Health problems of night workers

നൈറ്റ് ഷിഫ്റ്റുകളില്‍ ജോലി ചെയ്യാറുണ്ടോ?; സൂക്ഷിക്കുക, ചില രോഗങ്ങള്‍ പതിയിരിപ്പുണ്ട്.

ലോകം ഉറങ്ങുമ്പോള്‍ ഉണര്‍ന്നിരുന്ന ജോലി ചെയ്യുന്ന ഒരു വിഭാഗമുണ്ട്. നൈറ്റ് ഷിഫ്റ്റ് ചെയ്യുന്നവര്‍(Health problems of night workers).പകലിനെ രാത്രിയും രാത്രിയെ പകലുമാക്കുന്നവരെന്നു വേണമെങ്കില്‍ പറയാം. ഉണര്‍ന്നിരിക്കേണ്ട പകലുകളില്‍ ഉറങ്ങുകയും ഉറങ്ങേണ്ട രാത്രികാലങ്ങളില്‍ ഉണര്‍ന്നിരിക്കുകയും ചെയ്യുമ്പോള്‍ ശരീരത്തിന്റെ ജൈവഘടികാരത്തിന്റെ താളക്രമമാണ് തെറ്റുന്നത്. ഷിഫ്റ്റ് ജോലികളില്‍ ഏര്‍പ്പെട്ടിരിക്കുന്നവരില്‍ പലതരത്തിലുള്ള നിദ്രാവൈകല്യങ്ങള്‍ കാണാറുണ്ട്(Health problems of night workers). തുടര്‍ച്ചയായി ഷിഫ്റ്റിന്റെ സമയക്രമം മാറ്റേണ്ടിവരുന്നവരിലാണ് ഉറക്കപ്രശ്‌നങ്ങള്‍ കൂടുതലായി കണ്ടുവരുന്നത്. രാത്രി ഷിഫ്റ്റ് കഴിഞ്ഞുവന്ന് രാവിലെ ഉറങ്ങാന്‍ ശ്രമിച്ചാല്‍ ഉറക്കം കിട്ടുന്നില്ലെന്നതാണ് പ്രധാന പ്രശ്‌നം.ആദ്യമെല്ലാം രാത്രി ഉണര്‍ന്നിരുന്നു ജോലി ചെയ്യാന്‍ ബുദ്ധിമുട്ടുണ്ടെങ്കിലും ശരീരം പതുക്കെ ഈ ശീലവുമായി പൊരുത്തപ്പെടും. എങ്കിലും ഇത് ആരോഗ്യപ്രശ്‌നങ്ങള്‍ സൃഷ്ടിയ്ക്കുന്നുണ്ടെന്ന കാര്യം തള്ളിക്കളയാനാവില്ല.

നെെറ്റ് ഷിഫ്റ്റിൽ ജോലി ചെയ്യുന്നത് വിശപ്പ് കൂട്ടുന്നതിന് കാരണമാകുന്നു. ഇത് ഒരു വ്യക്തിയിൽ അമിതവണ്ണം, പ്രമേഹം തുടങ്ങിയവയ്ക്ക് കാരണമാവുകയും അതുവഴി അപകടസാധ്യത വർദ്ധിപ്പിക്കുകയും ചെയ്യുന്നു. 

രാത്രി വൈകി ഭക്ഷണം കഴിക്കുകയോ ജോലി സമയത്ത് അനാരോഗ്യകരമായ ഭക്ഷണം കഴിക്കുകയോ ചെയ്യുന്നത് കാർബോഹൈഡ്രേറ്റ് ദഹിപ്പിക്കാനുള്ള ശരീരത്തിന്റെ കഴിവിനെ തടസ്സപ്പെടുത്തും. ഇത് പ്രമേഹത്തിനും മറ്റ് ഹൃദ്രോഗങ്ങൾക്കും കൂടുതൽ സാധ്യത നൽകുന്നു.

5 long-term health effects of shift work

രാത്രി ഷിഫ്റ്റില്‍ ജോലി ചെയ്യുന്നവര്‍ക്ക് ആരോഗ്യം(Health problems of night workers) സംരക്ഷിക്കാന്‍ സഹായിക്കുന്ന ചില കാര്യങ്ങൾ

• നല്ല ഭക്ഷണം  മാത്രം കഴിയ്ക്കുക. പച്ചക്കറികളും പഴവര്‍ഗങ്ങളും സാലഡുകളുമെല്ലാം ഗുണം ചെയ്യും.

• കാപ്പിയുടെ ഉപയോഗം തീരെ മിതമാക്കുക. കാപ്പി ശരീരത്തില്‍ നിന്നും ജലാംശം ചോര്‍ത്തിക്കളയും. ഇത് ആരോഗ്യസംബന്ധമായ പ്രശ്‌നങ്ങള്‍ ഉണ്ടാക്കുകയും ചെയ്യും.

• ഉറക്കക്കുറവ് ശരീരത്തിന് ക്ഷീണമുണ്ടാക്കും. ധാരാളം വെള്ളം കുടിയ്ക്കുന്നത് ഇതിനുള്ളൊരു പരിഹാരമാണ്. ഇത് തളര്‍ച്ചയൊഴിവാക്കാന്‍ സഹായിക്കും.

• എണ്ണമയമുള്ള ഭക്ഷണങ്ങള്‍ ഒഴിവാക്കണം. ഇത് ദഹനത്തിനു ബുദ്ധിമുട്ടുണ്ടാക്കും. ഉറക്കം കൂടുതല്‍ വരുത്തുകയും ക്ഷീണമുണ്ടാക്കുകയും ചെയ്യും.

• രാത്രി ഷിഫ്റ്റില്‍ ജോലി ചെയ്യുമ്പോള്‍ അല്‍പനേരം എഴുന്നേറ്റു നടക്കുക. ഇത് ശരീരത്തിനും മനസിലും കൂടുതല്‍ ഉന്മേഷം നല്‍കും.

• രാത്രി അമിതഭക്ഷണം ഒഴിവാക്കുക. പകരം ചെറിയ അളവില്‍ ആരോഗ്യകരമായ ഫലങ്ങള്‍, നട്‌സ് എന്നിവ കഴിയ്ക്കാം.

• തുടര്‍ച്ചയായുള്ള ഷിഫ്റ്റ് മാറ്റങ്ങള്‍ കഴിയുമെങ്കില്‍ ഒഴിവാക്കുക. മാസത്തിൽ ഒരിക്കലോ മറ്റോ മാത്രമാകാം.

• ജോലിചെയ്യുന്ന മുറിയില്‍ നല്ല വെളിച്ചവും വായുസഞ്ചാരവും വേണം.

• പകല്‍സമയത്ത് ശാന്തമായ അന്തരീക്ഷത്തില്‍ ഇരുണ്ട മുറിയില്‍ 6-8 മണിക്കൂര്‍ ഉറങ്ങുക.

രാത്രി സമയങ്ങളില്‍ ജോലി ചെയ്യുന്നതും ജോലി സമയം തുടര്‍ച്ചയായി മാറുന്നതും ഉറക്കത്തെ ബാധിക്കുമെന്നും ഇത്‌ 50 വയസ്സാകുമ്പോഴേക്കും വിഷാദം ഉള്‍പ്പെടെയുള്ള മാനസികാരോഗ്യ പ്രശ്‌നങ്ങളിലേക്ക്‌ നയിക്കുമെന്നും പഠനം പറയുന്നു. ആവശ്യത്തിന്‌ ഉറക്കം ലഭിക്കാത്തവര്‍ക്ക്  പ്രമേഹം, ഹൃദ്രോഗം, അമിതവണ്ണം തുടങ്ങിയ പല ആരോഗ്യപ്രശ്നങ്ങവ്‍ക്കും സാധ്യതയുണ്ട്(Health problems of night workers).