About Heat and Your Health

ചൂട് തുടങ്ങി; ഒപ്പം വേനല്‍ക്കാല രോഗങ്ങളും: കരുതല്‍ വേണം

സംസ്ഥാനത്ത് ചൂട് വർധിക്കുന്ന സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്ന മുന്നറിയിപ്പ് നൽകിയിരിക്കുകയാണ് ആരോഗ്യവകുപ്പ്. താപനില ഉയരുന്ന സാഹചര്യത്തിൽ ശാരീരിക ബുദ്ധിമുട്ടുകൾ ഒഴിവാക്കാൻ സ്വയം പ്രതിരോധിക്കേണ്ടത് അനിവാര്യം.

രാവിലെ 11 മണി മുതൽ വൈകുന്നേരം 3 മണി വരെ നേരിട്ട് സൂര്യപ്രകാശം ഏൽക്കാതിരിക്കാൻ ശ്രദ്ധിക്കണം.കുഞ്ഞുങ്ങൾ, പ്രായമായവർ, ഗർഭിണികൾ, ഗുരുതര രോഗങ്ങളുള്ളവർ എന്നിവർ പ്രത്യേക ശ്രദ്ധ ചെലുത്തണം. ഉയർന്ന ചൂട്, സൂര്യാഘാതം, നിർജലീകരണം തുടങ്ങി നിരവധി ഗുരുതരമായ ആരോഗ്യ പ്രശ്‌നങ്ങൾക്ക് വെയിലേൽക്കുന്നത് കാരണമാകും(About Heat and Your Health).പകൽ സമയങ്ങളിൽ ജോലിയിൽ ഏർപ്പെടുന്നവർ ജോലി സമയം ക്രമീകരിക്കുന്നതോടൊപ്പം നേരിട്ട് വെയിലേൽക്കുന്ന സാഹചര്യം ഒഴിവാക്കണം

നിർജ്ജലീകരണം സംഭവിക്കുന്നതിനാൽ ദാഹം ഇല്ലെങ്കിലും ധാരാളം വെള്ളം കുടിക്കണം. ശാരീരിക അസ്വസ്ഥകൾ അനുഭവപ്പെട്ടാൽ വൈദ്യസഹായം തേടണം. ഉയർന്ന ശരീര താപനില, ഹൃദയമിടിപ്പ് വരണ്ട ചർമ്മം, തലവേദന, തലകറക്കം, ഓക്കാനം, ബോധക്ഷയം, കഠിനമായ ക്ഷീണം എന്നിവ തോന്നിയാൽ സ്വയം ചികിത്സ അരുത്.

ഇവയ്ക്കെല്ലാം പുറമേ കോട്ടൺ വസ്ത്രങ്ങൾ ധരിക്കുക, ദേഹം തണുപ്പിക്കുക തുടങ്ങിയ കാര്യങ്ങളും ചൂട് കാലത്ത് ശ്രദ്ധിക്കണം. ചൂട് കുരു, ചിക്കൻ പോക്‌സ്, വയറിളക്കം, മഞ്ഞപ്പിത്തം തുടങ്ങിയ രോഗങ്ങൾ ചൂട് കാലത്ത് കൂടുതലായി കാണപ്പെടുന്നതിനാൽ ജാഗ്രത വേണം. ദാഹമില്ലെങ്കിലും നിരന്തരം ശുദ്ധജലം കുടിക്കണം. നിര്‍ജലീകരണമുണ്ടാക്കുന്ന മദ്യം, കാപ്പി, ചായ, കാര്‍ബണേറ്റഡ് ശീതള പാനീയങ്ങള്‍ തുടങ്ങിയവ പകല്‍ സമയങ്ങളില്‍ ഒഴിവാക്കണം.പഴങ്ങളും പച്ചക്കറികളും ധാരാളമായി കഴിക്കേണ്ടതുമുണ്ട്. പുറത്തിറങ്ങുമ്പോള്‍ അയഞ്ഞ, ഇളം നിറത്തിലുള്ള കോട്ടണ്‍ വസ്ത്രങ്ങള്‍ ധരിക്കുന്നതും കുടയോ തൊപ്പിയോ ഉപയോഗിക്കുന്നതും ഉത്തമമാണെന്നും മുന്നറിയിപ്പിലുണ്ട്.

Heat-related health problems

5 വേനല്‍ക്കാല ശാരീരീകാസ്വാസ്ഥ്യങ്ങളും അവയ്ക്കുള്ള പരിഹാരങ്ങളും പരിശോധിക്കാം(About Heat and Your Health)

സൂര്യാഘാതം

സൂര്യാഘാതത്തെ തുടര്‍ന്ന് ശരീരത്തില്‍ പൊള്ളലുകളുണ്ടാകാം. അല്ലെങ്കില്‍ തളര്‍ന്നുവീഴാം. ശരീര താപനില വര്‍ധിക്കുകയും ശ്വാസമെടുക്കാന്‍ ബുദ്ധിമുട്ട് അനുഭവപ്പെടുകയും ചെയ്യാം. നിര്‍ജലീകരണം സംഭവിക്കാം. ഓക്കാനമോ ഛര്‍ദ്ദിയോ ഉണ്ടാകാം. വ്യക്തിയെ തണലത്തേക്ക് ഉടന്‍ മാറ്റുകയും കുടിക്കാന്‍ ശുദ്ധജലം നല്‍കുകയും വേണം.

ശരീരം തണുപ്പിക്കാന്‍ ഐസ് പാക്കോ ഐസ് വാട്ടറോ ഉപയോഗിക്കാം. ശേഷം ആശുപത്രിയില്‍ ചികിത്സ തേടുക. സൂര്യാഘാതത്തില്‍ നിന്ന് രക്ഷനേടാന്‍ ധാരാളം വെള്ളം കുടിക്കുന്നതോടൊപ്പം ജലാംശമുള്ള പഴവര്‍ഗങ്ങള്‍ ഭക്ഷണത്തില്‍ ഉള്‍പ്പെടുത്തുകയും വേണം. കടുത്ത വെയിലേല്‍ക്കാതിരിക്കാന്‍ ശ്രദ്ധിക്കുക.

ക്ഷീണവും തളര്‍ച്ചയും

കടുത്ത വേനലില്‍ വെയില്‍ച്ചൂടേല്‍ക്കുമ്പോള്‍(About Heat and Your Health) ക്ഷീണവും തളര്‍ച്ചയും അനുഭവപ്പെടും. ശരീരത്തില്‍ നിന്ന് ജലാംശവും ലവണാംശവും കൂടുതല്‍ ആഗിരണം ചെയ്യപ്പെടുന്നതിനാലാണിത്. ഈ സാഹചര്യത്തില്‍ നന്നായി ശുദ്ധജലം കുടിക്കുക. ക്ഷീണമകറ്റാന്‍ ഉപ്പിട്ട കഞ്ഞിവെള്ളമുള്‍പ്പടെ നല്‍കാം. തണ്ണിമത്തന്‍, ഓറഞ്ച്, ഇളനീര്‍ പോലുള്ളവ ഉപയോഗപ്പെടുത്തി ശരീരത്തില്‍ ജലാംശവും പോഷകഘടകങ്ങളും നിലനിര്‍ത്തണം. ശരീരത്തിന് തണുപ്പേകാനും ശ്രദ്ധിക്കുക.

തലകറക്കം , ബോധക്ഷയം

കൂടുതല്‍ നേരം വെയില്‍ കൊണ്ടാല്‍ തലകറക്കവും ബോധക്ഷയവുമുണ്ടാകാം. ചൂടിനെത്തുടര്‍ന്ന് മസ്തിഷ്‌കത്തിലേക്കുള്ള രക്തപ്രവാഹത്തില്‍ കുറവ് വരുമ്പോഴാണിത് സംഭവിക്കുന്നത്. സുരക്ഷിതമായ തണലിടത്തേക്ക് വ്യക്തിയെ മാറ്റുകയെന്നതാണ് ആദ്യം ചെയ്യേണ്ടത്. തുടര്‍ന്ന് ഉപ്പിട്ട വെള്ളം കുടിക്കാന്‍ കൊടുക്കാം. ശേഷം വൈദ്യസഹായം തേടുക.

പേശികള്‍ കോച്ചിപ്പിടിക്കല്‍

കടുത്ത വെയിലില്‍ ജോലി ചെയ്യുന്നവര്‍ക്ക് കോച്ചിപ്പിടിത്തം അനുഭവപ്പെടാം. ലവണനഷ്ടമാണ് ഇത്തരമൊരവസ്ഥയ്ക്ക് കാരണം. ഈ സാഹചര്യത്തിലും ഉപ്പിട്ട വെള്ളം കുടിക്കാന്‍ കൊടുക്കണം.

ചൂടുകുരുക്കള്‍

വേനല്‍ക്കാലത്ത്(About Heat and Your Health) ശരീരത്തില്‍ ചൂടുകുരുക്കള്‍ ഉണ്ടാവുകയും അവ ചൊറിച്ചിലിനും അസ്വസ്ഥതയ്ക്കും കാരണമാവുകയം ചെയ്യും. അതിനാല്‍ ചൂടുകാലത്ത് നൈലോണ്‍, പോളിസ്റ്റര്‍ വസ്ത്രങ്ങള്‍ ധരിക്കുന്നത് ഒഴിവാക്കണം. ദിവസവും രണ്ട് നേരം കുളിക്കുക. ശരീരം അമിതമായി വിയര്‍ക്കാതിരിക്കാനും ശ്രദ്ധിക്കണം. കൂടുതല്‍ അസ്വസ്ഥതയുണ്ടെങ്കില്‍ സ്‌കിന്‍ സ്‌പെഷ്യലിസ്റ്റിനെ സമീപിക്കാം.