Adolescent Mental Health; Need care and love

കൗമാരക്കാരിലെ മാനസികാരോഗ്യം(Mental Health)

ഒരു വ്യക്തിയുടെ ജീവിതത്തിലെ ഏറ്റവും മനോഹരവും അതേസമയം ഏറ്റവും പ്രയാസകരവുമായ കാലഘട്ടമാണ് കൗമാരം. കൗമാരക്കാർ ഒരേസമയം ശാരീരികവും വൈകാരികവും സാമൂഹികവുമായ മാറ്റങ്ങളിലൂടെ കടന്നുപോകുന്നു. ഉത്കണ്ഠ, വിഷാദം, ഉറക്ക പ്രശ്നങ്ങൾ, സാമൂഹിക ഒറ്റപ്പെടൽ, ആത്മഹത്യാപ്രവണത എന്നുതുടങ്ങി കൗമാരത്തെ ബാധിക്കുന്ന പ്രശ്നങ്ങൾ നിരവധിയാണ്. കൗമാരക്കാർക്കിടയിലെ മാനസികാരോഗ്യ പ്രശ്‌നങ്ങളെ(Mental Health) തിരിച്ചറിയുന്നതിനും ചികിത്സിക്കുന്നതിനും ഏറ്റവും പ്രധാനമായി വേണ്ടത് കൃത്യമായ ആശയവിനിമയമാണ്. കുട്ടികൾക്കൊപ്പം നിന്ന് അവരുടെ പ്രശ്നങ്ങൾ കേൾക്കുകയും മനസിലാക്കുകയും ചെയ്യുക എന്നത് പ്രധാനമായും മാതാപിതാക്കളുടെ ഉത്തരവാദിത്തമാണ്.

കൗമാരം കരുതലോടെ

കൗമാരക്കാർക്ക് അവരുടെ ആരോഗ്യവും ക്ഷേമവും മെച്ചപ്പെടുത്താൻ അവസരവും ചുറ്റുപാടും ഒരുക്കുക എന്നത് പ്രധാനമാണ്. ഈ കാലഘട്ടത്തിൽ കൗമാരപ്രായക്കാർ നേരിടുന്ന പ്രശ്നങ്ങൾ എന്തൊക്കെയാണ് എന്ന വ്യക്തമായ അവബോധം രക്ഷിതാക്കൾക്കും അധ്യാപകർക്കും സമൂഹത്തിനും ഉണ്ടാവണം. 3 മാനസികാരോഗ്യപ്രശ്നങ്ങളാണ് (Mental Health)കൗമാരപ്രായക്കാർ പ്രധാനമായും നേരിടുന്നത്. ആസക്തി (addictions), ബാഹ്യമായി പ്രകടമാകുന്ന മാനസിക പ്രശ്നങ്ങൾ (externalising disorder), ബാഹ്യമായി പ്രകടമാകാത്ത രോഗങ്ങൾ (internalizing disorder) എന്നിവയാണവ.

ആസക്തി

ഇതിൽ പ്രധാനമായും വരുന്നത് സ്വഭാവ സംബന്ധമായ ആസക്തിയാണ് (behavioral addiction). ഓൺലൈൻ ഗെയിമിങ്, ദൃശ്യമാധ്യമങ്ങൾ എന്നിവയുടെ ആസക്തിയാണ് ഇതിലൊന്ന്. ലഹരിയോടുള്ള ആസക്തിയാണ് മറ്റൊന്ന്. അതിൽ പ്രധാനം കഞ്ചാവ്, സിന്തറ്റിക് ലഹരികൾ എന്നിവയാണ്.

ബാഹ്യമായി പ്രകടമാകുന്ന മാനസിക പ്രശ്നങ്ങൾ

ഏറ്റവും പ്രധാനം ശ്രദ്ധക്കുറവ്, എടുത്തു ചാട്ടം, അമിത വികൃതി എന്നീ ലക്ഷണങ്ങളുള്ള അറ്റൻഷൻ ഡെഫിസിറ്റ് ഹൈപ്പർ ആക്ടിവിറ്റി ഡിസോർഡർ (ADHD) ആണ്. സ്‌കൂൾ പ്രായത്തിലുള്ള കുട്ടികളിൽ ഏറ്റവും സാധാരണമായി കാണുന്ന മാനസിക പ്രശ്നങ്ങൾ ഇവയാണ്. 7% വിദ്യാർത്ഥികളിൽ ഈ പ്രശ്നമുണ്ട്. ചെറിയപ്രായം മുതൽ തന്നെ അനുസരണക്കേട് കാട്ടുക, ദേഷ്യം, നിഷേധ സ്വഭാവം, മോഷണം, കളവ് പറയൽ, മറ്റുള്ളവരെ ഉപദ്രവിക്കൽ, സാധനങ്ങൾ തല്ലിത്തകർക്കൽ എന്നിവ ഉൾപ്പെട്ട സ്വഭാവദൂഷ്യ രോഗം (conduct disorder) ആണ് മറ്റൊന്ന്.

ബാഹ്യമായി പ്രകടമാകാത്ത മാനസിക രോഗങ്ങൾ

ഉറക്കമില്ലായ്മ, ഉത്കണ്ഠ, ആത്മഹത്യാ ചിന്തകൾ, വിഷാദ രോഗം, ഒസിഡി, മാനസിക വിഷമങ്ങൾ, ചിലരിൽ അകാരണമായ സംശയം, ഭയം, ഇല്ലാത്ത കാര്യങ്ങൾ ഉണ്ടെന്ന് തോന്നുക എന്നിവയാണ് ഇതിൽ ഉൾപ്പെടുന്നത്.

ഇവയാണ് കൗമാരപ്രായത്തിലുള്ള കുട്ടികൾ നേരിടുന്ന പ്രധാന മാനസിക പ്രശ്നങ്ങൾ. ഇതോടൊപ്പം ചില കുട്ടികൾ പഠന വൈകല്യവും നേരിടുന്നു. ബുദ്ധി സാധാരണ നിലയിൽ ആയിരിക്കും. എന്നാൽ എഴുത്ത്‌, വായന ഇവയിലേതെങ്കിലുമൊരു മേഖലയിൽ ബുദ്ധിക്ക് അനുയോജ്യമല്ലാത്ത നിലയിൽ പിന്നാക്കാവസ്ഥ കാണപ്പെടും

ഇക്കാലത്ത്‌ ഏറ്റവും കൂടുതൽ ചർച്ചചെയ്യപ്പെടുന്ന ഒന്നാണ് കുട്ടികളിലെ ആത്മഹത്യാ പ്രവണത. കൗമാരപ്രായത്തിൽ ആത്മഹത്യാ പ്രവണത കൂടുതലായി കാണുന്നു. ഓരോ കുട്ടിയും വ്യത്യസ്തരാണ് എന്നതാണ് ആദ്യം മനസിലാക്കേണ്ട കാര്യം. അവരുടെ വൈകാരിക തലങ്ങൾ വ്യത്യസ്തമാണ്.

തിരിച്ചറിയപ്പെടാതെ പോകുന്ന വിഷാദരോഗമാണ് ലോകവ്യാപകമായുള്ള ആത്മഹത്യാ പ്രേരണയുടെ ഏറ്റവും പ്രധാന കാരണം. വിഷാദ രോഗമെന്ന് പറയുന്നത് സാധാരണ ജീവിതത്തിൽ പ്രയാസം വരുമ്പോൾ ഉണ്ടാകുന്ന സങ്കടമല്ല. താഴെ പറയുന്ന 9 ലക്ഷണങ്ങളിൽ 5 എണ്ണമെങ്കിലും തുടർച്ചയായി രണ്ടാഴ്ചക്കാലം നീണ്ടുനിൽക്കുമ്പോഴുണ്ടാകുന്ന ഒരു അവസ്ഥയാണ്.

What is mental health?

9 ലക്ഷണങ്ങൾ ഏതൊക്കെയെന്ന് നോക്കാം…

• രാവിലെ മുതൽ വൈകിട്ട് വരെ തുടർച്ചയായി നീണ്ടുനിൽക്കുന്ന വിഷാദ ഭാവം
• മുമ്പ് ആസ്വദിച്ച കാര്യങ്ങളൊന്നും ചെയ്യാൻ താൽപര്യമില്ലായ്മ
• അകാരണമായ ക്ഷീണം
• ഉറക്കക്കുറവ്
• വിശപ്പില്ലായ്മ
• ഏകാഗ്രതക്കുറവ്
• ചിന്തകളുടെയും പ്രവർത്തികളുടെയും വേഗതയിലുണ്ടാകുന്ന മന്ദത
• നിരാശയും പ്രതീക്ഷയില്ലായ്മയും
• ആത്മഹത്യാ പ്രവണത

ഇതിൽ അഞ്ച് എണ്ണമെങ്കിലും ഒരാൾക്ക് രണ്ടാഴ്ചയോളം നീണ്ടുനിന്നാൽ ആ വ്യക്തിക്ക് വിഷാദ രോഗമുണ്ടെന്ന് കരുതാം. ചികിത്സ വേണ്ടുന്ന ഒരു മാനസികാരോഗ്യ പ്രശ്നമാണിത്. തലച്ചോറിലെ സിറട്ടോണിൻ എന്ന രാസവസ്തുവിന്റെ അളവിലെ വ്യതിയാനങ്ങളാണ് പലപ്പോഴുമിതിന് വഴിതെളിക്കുന്നത്. ലഘുവായ വിഷാദമാണെങ്കിൽ മനഃശാസ്ത്ര ചികിത്സ വഴി ചിന്താവൈകല്യങ്ങൾ ക്രമീകരിച്ച് അതിനെ കുറയ്ക്കാനാകും. എന്നാൽ തീവ്രമായ വിഷാദമാണെങ്കിൽ മരുന്നുകൾ ഉപയോഗിച്ചുള്ള ചികിത്സ തന്നെ വേണ്ടിവരും. തലച്ചോറിൽ താളം തെറ്റിക്കിടക്കുന്ന രാസവസ്തുക്കളുടെ അളവ് ക്രമീകരിക്കാനുള്ള മരുന്നുകളുണ്ട്. കൗമാരപ്രായക്കാരിലും സുരക്ഷിതമായ മരുന്നുകൾ ധാരാളമുണ്ട്. സാധാരണ 9 മാസം ചികിത്സയെടുത്താൽ വിഷാദരോഗം ഭേദപ്പെടുത്താനും മരുന്നുകൾ നിർത്താനും സാധിക്കും.

മൊബൈൽ ഫോൺ ഉപയോഗത്തിൽ കരുതൽ വേണം

വർത്തമാനകാലത്ത്‌ മുതിർന്നവരെപ്പോലെതന്നെ കുട്ടികൾക്കും മൊബൈൽഫോണില്ലാതെ പറ്റില്ല എന്ന അവസ്ഥയാണ്. മൂന്നു വയസിന് താഴെയുള്ള കുട്ടികളെ മൊബൈൽ ഫോൺ കാണിക്കരുത്. അവർക്ക് അതിലെ ദൃശ്യങ്ങൾ തലച്ചോറിൽ ശേഖരിച്ചുവയ്ക്കാനുള്ള ദൃശ്യസ്മൃതി എന്ന കഴിവില്ല. 3 മുതൽ 8 വയസ്സുവരെയുള്ള കുട്ടികൾക്ക് ഒരു മണിക്കൂറാണ് പരമാവധി ദൃശ്യ മാധ്യമ സമയം.

8 വയസുമുതൽ കൗമാരത്തിന്റെ അവസാനമായ 19 വയസുവരെ പരമാവധി 2 മണിക്കൂറാണ് ദൃശ്യമാധ്യമ സമയം. മൊബൈൽ ഫോണാണെങ്കിലും മറ്റ് ദൃശ്യമാധ്യമങ്ങളായാലും ആകെ 2 മണിക്കൂറിൽ അതിന്റെ ഉപയോഗം നിൽക്കണം. മാത്രമല്ല രാത്രി 10 മണി കഴിഞ്ഞ് മൊബൈലിന്റെ ഉപയോഗം പൂർണമായും ഒഴിവാക്കുകയും വേണം. അല്ലെങ്കിലത് നേരത്തെ സൂചിപ്പിച്ചപോലുള്ള പഠനപ്രശ്നങ്ങൾക്കും പെരുമാറ്റ പ്രശ്നങ്ങൾക്കും കാരണമാകും.

DEPARTMENT OF PSYCHIATRY

• കുട്ടികളിലെ സ്വഭാവ ദൂഷ്യങ്ങൾ
• അഡിക്ഷൻസ്
• ലഹരി ഉപയോഗം
• വിഷാദം (ഡിപ്രഷൻ)
• ഓർമ്മക്കുറവ്
• മാനസിക സമ്മർദ്ദം
• അമിത ദേഷ്യം
• വസ് ‌വാസ്
• വാർദ്ധക്യ മാനസിക പ്രശ്‌നങ്ങൾ
• കൗമാര പ്രശ്‌നങ്ങൾ

ജീവിത വിജയത്തിനായി ഇവയെല്ലാം പരിഹരിക്കേണ്ടത് അത്യാവശ്യമാണ്

പ്രശസ്ത മാനസികാരോഗ്യ വിദഗ്ധയുടെ സേവനം ഇനി നടക്കാവിൽ ഹോസ്പിറ്റലിൽ Dr.ZULFATH MOIDEEN

MBBS, MD (Psychiatry) Consultant Psychiatrist

✅ബുക്കിംഗ് ആരംഭിച്ചിരിക്കുന്നു✅

ആശുപത്രി സേവനങ്ങൾക്കും ബുക്കിംഗ് ആവശ്യങ്ങൾക്കും

☎️ 9946147238

9946174038

8136912910