Choosing Safe Toys for Babies

ഭംഗിയും വിലയും നോക്കല്ലേ, കുഞ്ഞിന്റെ വളർച്ചക്കിണങ്ങുന്ന കളിപ്പാട്ടം വാങ്ങാം .

കുട്ടികളുടെ ബുദ്ധിവികാസത്തിൽ സുപ്രധാന പങ്ക് വഹിക്കുന്ന ഒന്നാണ് അവർക്ക് കളിക്കാൻ ലഭിക്കുന്ന കളിപ്പാട്ടങ്ങൾ(Choosing Safe Toys for Babies). കൈക്കുഞ്ഞുങ്ങളായിരിക്കുമ്പോൾ അവരുടെ ശ്രദ്ധ കവരാനും നോട്ടം കൊണ്ടോ ചിരി കൊണ്ടോ ചലനം കൊണ്ടോ അവരുടെ പ്രതികരണങ്ങൾ അറിയാനും ഉപകരിക്കുന്ന, കിലുക്കാംപെട്ടി പോലെ നിറവും ശബ്ദവുമുള്ള കളിപ്പാട്ടങ്ങൾ മതിയാകും. എന്നാൽ കുറച്ച് കുടി വളരുമ്പോൾ അവരുടെ ധാരണാശേഷിപരവും യുക്തിപരവുമായ വികാസത്തിനു സഹായിക്കുന്ന തരം കളിപ്പാട്ടങ്ങളാണ് ലഭ്യമാക്കേണ്ടത്.

കുട്ടികൾക്കായി ഒരു കളിപ്പാട്ടമെങ്കിലും വാങ്ങിക്കാത്ത ആരും തന്നെയുണ്ടാകില്ല. പിഞ്ചോമനകൾക്കായി ഏറ്റവും ബെസ്റ്റ് (Choosing Safe Toys for Babies)വാങ്ങാൻ ശ്രമിക്കുന്നവരാണ് ഏവരും. എന്നാൽ ഈ മേഖലയിലെ നിയമങ്ങളും, സ്റ്റാൻഡേർഡുകളും എത്രപേർക്ക് അറിയാം? ഏറ്റവും കൂടുതൽ ലാഭം സൃഷ്ടിക്കപ്പെടുന്ന കളിപ്പാട്ട വിപണിയിൽ തന്നെയാണ് ഏറ്റവും കൂടുതൽ തട്ടിപ്പുകളും നടക്കുന്നത്. പണം കൊടുത്ത് കളിപ്പാട്ടങ്ങൾ വാങ്ങുമ്പോൾ അത് കുട്ടികളുടെ ആരോഗ്യം നശിപ്പിക്കുന്നതിനാകരുത്.

 2020 -ൽ കേന്ദ്രം ടോയ്സ് ക്വാളിറ്റി കൺട്രോൾ ഓർഡർ പുറപ്പെടുവിച്ചു. കളിപ്പാട്ടങ്ങളുടെ ഗുണനിലവാരം വ്യക്തമാക്കി കളിപ്പാട്ട നിർമാണ കമ്പനികൾ തങ്ങളുടെ ഉൽപ്പന്നങ്ങളിൽ ഐഎസ്ഐ അടയാളം രേഖപ്പെടുത്തണമെന്ന് ഈ ഉത്തരവ് നിഷ്‌കർഷിക്കുന്നു. സ്വർണം വാങ്ങുമ്പോൾ മാത്രമല്ല കുട്ടികൾക്ക് കളിപ്പാട്ടങ്ങൾ വാങ്ങുമ്പോഴും ഐഎസ്‌ഐ മാർക്ക് നോക്കണമെന്നു സാരം.
കളിപ്പാട്ടങ്ങളിൽ ഐഎസ്ഐ മാർക്ക് ഇല്ലെങ്കിൽ, ദേശീയ ഉപഭോക്തൃ ഹെൽപ്പ് ലൈനിൽ (1915) വിളിച്ച് പരാതിപ്പെടാവുന്നതാണ്. ഐഎസ്‌ഐ അടയാളമില്ലാത്ത കളിപ്പാട്ടങ്ങൾ വിൽക്കാനോ, കൈമാറ്റം ചെയ്യാനോ, ഇറക്കുമതി ചെയ്യാനോ, സ്റ്റോക്ക് ചെയ്യാനോ അനുവദമില്ല. കളിപ്പാട്ടങ്ങളുടെ ഉപയോഗം കുട്ടികളും ആരോഗ്യ ക്ഷയിപ്പിക്കുന്ന തരത്തിൽ കേസുകൾ റിപ്പോർട്ട് ചെയ്തതോടെയാണ് സർക്കാർ നിയമങ്ങൾ കടുപ്പിച്ചത്. കളിപ്പാട്ടങ്ങളിലെ മൂർച്ചയുള്ള അരികുകളോ പോയിന്റുകളോ കാരണം ശാരീരിക പരിക്കുകൾ ഉണ്ടാകാനുള്ള സാധ്യതയും കൂടുതലാണ്.

ബിപിഎ പ്ലാസ്റ്റിക്കുകൾ കുട്ടികളിൽ വിഷം വരെ എത്തിക്കാം. കളിപ്പാട്ടങ്ങളുടെ ഗുണനിലവാരം(Choosing Safe Toys for Babies) നിയന്ത്രിക്കുന്നതിന് നിരവധി ചെക്ക്ലിസ്റ്റുകളുണ്ട്. ഐഎസ്‌ഐ മുദ്രണം ഈ എല്ലാ ലെവലുകളും പലിച്ചെന്നതിനുള്ള ഉറപ്പാണ്. സർക്കാർ നിരവധി ശ്രമങ്ങൾ നടത്തിയെങ്കിലും ഐഎസ്ഐ അടയാളമില്ലാതെ കളിപ്പാട്ടങ്ങൾ വിൽക്കുന്നവർ ഇപ്പോഴും നിരവധിയാണ്. ഇതിനു കാരണം ഇത്തരം ഉൽപ്പന്നങ്ങൾ വാങ്ങാൻ ഇപ്പോഴും ഉപയോക്താക്കൾ ഉണ്ടെന്നതാണ്. അതിനാൽ കുട്ടികൾക്കായി കളിപ്പാട്ടങ്ങൾ വാങ്ങുമ്പോൾ നിങ്ങൾ ജാഗ്രത പാലിക്കുക.

Things to Keep in Mind Before Buying Baby Toys

മൃദുവായ കളിപ്പാട്ടങ്ങളില്‍ ഒളിഞ്ഞിരിക്കുന്ന അപകടങ്ങള്‍(Choosing Safe Toys for Babies)

മൃദുവായ കളിപ്പാട്ടങ്ങളുടെ നാരുകളില്‍ അലര്‍ജിയുണ്ടാക്കുന്ന പൊടിയും അഴുക്കും എല്ലാം അടിഞ്ഞുകൂടാനിടയുണ്ട്. കാലക്രമേണ ഇവയില്‍ പൂപ്പലുകളും ബാക്ടീരിയകളുമൊക്കെ വളരാനും കാരണമാകും. ഇതുമൂലം ആസ്ത്മ ,അലര്‍ജി, ശ്വസന സംബന്ധമായ പ്രശ്‌നങ്ങള്‍, ചര്‍മ്മത്തിനുണ്ടാകുന്ന അലര്‍ജി പ്രശ്‌നങ്ങള്‍ എന്നിവ ഉണ്ടാകാന്‍ സാധ്യതയുണ്ട്. ഇത്തരം കളിപ്പാട്ടങ്ങളൊക്കെ ചെറിയ കുട്ടികള്‍ കളിക്കുമ്പോള്‍ വായില്‍ വയ്ക്കുകയോ ചവയ്ക്കുകയോ ചെയ്യുമ്പോള്‍ അഴുക്കും അണുക്കളുമെല്ലാം കുട്ടികളുടെ ശരീരത്തില്‍ പ്രവേശിക്കുന്നു.

അപകട സാധ്യത കുറയ്ക്കാന്‍ എന്ത് ചെയ്യാം

കളിപ്പാട്ടങ്ങള്‍ ഇടയ്ക്കിടെ കഴുകുന്നതിലൂടെ അപകട സാധ്യത കുറയ്ക്കാന്‍ കഴിയും എന്നിരുന്നാലും മൃദുവായ കളിപ്പാട്ടങ്ങള്‍ വൃത്തിയാക്കുന്നത് അല്‍പ്പം ബുദ്ധിമുട്ടുള്ള കാര്യമാണ്. പ്ലാസ്റ്റിക്കോ തടിയോ ഉപയോഗിച്ചുള്ള കളിപ്പാട്ടങ്ങളുമായി താരതമ്യപ്പെടുത്തുമ്പോള്‍ അവ വൃത്തിയാക്കാനും എളുപ്പമല്ല. പല സോഫ്റ്റ് ടോയികളും സുരക്ഷാമാനദണ്ഡങ്ങള്‍ പാലിക്കുന്നതില്‍ പരാജയപ്പെടാറുണ്ട്. ഗുണനിലവാരം കുറഞ്ഞ(Choosing Safe Toys for Babies) അസംസ്‌കൃത വസ്തുക്കള്‍ കൊണ്ട് നിര്‍മ്മിക്കുന്ന കളിപ്പാട്ടങ്ങളില്‍ ചായങ്ങളും മറ്റും അടങ്ങിയിരിക്കാം. ഇത് ചര്‍മ്മ പ്രശ്‌നങ്ങള്‍ ഉണ്ടാക്കുകയും ദീര്‍ഘകാല ആരോഗ്യ പ്രശ്‌നങ്ങള്‍ക്ക് കാരണമാവുകയും ചെയ്യും.

ശരിയായ കളിപ്പാട്ടം എങ്ങനെ തെരഞ്ഞെടുക്കാം

ഒന്നാമതായി കളിപ്പാട്ടങ്ങള്‍ കുട്ടികളുടെ പ്രായത്തിന് അനുസരിച്ചുള്ളതായിരിക്കണം. പ്ലാസ്റ്റിക്ക് കളിപ്പാട്ടങ്ങളെ അപേക്ഷിച്ച് തടികൊണ്ടുള്ളതും സ്വാഭാവികമായ ചായങ്ങള്‍ ഉപയോഗിച്ചുളളതുമായവ വളരെ സുരക്ഷിതമാണ്(Choosing Safe Toys for Babies).

കുട്ടികള്‍ക്ക് വീടിനുവെളിയില്‍ വച്ച് കളിക്കാന്‍ സാധിക്കുന്ന കളിപ്പാട്ടങ്ങളായ പന്തുകള്‍, സൈക്കിള്‍ ഇങ്ങനെയുളളവ ശരീരം ബലപ്പെടാനും പേശികളുടെ ശക്തിവര്‍ദ്ധിപ്പിക്കാനും ഹൃദയാരോഗ്യം മെച്ചപ്പെടുത്താനും സഹായിക്കും. പുറത്തിറങ്ങി കളിക്കുന്നതുകൊണ്ടുതന്നെ കുട്ടികളുടെ അമിതവണ്ണവും മടിയും ഒക്കെ മാറുകയും ചെയ്യും. അതുപോലെ ശുദ്ധവായുവും സൂര്യപ്രകാശവും ലഭിക്കാനും വൈറ്റമിന്‍ ഡി ലഭിക്കാനും സഹായിക്കും. പസിലുകള്‍, ബില്‍ഡിങ് ബ്ലോക്കുകള്‍, സ്റ്റം കിറ്റുകള്‍ ഇവയൊക്കെ ബൗദ്ധികമായ വളര്‍ച്ച പ്രോത്സാഹിപ്പിക്കുകയും പ്രശ്‌ന പരിഹാര കഴിവുകള്‍ കുട്ടികളില്‍ ഉണ്ടാക്കിയെടുക്കുകയും ചെയ്യും. ഇനി സംഗീത ഉപകരണങ്ങളാണ് വാങ്ങി നല്‍കുന്നതെങ്കില്‍ കുട്ടികളുടെ ഇന്ദ്രിയങ്ങളെ മസ്തിഷ്‌ക വികസനത്തിനും കൈകളുടെയും കണ്ണുകളുടെയും ഏകോപനത്തിലും ഏര്‍പ്പെടാന്‍ അത്തരത്തിലുള്ളവ സഹായിക്കും.