Energy drink will build energy

എനർജി ഡ്രിങ്കിന്റെ എനർജി പണിതരും

ശീതളപാനീയങ്ങളും വിവിധതരം എനര്‍ജി ഡ്രിങ്കുകളും(Energy drink will build energy) ഇന്ന് നമ്മുടെ നാട്ടില്‍ സുലഭമായി ലഭിക്കുന്നുണ്ട്. പലരും സ്ഥിരമായി ഇത് ഉപയോഗിക്കാറും ഉണ്ട്. എന്നാല്‍ ഇത്തരം എനര്‍ജി ഡ്രിങ്കുകള്‍ നമ്മുടെ ശരീരത്തില്‍ എത്രത്തോളം പ്രതികൂലമായി ബാധിക്കുന്നുണ്ടെന്ന് ആരെങ്കിലും ചിന്തിച്ചിട്ടുണ്ടോ?

ശരീരം ഒന്ന് പുഷ്ടിപ്പെട്ട് കാണാന്‍ ആഗ്രഹിക്കാത്തവര്‍ ആരും ഉണ്ടാകില്ല. അതുകൊണ്ട് തന്നെ ശരീര ഭാരം കൂട്ടാനും മസില്‍ വളരാനും സൗന്ദര്യം മെച്ചപ്പെടുത്താനും ഉന്മേഷത്തിനും ഉണര്‍വ്വിനുമൊക്കെയായി എനര്‍ജി ഡ്രിങ്കുകള്‍ ധാരാളം ഉപയോഗിക്കുന്നുവരുണ്ട് നമ്മുടെ കൂട്ടത്തില്‍.എല്ലാ പ്രശ്‌നങ്ങള്‍ക്കായുമുള്ള സപ്ലിമെന്റുകളും എനര്‍ജി ഡ്രിങ്കുകളും ഇന്ന് വിപണിയില്‍ ലഭ്യമാണ്. വില ഒന്നും കാര്യമാക്കാതെ തന്നെ ആളുകള്‍ ഇവ വാങ്ങി ഉപയോഗിക്കുകയും ചെയ്യുന്നുണ്ട്. ഇപ്പോള്‍ യുവതലമുറയില്‍ പുതുതായി കണ്ടുവരുന്ന ഒരു ട്രെന്‍ഡ് തന്നെയാണ് എനര്‍ജി ഡ്രിങ്കുകളുടെ അമിത ഉപയോഗം(Energy drink will build energy). നിമിഷ നേരത്തെ ഉന്മേഷവും ഉണര്‍വും ലഭിക്കാനായി പലരും ഉപയോഗിക്കുന്ന എനര്‍ജി ഡ്രിങ്കുകള്‍ തകര്‍ക്കുന്നത് തങ്ങളുടെ ആരോഗ്യം തന്നെയാണെന്ന് പലരും അറിയുന്നില്ല. സ്ഥിരമായി എനര്‍ജി ഡ്രിങ്കുകള്‍ കഴിക്കുന്നവരുടെ ആന്തരികാവയവങ്ങള്‍ തകരാറിലാകുമെന്നും ഇത്തരക്കാരില്‍ രക്ത സമ്മര്‍ദ്ദവും ഹൃദ്രോഗങ്ങളും വര്‍ധിക്കുമെന്നും പഠനങ്ങളില്‍ വ്യക്തമാക്കുന്നു. നിരോധിച്ച വസ്തുക്കള്‍, മരുന്നുകള്‍, കീടനാശിനികള്‍, മെറ്റലുകള്‍ തുടങ്ങിയവയാണ് പല സപ്ലിമെന്റുകളുടെയും ഉത്പാദനത്തിനായി ഉപയോഗിക്കുന്നത്. കൂടാതെ എനര്‍ജി ഡ്രിങ്കില്‍ കഫീന്‍, അമിനോ ആസിഡ് തുടങ്ങിയവയും അടങ്ങിയിട്ടുണ്ട്.

സ്ഥിരമായി എനര്‍ജി ഡ്രിങ്കുകള്‍ കഴിക്കുന്നതിലൂടെ എന്തൊക്കെ ആരോഗ്യ പ്രശ്‌നങ്ങളാണ് ഉണ്ടാകുന്നതെന്ന് നോക്കാം(Energy drink will build energy)

പ്രമേഹം: എനര്‍ജി ഡ്രിങ്കുകളില്‍ ധാരാളം കഫീനും അമിനോ ആസിഡും അടങ്ങിയിട്ടുണ്ട്. അതു കൊണ്ട് തന്നെ എനര്‍ജി ഡ്രിങ്കുകളുടെ അമിത ഉപയോഗം പ്രമേഹ സാത്യത കൂട്ടുന്നു.

രക്ത സമ്മര്‍ദ്ദം: എനര്‍ജി ഡ്രിങ്കുകള്‍ സ്ഥിരമായി കഴിക്കുന്നവരില്‍ രക്ത സമ്മര്‍ദ്ദം വര്‍ധിക്കാന്‍ സാധ്യത കൂടുതലാണ്. ഉന്മേഷത്തിനായി നിങ്ങള്‍ സ്ഥിരം എനര്‍ജി ഡ്രിങ്കുകള്‍ കുടിക്കുന്നവരായിരിക്കും. എന്നാല്‍ ഇത് നിങ്ങളുടെ രക്ത സമ്മര്‍ദ്ദം വര്‍ധിപ്പിച്ചേക്കും.

ഹൃദയത്തിന്: എനര്‍ജി ഡ്രിങ്കുകള്‍ സ്ഥിരമായി ഉപയോഗിക്കുന്നവരില്‍ ഹൃദ്യോഗം ഉണ്ടാകാനുള്ള സാധ്യത കൂടുതലാണെന്ന് പഠനങ്ങള്‍ വ്യക്തമാക്കുന്നു.

കരളിന്: എനര്‍ജി ഡ്രിങ്കുകള്‍ പതിവാക്കുന്നതിലൂടെ നമ്മള്‍ നമ്മുടെ കരളിനെ തന്നെയാണ് ഇല്ലാതെയാക്കുന്നത്. ഇത് പലവിധത്തിലും നമ്മുടെ കരളിനെ ഇത്‌ ബാധിക്കും.

കിഡ്‌നിയ്ക്ക്: കിഡ്‌നിയുടെ പ്രവര്‍ത്തനത്തെ തന്നെ താളം തെറ്റിക്കാന്‍ കാരണമാകുന്ന ഒന്നാണ് എനര്‍ജി ഡ്രിങ്കുകളുടെ അമിത ഉപയോഗം. എനര്‍ജി ഡ്രിങ്കുകളില്‍ അടങ്ങിയിരിക്കുന്ന കഫീന്‍, അമിനോ ആസിഡ് തുടങ്ങിയവയാണ് ഇതിന് പിന്നില്‍.

പൊണ്ണത്തടി: അമിതമായി ഇത്തരം പാനീയങ്ങള്‍ കുടിക്കുന്നത് പൊണ്ണത്തടിയ്ക്ക് കാരണമാകുമെന്നാണ് ആരോഗ്യ വിദഗ്ദര്‍ ചൂണ്ടിക്കാണിക്കുന്നത്.

രക്തയോട്ടം: അമിനോ ആസിഡ് കൂടുതല്‍ അളവില്‍ അടങ്ങിയിട്ടുള്ളിനാല്‍ എനര്‍ജി ഡ്രിങ്കുകളുടെ അമിത ഉപയോഗം രക്തയോട്ടത്തെ പ്രതികൂലമായി ബാധിക്കും. ഇത് രക്തയോട്ടം താളം തെറ്റാന്‍ കാരണമായിത്തീരും.

കൂടാതെ എനര്‍ജി ഡ്രിങ്കുകളില്‍ ഉയര്‍ന്ന അളവില്‍ ഷുഗര്‍, കഫീന്‍ അടങ്ങിയിട്ടുള്ളതിനാല്‍ ദന്തക്ഷയം, മാനസിക സമ്മര്‍ദ്ദം തുടങ്ങിയവ ഉണ്ടാക്കാനുള്ള സാധ്യത വര്‍ധിപ്പിക്കുന്നു. ശരീരം ദുര്‍ബലമാക്കുന്നതിനും ആരോഗ്യം ക്ഷയിക്കുന്നതിനും ഇത് കാരണമാകുകയും ചെയ്യും.

Are energy drinks real energy?