What Is Dementia? Symptoms, Types

എന്താണ് ഡിമെന്‍ഷ്യ(Dementia)? തിരിച്ചറിയാം ഈ ലക്ഷണങ്ങളെ

‘ഡിമെൻഷ്യ’ അഥവാ മറവിരോഗത്തെ കുറിച്ച് നിങ്ങളില്‍ പലരും കേട്ടിരിക്കും.  തലച്ചോറിന്‍റെ വിവിധ പ്രവര്‍ത്തനങ്ങളെ പ്രതികൂലമായി ബാധിക്കുന്ന ഒരു രോഗാവസ്ഥയാണിത്. ഓർക്കാനും ചിന്തിക്കാനും തീരുമാനങ്ങളെടുക്കാനും സാധിക്കാതെ വരുന്നതുമൂലം ദൈനംദിന പ്രവർത്തനങ്ങൾ താളം തെറ്റുന്ന അവസ്ഥയെയാണ് ഡിമെൻഷ്യ. പ്രായമായവരെയാണ് പൊതുവേ ഡിമെൻഷ്യ ബാധിക്കുന്നത്. 

ഡിമെൻഷ്യയുടെ(Dementia) പ്രധാനപ്പെട്ട ലക്ഷണങ്ങള്‍…

ഓർമ്മക്കുറവ് അഥവാ ഓര്‍മ്മ നഷ്ടപ്പെടുക, ചിന്തയിലെ ബുദ്ധിമുട്ടുകൾ,  പരസ്പരം ബന്ധമില്ലാതെ കാര്യങ്ങള്‍ പറയുക, സ്ഥലകാലബോധം ഇല്ലാതെ പെരുമാറുക, ഒന്നും  ശ്രദ്ധിക്കാനാവാത്ത അവസ്ഥ, ആശയവിനിമയ പ്രശ്‌നങ്ങൾ, തീരുമാനങ്ങളെടുക്കാനുള്ള കഴിവ് കുറയുന്നത്, പരിചിതമായ പരിസരങ്ങൾ മറന്നുപോവുക, അടുത്ത കുടുംബാംഗങ്ങളുടെ പേരുകൾ മറക്കുക,  പഴയ ഓർമകൾ മായുക, സ്വതന്ത്രമായി ഒരു കാര്യവും ചെയ്യാൻ സാധിക്കാത്ത അവസ്ഥ, വയലന്‍റായി പെരുമാറല്‍, ഉറക്കം കുറയുക തുടങ്ങിയ ലക്ഷണങ്ങൾ ഡിമെൻഷ്യ ബാധിതരിൽ കാണപ്പെടാം.  

പല തരത്തിലുള്ള ഡിമെന്‍ഷ്യകളുണ്ട്. വാസ്‌കുലര്‍ ഡിമെന്‍ഷ്യ, ലെവി ബോഡി ഡിമെന്‍ഷ്യ, ഫ്രോണ്ടോ-ടെമ്പറല്‍ ഡിമെന്‍ഷ്യ, മിക്സഡ് ഡിമെന്‍ഷ്യ തുടങ്ങിയവ അതില്‍പ്പെടുന്നു. ഓരോ രോഗമനുസരിച്ച് ലക്ഷണങ്ങളില്‍ മാറ്റം വരാം.  രോഗതീവ്രതയ്ക്കു കാരണമാകുന്ന ഘടകങ്ങളെ നിയന്ത്രിക്കുന്നതിനു പുറമെ ജീവിതശൈലിയില്‍ മാറ്റം വരുത്തുന്നതിലൂടെ ഡിമന്‍ഷ്യയുടെ അപകട സാദ്ധ്യതയെ കുറയ്ക്കാം. മദ്യ വര്‍ജ്ജനം, കൂടുതല്‍ സാമൂഹിക ഇടപെടലുകള്‍, ആശയവിനിമയം കൂട്ടുക, ആരോഗ്യകരമായ ഭക്ഷണ ശീലം, വ്യായാമം തുടങ്ങിയവയൊക്കെ  രോഗ സാധ്യതയെ കുറയ്ക്കാന്‍ സഹായിക്കും. 

Types of dementia? Symptoms, causes and treatments

ഡിമെന്‍ഷ്യ (dementia) അഥവാ മറവിരോഗം ആളുകളുടെ ജീവിതത്തെ പല തരത്തില്‍ ബാധിക്കുന്നുണ്ട്. 70നും 79നും ഇടയില്‍ പ്രായമുള്ളവരെയാണ് രോഗം പ്രധാനമായും ബാധിക്കുന്നതെങ്കിലും 60കളില്‍ ഉള്ളവരെയും രോഗം ബാധിക്കാനുള്ള സാധ്യതയുണ്ട്. മറവിരോഗത്തെ കുറിച്ച് അറിയാമെങ്കിലും വളരെയധികം തെറ്റിദ്ധാരണകളും ആളുകള്‍ക്കിടയിലുണ്ട്. ഈ രോഗാവസ്ഥയുടെ ചില ലക്ഷണങ്ങള്‍ അറിയാം.

മാനസികാവസ്ഥയിലെ മാറ്റങ്ങള്‍

പ്രായമായ ആളുകളില്‍ കണ്ടുവരുന്ന ഡിമെന്‍ഷ്യയുടെ പ്രധാന ലക്ഷണങ്ങളിലൊന്നാണ് മാനസികാവസ്ഥയിലുണ്ടാകുന്ന മാറ്റങ്ങള്‍. ഇത്തരം ആളുകള്‍ക്ക് മുന്‍പുണ്ടാകാത്തതു പോലുള്ള മൂഡ് സ്വിംഗ്‌സ് (mood swings) പ്രശ്‌നങ്ങളും ഉണ്ടാകാം.

ആശയവിനിമയത്തിലെ പ്രശ്‌നങ്ങള്‍

ആശയവിനിമയത്തിലെ പ്രശ്‌നങ്ങള്‍ ഡിമെന്‍ഷ്യയുടെ ഒരു പ്രാരംഭ ലക്ഷണമാണ്. ഒരാളുമായി ആശയവിനിമയം നടത്താന്‍ ശരിയായ വാക്കുകള്‍ കണ്ടെത്താന്‍ അവര്‍ക്ക് പ്രയാസമുണ്ടാകും. ഇത് ആളുകളുമായുള്ള സംഭാഷണം വഷളാകുന്നതിന് കാരണമാകുന്നു.

• പരിചിതമായ സ്ഥലങ്ങള്‍ തിരിച്ചറിയാന്‍ കഴിയാതെ വരിക
• ചില സന്ദര്‍ഭങ്ങളില്‍ ആളുകള്‍ക്ക് അവര്‍ക്ക് പരിചിതമായ പല സ്ഥലങ്ങളും തിരിച്ചറിയാന്‍ കഴിയാതെ വരും.

• താല്‍പ്പര്യക്കുറവ്
• മുമ്പ് നമുക്ക് സന്തോഷം നല്‍കിയിരുന്ന ഹോബികളിലോ മറ്റ് കാര്യങ്ങളിലോ താല്‍പ്പര്യക്കുറവ് കാണിക്കുന്നത് ഡിമെന്‍ഷ്യയുടെ മറ്റൊരു ലക്ഷണമാണ്. ഇത് ബന്ധങ്ങളെയും ബാധിക്കും. താരതമ്യേന അവര്‍ സുഹൃത്തുക്കളുമായും കുടുംബാംഗങ്ങളുമായും ചെലവഴിക്കുന്ന സമയം കുറയ്ക്കാന്‍ തുടങ്ങും.
• മാറ്റങ്ങളെ അംഗീകരിക്കാന്‍ പ്രയാസം നേരിടും
• ഡിമെന്‍ഷ്യ ബാധിച്ച ആളുകള്‍ അവരുടെ ജീവിതശൈലിയിലോ അവര്‍ ജീവിക്കുന്ന ചുറ്റുപാടുകളിലോ ഉണ്ടാകുന്ന മാറ്റങ്ങളെ അംഗീകരിക്കാന്‍ പ്രയാസം നേരിടും. ഈ മാറ്റങ്ങള്‍ ഭയമോ ഉത്കണ്ഠയോ ഉണ്ടാക്കുകയും അത് ആ വ്യക്തിയുടെ മാനസികാരോഗ്യത്തെ (mental health) മോശമായി ബാധിക്കുകയും ചെയ്യും.

ഡിമെന്‍ഷ്യ(Dementia) അഥവാ മറവിരോഗത്തെക്കുറിച്ചുള്ള ഏറ്റവും സാധാരണമായ മിഥ്യാധാരണകളിലൊന്ന് ഇത് ഒരു പ്രത്യേക തരം രോഗമാണ് എന്നതാണ്. എന്നാല്‍ ഡിമെന്‍ഷ്യ ഒരു രോഗമല്ല, അതൊരു അവസ്ഥയാണ്. ലോകത്ത് മറവി രോഗികളുടെ എണ്ണം വര്‍ധിച്ചുകൊണ്ടിരിക്കുകയാണ്. ഓരോ 3 സെക്കന്‍ഡിലും ഡിമെന്‍ഷ്യയുടെ ഒരു പുതിയ കേസ് വീതം റിപ്പോര്‍ട്ട് ചെയ്യപ്പെടുന്നുണ്ടെന്നാണ് അല്‍ഷിമേഴ്സ് ഡിസീസ് ഇന്റര്‍നാഷണല്‍ റിപ്പോര്‍ട്ട് ചെയ്യുന്നത്.

ഡിമെന്‍ഷ്യ എന്ന പദം പലപ്പോഴും മെഡിക്കല്‍ പ്രൊഫഷണലുകള്‍ ഉപയോഗിക്കുന്നത് ഓര്‍ത്തിരിക്കാനുള്ള കഴിവില്ലായ്മയെ സൂചിപ്പിക്കുന്ന പൊതുവായ ഒരു പദം എന്ന നിലയിലാണ്. ലളിതമായി പറഞ്ഞാല്‍ വ്യക്തമായി ചിന്തിക്കാനോ ദൈനംദിന തീരുമാനങ്ങള്‍ എടുക്കാനോ ഉള്ള കഴിവില്ലായ്മ എന്നതാണ് മറവി കൊണ്ട് അര്‍ത്ഥമാക്കുന്നത്. ഒരു വാക്ക് ഓര്‍ത്തെടുക്കാന്‍ പാടുപെടുക, പരിചയക്കാരന്റെ പേര് മറക്കുക, സമീപകാല സംഭവങ്ങള്‍ ഓര്‍ത്തെടുക്കാന്‍ കഴിയാതെ വരിക, കാറിന്റെ താക്കോല്‍ പോലുള്ള വസ്തുക്കള്‍ പലപ്പോഴും തെറ്റായ സ്ഥാനത്ത് വയ്ക്കുക തുടങ്ങിയവ മറവി രോഗം ഉള്ള ആളുകള്‍ കാണിക്കുന്ന ചില സാധാരണ ലക്ഷണങ്ങളാണ്.

പല തരത്തിലുള്ള ഡിമെന്‍ഷ്യകളുണ്ട്. വാസ്‌കുലര്‍ ഡിമെന്‍ഷ്യ, ലെവി ബോഡി ഡിമെന്‍ഷ്യ, ഫ്രോണ്ടോ-ടെമ്പറല്‍ ഡിമെന്‍ഷ്യ, മിക്സഡ് ഡിമെന്‍ഷ്യ തുടങ്ങിയവ അതില്‍പ്പെടുന്നു. പലപ്പോഴും 65 വയസ്സിനു മുകളിലുള്ളവരെയാണ് മറവിരോഗം ബാധിക്കുകയെങ്കിലും ഇത് സാധാരണ നിലയില്‍ വാര്‍ദ്ധക്യത്തിന്റെ മാത്രം ഭാഗമല്ല. ചെറുപ്പക്കാരെയും ഇത് ബാധിച്ചേക്കാം.

മനസ്സ്ശാന്തമല്ലേ? മാനസീകപ്രശ്നങ്ങൾനിങ്ങളെ അലട്ടുന്നുണ്ടോ ?

മാനസികപ്രശ്നങ്ങൾക്ക്ശാശ്വതപരിഹാരവുമായിനടക്കാവിൽഹോസ്പിറ്റൽ – വളാഞ്ചേരിയിൽ Psychiatry (മനോരോഗവിഭാഗം

കൂടുതൽവിവരങ്ങൾക്കുംബുക്കിംഗിനും☎️

9946147238

9946174038