ്‌തംഭനമുണ്ടാകുന്നതിനുള്ള കാരണങ്ങൾ

അണുബാധ, എലിപ്പനി, മലേറിയ, കർപ്പനും മറ്റു ചില അണുബാധകൾക്കും ശേഷമുണ്ടാകുന്ന ഗ്ലോമെറുലോ നെഫ്രൈറ്റിസ്, ചില തരം മരുന്നുകൾ (വേദന സംഹാര ഗുളികകൾ, ചില ആന്റിബയോട്ടിക്കുകൾ, അർബുദ ചികിത്സയ്ക്കുപയോഗിക്കുന്ന ചില മരുന്നുകൾ, ലോഹങ്ങൾ അടങ്ങിയിരിക്കുന്ന ചില മരുന്നുകൾ), വിഷാംശമുള്ള വസ്‌തുക്കൾ, സർപ്പദംശനം എന്നിവ താൽക്കാലിക വൃക്കസ്തംഭനമുണ്ടാക്കാം(Cause of kidney damage).

 2. സ്‌ഥായിയായ വൃക്ക സ്‌തംഭനത്തിന്റെ കാരണങ്ങൾ :

പ്രമേഹം, ഉയർന്ന രക്‌തസമ്മർദം, ഗ്ലോമെറുലോ നെഫ്രൈറ്റിസ് എന്നു പറയുന്ന രോഗസമുച്ചയം, വൃക്കകളിലുണ്ടാവുന്ന കല്ലുകൾ, ഇടയ്ക്കിടെയുണ്ടാവുന്ന മുത്രത്തിലെ അണുബാധ, മുത നാളികളിലുണ്ടാവുന്ന തടസ്സങ്ങൾ, ജന്മനാലുണ്ടാവുന്ന ചില വൈകല്യങ്ങൾ എന്നിവയാണ് സഥായിയായ വൃക്ക സ്തംഭനത്തിന്റെ കാരണങ്ങൾ(Cause of kidney damage).

മുഖത്തും കാലിലും നീർക്കെട്ട്, മുത്രത്തിൽ പത, മൂത്രത്തിൽ രക്തത്തിൻ്റെ അംശവും കാണുക, മുത്രത്തിന്റെ അളവ് കുറയുക, വിശപ്പില്ലായ്‌മ, ചർദ്ദിൽ, ഓക്കാനം, രക്കതാദിസമ്മർദം, ക്ഷീണം, വിളർച്ച എന്നിവയാണ് വൃക്ക രോഗത്തിൻ്റെ ലക്ഷണങ്ങൾ. ഇതു കൂടാതെ ശ്വാസ തടസ്സം, അപസ്‌മാരം, ബോധം നഷ്ട്പ്പെടൽ, ചൊറിച്ചിൽ എന്നീ ലക്ഷണങ്ങളും കാണാറുണ്ട്.

kidney stone

ചില വ്യക്തികളിൽ കാര്യമായ ലക്ഷണങ്ങൾ ഒന്നുമില്ലാതെതന്നെ വൃക്ക രോഗമുണ്ടാകാറുണ്ട്. രോഗം വളരെ പുരോഗമിച്ചു മുർധന്യത്തിൽ എത്തിയ ശേഷമേ ഇവരിൽ രോഗലക്ഷണങ്ങൾ ഉണ്ടാകാറുള്ളു. ഏതുതരം വൃക്കരോഗങ്ങളും ഗർഭിണികളിൽ ഉണ്ടാകാം.

വൃക്കരോഗമുള്ള സ്ത്രീകൾ ഗർഭം ധരിച്ചാൽ രക്തസമ്മർദംകൂടുവാനും വൃക്കകളുടെ പ്രവർത്തനം കുറയുവാനും സാധ്യതയുണ്ട്.അതിനാൽ ഇവർ വൃക്കരോഗ വിദഗ്‌ധന്റെ പരിചരണത്തിൽ ആയിരിക്കണം. ചില മരുന്നുകൾ ഗർഭകാലത്ത് ഒഴിവാക്കേണ്ടതുണ്ട്.

രക്തസമ്മർദം നിയന്ത്രിക്കാൻ വിഷമം ഉണ്ടെങ്കിലും രക്തത്തിൽ ക്രിയാറ്റിന്റെ അളവ് 2 മില്ലി ഗ്രാമിൽ കൂടുതൽ ആണെങ്കിലും ഗർഭാധാരണം അഭികാമ്യമല്ല; കാരണം ഈ അവസ്‌ഥയിൽ ഗർഭസ്ഥ ശിശു പൂർണ വളർച്ചയിലേക്ക് പോകുവാനുള്ള സാധ്യത കുറയും എന്നു മാത്രമല്ല, മാതാവിൻ്റെ വൃക്കകളുടെ പ്രവർത്തനം കുറയുകയും ചെയ്യുന്നു.

പാരമ്പര്യവും വിട്ടുമാറാത്ത വൃക്കരോഗത്തിന്റെ അപകട ഘടകങ്ങളിൽ ഉൾപ്പെടുന്നു. നിങ്ങളുടെ ദൈനംദിന ജീവിതത്തിൽ നിന്നുള്ള നിരവധി ശീലങ്ങൾ വൃക്കരോ​ഗത്തിന് കാരണമാകും(Cause of kidney damage). 

• വേദനസംഹാരികളുടെ അമിത ഉപയോഗം
• ഉപ്പിന്റെ അമിത ഉപയോ​ഗം
• വെള്ളം കുടിക്കാത്തത്.
• ഉറക്കക്കുറവ്
• ഉയർന്ന പഞ്ചസാര ഉപഭോഗം
• മദ്യപാനം
• അമിതമായ പുകവലി
• പായ്ക്ക് ചെയ്ത ഭക്ഷണം കഴിക്കുക.
• ഉദാസീനമായ ജീവിതശൈലി

മുകളിൽ പറഞ്ഞിരിക്കുന്നവയെല്ലാം വൃക്കകളെ ദോഷകരമായി ബാധിക്കുന്ന ചില സാധാരണ ശീലങ്ങളാണ്.
ഒരു വ്യക്തി ടൈപ്പ് 1 അല്ലെങ്കിൽ 2 പ്രമേഹം, ഉയർന്ന രക്തസമ്മർദ്ദം അല്ലെങ്കിൽ പൊണ്ണത്തടി എന്നിവയാൽ ബുദ്ധിമുട്ടുന്നുണ്ടെങ്കിൽ അവരിൽ സികെഡി വികസിപ്പിക്കാനുള്ള സാധ്യത വർദ്ധിപ്പിക്കുന്നു. 

വൃക്കയിലെ കല്ലുകളുടെ ആവർത്തിച്ചുള്ള രൂപീകരണം വൃക്കകളെ തകരാറിലാക്കുകയും വൃക്കരോഗങ്ങളുടെ സാധ്യത വർദ്ധിപ്പിക്കുകയും ചെയ്യുന്നു. ഇത് ക്രോണിക് കിഡ്നി രോഗത്തിലേക്ക് നയിച്ചേക്കാം.

ആരോഗ്യവാനായ ഒരാൾ രാത്രിയിൽ ഒരു തവണയും പകൽ മൂന്നു നാലുതവണയും മൂത്രമൊഴിക്കുന്നത് സാധാരണമാണ്. എന്നാൽ രാത്രിയിൽ കൂടുതൽ തവണ മൂത്രമൊഴിക്കാൻ എഴുന്നേൽക്കുന്നത് വൃക്കകളുടെ തകരാറുകളുടെ സൂചനയാകാം. ഇതിനു പുറമേ മൂത്രമൊഴിക്കുമ്പോൾ അമിതമായി പതയുകയോ നുരയുകയോ കുമിളകൾ ഉണ്ടാകുകയോ ചെയ്യുന്നുണ്ടെങ്കിലും ശ്രദ്ധിക്കണം.

സാധാരണമല്ലാത്ത വിധം മൂത്രം നേർത്ത് കട്ടികുറഞ്ഞ് പോകുക, കട്ടികൂടിയ മൂത്രം അൽപാൽപമായി പോകുക, മൂത്രത്തിന്റെ നിറം കട്ടൻ ചായയുടെ നിറം പോലെയാകുക, മൂത്രത്തിൽ രക്തം കാണുക, മൂത്രമൊഴിക്കാൻ പ്രയാസം നേരിടുക—മുതലായവയും വൃക്കരോഗങ്ങളെ സൂചിപ്പിക്കുന്നു.

അകാരണവും നീണ്ടു നിൽക്കുന്നതുമായ ക്ഷീണം സൂക്ഷിക്കണം. വൃക്കയുടെ തകരാറുമൂലം ചുവന്ന രക്താണുക്കളുടെ ഉൽപാദനവും വളർച്ചയും അവതാളത്തിലാവും. ഇതുമൂലം ശരീരപ്രവർത്തനത്തിനാവശ്യമായ ഓക്സിജൻ എത്തിക്കാൻ ചുവന്ന രക്താണുക്കൾക്കു കഴിയാതെ വരുന്നതുമൂലം തലച്ചോറും പേശികളും ക്ഷീണിക്കുന്നു. വിളർച്ചയുണ്ടാകുന്നു. കടുത്തക്ഷീണം അനുഭവപ്പെടുന്നു. ചിലർക്ക് തണുപ്പും അനുഭവപ്പെടും.

ശ്വാസത്തിന് അമോണിയയുടെ ഗന്ധം തോന്നുന്നത് വൃക്കരോഗത്തിന്റെ ലക്ഷണമാണ്. രക്തത്തിലെ മാലിന്യങ്ങൾ നീക്കം ചെയ്യാനാകാത്തവിധം വൃക്കയ്ക്ക് തകരാറു സംഭവിച്ചു കഴിഞ്ഞാൽ വിശപ്പും രുചിയും നഷ്ടപ്പെടാം. ഒപ്പം ഛർദിയും മനംപിരട്ടലും ഉണ്ടായെന്നും വരും.