Virtual autism among children

എപ്പോഴും റീല്‍സും കാര്‍ട്ടൂണും, ഫോണ്‍ തിരികെ ചോദിച്ചാല്‍ ദേഷ്യം.(Virtual autism among children)

കുട്ടികളിൽ സ്ക്രീൻ ടൈം കൂടുതലാകുന്നത് കൊണ്ടുണ്ടാകുന്ന ഒരു ശാരീരിക – മാനസിക അവസ്‌ഥയാണ് വിർച്വൽ ഓട്ടിസം(Virtual autism among children). കുറച്ചു കൂടി വ്യക്തമാക്കി പറഞ്ഞാൽ മൊബൈൽ ഫോൺ, ലാപ്ടോപ്പ്, ടാബ് തുടങ്ങിയ ഗാഡ്‌ജെറ്റ്സുകളുടെ അമിതമായ ഉപയോഗം മൂലമുണ്ടാകുന്ന അവസ്‌ഥ. പലപ്പോഴും മൊബൈൽ ഫോണുകളുടെ ഉപയോഗം കുട്ടികളിൽ ഉണ്ടാക്കുന്ന ആരോഗ്യപ്രശ്‌നങ്ങൾ ചർച്ച ചെയ്യപ്പെട്ടിട്ടുണ്ടെങ്കിലും വിർച്വൽ ഓട്ടിസം എന്ന നിലയിലേക്ക് ആ പ്രശ്ന‌ങ്ങൾ വളർന്നത് വളരെ പെട്ടെന്നാണ്.സ്വന്തം കുട്ടികൾ മിടുക്കരും ബുദ്ധിമാന്മാരുമായി വളരണമെന്നാണ് ഓരോ മാതാപിതാക്കളും ആഗ്രഹിക്കുന്നത്. എന്നാൽ ഈ ആഗ്രഹം മനസ്സിൽ ഇരിക്കെത്തന്നെ, കുട്ടികളെ ബുദ്ധിമാന്ദ്യമുള്ളവരായി മാറ്റുകയാണ് മാതാപിതാക്കളുടെ ഭാഗത്ത് നിന്നുള്ള അശ്രദ്ധ..

അമിതമായ സ്ക്രീൻ സമയം കാരണം ആറ് വയസിന് താഴെയുള്ള കുട്ടികളെ ബാധിക്കുന്ന പെരുമാറ്റ വൈകല്യമാണ് വെർച്വൽ ഓട്ടിസം(Virtual autism among children). മണിക്കൂറുകളോളം മൊബൈലോ ടിവിയോ ഗെയിമിങ്ങോ ഒക്കെ ഉപയോഗിക്കുന്ന കുട്ടികളായിരിക്കും ഇവർ. ഒരുദിവസം നിങ്ങളുടെ കുഞ്ഞുങ്ങൾ കണ്ട് തീർക്കുന്ന കാർട്ടൂണുകളും റീൽസും എത്രവരുമെന്ന്, അതേതൊക്കെയാണെന്ന് നിങ്ങൾക്കറിയുമോ? സെക്കൻ്റുകൾക്കിടെ റീലു പോലെ മാറി മാറി വരുന്ന അവരുടെ ഭാവവ്യത്യാസങ്ങൾ നിങ്ങൾ ശ്രദ്ധിച്ചിട്ടുണ്ടോ? മറ്റുള്ളവരുമായി ഇടപഴകാതിരിക്കൽ, സംസാരക്കുറവ്, ഒറ്റപ്പെട്ടിരിക്കൽ, മറ്റ് കുട്ടികളുമായി ഇണങ്ങാതിരിക്കൽ…എന്നീ പ്രവണതകളൊക്കെ വെർച്വൽ ഓട്ടിസത്തിന്റെ ലക്ഷണങ്ങളാണ്(Virtual autism among children).

ലേണിങ് ഡിസെബിലിറ്റി ഇതിൻ്റെ മറ്റൊരു വശമാണ്. സ്കൂ‌ളുകൾ കേന്ദ്രീകരിച്ച് നടത്തിയ പഠനങ്ങളിൽ നിന്നും വ്യക്‌തമാകുന്നത് പണ്ട് ഒരു കാര്യം കുട്ടികളെ പറഞ്ഞു മനസിലാക്കാൻ എടുത്തതിന്റെ ഇരട്ടി ശ്രമമാണ് ഇന്നത്തെകാലത്ത് അനിവാര്യമായി വരുന്നത് എന്നാണ്. ഇതിലുള്ള പ്രധാനകാരണം കുട്ടികളിലെ ഗ്രാഹ്യശക്തി കുറയുന്നതാണ്. കോവിഡ് കാലഘട്ടത്തിനു ശേഷമാണ് വിർച്വൽ ഓട്ടിസം(Virtual autism among children) വർധിച്ചിരിക്കുന്നത്. ക്ലാസിക്കൽ ഓട്ടിസത്തിന്റെ ലക്ഷണങ്ങളോട് കുടിയാണ് ഇത് കാണപ്പെടുന്നത്. എന്നാൽ സ്ക്രീൻ ടൈം കുറച്ചാൽ, അല്ലെങ്കിൽ പൂർണമായും ഒരു വിടുതൽ നൽകിയാൽ ഈ അവസ്‌ഥയിൽ നിന്നും മാറ്റം ഉണ്ടാകും.

ഒന്നര വയസ് കഴിഞ്ഞിട്ടും സംസാരം തുടങ്ങാത്ത അവസ്ഥ കുട്ടികളിൽ ഉണ്ടാകുന്നതും നടക്കാനും മറ്റ് ആക്റ്റിവിറ്റികൾ ചെയ്യാനും വൈകുന്നതുമെല്ലാം വിർച്വൽ ഓട്ടിസത്തിന്റെ ഭാഗമാണ്. ഭക്ഷണം കഴിപ്പിക്കുന്നതിനായി മൊബൈൽ നൽകുന്നത് മൂന്നു വയസ് വരെ പൂർണമായും ഒഴിവാക്കേണ്ട കാര്യമാണ്. കുട്ടികളുടെ കണ്മുന്നിൽ മാതാപിതാക്കൾ കഴിവതും മൊബൈൽ ഉപയോഗിക്കാതിരിക്കുക. പ്ലേ തെറാപ്പിയാണ് കുട്ടികൾക്ക് ആവശ്യം ആയതിനാൽ കുട്ടികൾക്കൊപ്പം കളിക്കുന്നതിനായി മാതാപിതാക്കൾ കൂടുതൽ സമയം കണ്ടെത്തുക.

Awareness of virtual autism among parents

വെർച്വൽ ഓട്ടിസത്തിന്റെ ലക്ഷണങ്ങൾ

വളരെ നോർമലായി മറ്റുള്ളവരോട് പെരുമാറുകയും കുട്ടികൾക്കൊപ്പം കളിക്കുകയും ചെയ്‌തിരുന്ന ഒരു കുട്ടി സ്ക്രീനിലേക്ക് കൂടുതലൊതുങ്ങുകയും അധികമാരോടും സംസാരിക്കാതെ, പുറത്ത് പോകാൻ താത്പര്യം കാണിക്കാതെ ഉൾവലിഞ്ഞ് അവനവനിലേക്ക് ചുരുങ്ങുന്നുമുണ്ടെങ്കിൽ ശ്രദ്ധിക്കണം. വെർച്വൽ ഓട്ടിസത്തിൻ്റെ ലക്ഷണമാകാം. എപ്പോഴും ഫോൺ ചോദിച്ചു കൊണ്ടിരിക്കുക, പേര് വിളിച്ചാൽ പോലും ശ്രദ്ധിക്കാതിരിക്കുക, മൊബൈൽ വാങ്ങുകയോ ടിവി ഓഫ് ചെയ്യുകയോ ചെയ്‌താൽ ദേഷ്യപ്പെടുകയോ അക്രമാസക്തരാവുകയോ ചെയ്യുക, ആത്മഹത്യാ പ്രവണത, ചെറിയ കുഞ്ഞുങ്ങളാണെങ്കിൽ സംസാരിക്കാൻ വൈകൽ, അമിത വികൃതി, ഉറക്കക്കുറവ്, ഉത്കണ്ഠ് ഒക്കെ…വെർച്വൽ ഓട്ടിസത്തിൻ്റെ ലക്ഷണങ്ങളായി കണക്കാക്കാം. കാർട്ടൂണും സ്ക്രീൻ കാഴ്‌ചകളും മാത്രമായി കൂട്ടിയുടെ ലോകം മാറുകയും അതിലെ കഥാപാത്രങ്ങളെ അനുകരിക്കുക, അവരെപ്പോലെ സംസാരിക്കുക എന്നതൊക്കെ വെർച്വൽ ഓട്ടിസത്തിന്റെ ലക്ഷണങ്ങളായി കാണാറുണ്ട്. മാത്രമല്ല, വെർച്വൽ ഓട്ടിസമുള്ള കുട്ടികൾ ഐ കോൺടാക്ട‌് തരില്ല. കണ്ണിൽ നോക്കി സംസാരിക്കുകയോ മറ്റുള്ളവരോട് ഇടപെടുകയോ ചെയ്യില്ല.