അമിതമായി റീൽസ് കാണാറുണ്ടോ? എങ്കിൽ സൂക്ഷിക്കുക! വരാനിരിക്കുന്നത് മുട്ടൻ പണി!!(how to overcome reels addiction)

ഓരോ വ്യക്തിയുടെയും ജീവിതത്തിന്റെ അഭിവാജ്യഘടകമാണ് മൊബൈല്‍ ഫോണ്‍. അത്‌ ഒഴിവാക്കിയുള്ള ജീവിതം അസാധ്യമെന്ന് പറയാം. കമ്മ്യൂണിക്കേഷന്‍ എന്നതിനപ്പുറം സമൂഹമാധ്യമങ്ങളില്‍ ചെലവഴിക്കാനാണ് പലരും ഫോണ്‍ കൂടുതല്‍ സമയവും ഉപയോഗിക്കുന്നത്. അതില്‍തന്നെ സമയം കൊല്ലുന്നതില്‍ ഒന്നാമതാണ്. റീല്‍സ് അടക്കമുള്ള ഷോര്‍ട്ട് വീഡിയോകള്‍(how to overcome reels addiction). 2020-കളോടെയാണ് യൂട്യൂബ്, ഇൻസ്റ്റഗ്രാം അടക്കമുള്ളവയില്‍ ഷോർട്‌സ്/ റീൽസ് വീഡിയോകൾ അവതരിക്കപ്പെട്ടത്. 15 സെക്കന്റു മുതല്‍ 3 മിനിറ്റ് വരെയാണ് ദൈര്‍ഘ്യം. കാണാന്‍ അധികം സമയം ചെലവഴിക്കേണ്ട എന്നത് വാസ്തമാണെങ്കിലും സമാന വീഡിയോകൾ സജഷനായി മണിക്കൂറുകളോളം നമ്മെ പിടിച്ചിരിത്തും.  ഉറക്കം പോലുമില്ലാതെ റീല്‍സ് കണ്ട് സമയം കളയുന്നവര്‍ ധാരാളമുണ്ട്.  സമയനഷ്ടം മാത്രമല്ല, ഗുരുതരമായ ആരോഗ്യപ്രശ്നങ്ങള്‍ ഇത്തരക്കാരെ കാത്തിരിക്കുന്നുവെന്നാണ് വിവിധ പഠനങ്ങള്‍ പറയുന്നത്. ചെറുപ്പക്കാരിൽ പോലും കഴുത്തുമായി ബന്ധപ്പെട്ട പ്രശ്നങ്ങൾക്ക് (സെർവിക്കൽ) കാരണമാകുമെന്ന് നിങ്ങൾക്കറിയാമോ? ഇതെങ്ങനെ സംഭവിക്കുന്നുവെന്ന് നോക്കാം.

സെർവിക്കൽ പ്രശ്നങ്ങൾ(how to overcome reels addiction)

ഇന്നത്തെ ഡിജിറ്റൽ യുഗത്തിൽ മൊബൈൽ ഫോണുകൾ നമ്മുടെ ജീവിതത്തിന്റെ ഭാഗമാണ്. ഓഫീസ് ജോലികൾക്ക് പുറമെ, റീൽസ് പോലുള്ള ചെറിയ വീഡിയോകളിലൂടെ ആളുകൾ വിനോദം കണ്ടെത്തുന്നു(how to overcome reels addiction). കുട്ടികളും യുവാക്കളും പ്രായമായവരും മണിക്കൂറുകളോളം റീൽസ് കാണുന്നു. ഇത് കഴുത്തിന്റെ ആരോഗ്യത്തെ ദോഷകരമായി ബാധിക്കുന്നുവെന്ന് വിദഗ്ദ്ധർ പറയുന്നു. തുടർച്ചയായി റീൽസ് കാണുന്നത് ചെറുപ്പത്തിൽ തന്നെ കഴുത്തുവേദന, പിരിമുറുക്കം, സെർവിക്കൽ പ്രശ്നങ്ങൾ എന്നിവയ്ക്ക് കാരണമാകുന്നു.

പേശികളിലും ഞരമ്പുകളിലും അധിക സമ്മർദ്ദം

മൊബൈലിൽ റീൽസ് കാണുമ്പോൾ തല മുന്നോട്ട് കുനിഞ്ഞിരിക്കും. സാധാരണയായി അഞ്ച് കിലോ ഭാരമാണ് തലയ്ക്ക് താങ്ങേണ്ടത്. എന്നാൽ തല കുനിക്കുമ്പോൾ ഈ ഭാരം പലമടങ്ങ് വർദ്ധിക്കുന്നു. ഇത് കഴുത്തിലെ പേശികളിലും ഞരമ്പുകളിലും സമ്മർദ്ദം കൂട്ടുന്നു. ഈ സമ്മർദ്ദം ക്രമേണ സെർവിക്കൽ സ്പൈനിന് കേടുവരുത്തുന്നു. തുടക്കത്തിൽ ചെറിയ വേദന അവഗണിക്കുന്നതാണ് പിന്നീട് പ്രശ്നമാകുന്നത്.

ദിവസേനയുള്ള ജോലികൾ ചെയ്യുന്നതിൽ ബുദ്ധിമുട്ട്

റീൽസ് കാണുമ്പോൾ ഒരേ ഇരിപ്പ് തുടരുന്നത് കഴുത്തിലെ പേശികളെ സമ്മർദ്ദത്തിലാക്കുന്നു. ഇത് കഴുത്തിലെയും തോളിലെയും പേശികളിൽ മുറുക്കത്തിന് കാരണമാകുന്നു. ഈ മുറുക്കം പിന്നീട് കഠിനമായ വേദനയായി മാറുന്നു. ചിലപ്പോൾ ഈ വേദന തോളുകളിലേക്കും കൈകളിലേക്കും വ്യാപിക്കുകയും ദൈനംദിന ജോലികളെ ബാധിക്കുകയും ചെയ്യും.

തലച്ചോറിനെയും കണ്ണുകളെയും ബാധിക്കുന്നു

റീൽസിനോടുള്ള അമിതാവേശം തലച്ചോറിനെയും കണ്ണുകളെയും ബാധിക്കും. തുടർച്ചയായി സ്ക്രീനിൽ നോക്കുന്നത് കണ്ണിന് അസ്വസ്ഥതയും കാഴ്ച മങ്ങുന്നതിനും കാരണമാകും. തലച്ചോറിന് വിശ്രമം ലഭിക്കാത്തത് മാനസിക സമ്മർദ്ദം വർദ്ധിപ്പിക്കുകയും കഴുത്തിലെ പ്രശ്നങ്ങൾ വഷളാക്കുകയും ചെയ്യും.

കൈകളിൽ തരിപ്പ്

ദീർഘനേരം റീൽസ് കാണുന്നത് തലവേദന, തലകറക്കം, കൈകളിൽ തരിപ്പ് എന്നിവയ്ക്ക് കാരണമാകും. ഇത് ഞരമ്പുകളിലെ സമ്മർദ്ദത്തിന്റെ ലക്ഷണമാകാമെന്ന് ഡോക്ടർമാർ പറയുന്നു. ഈ ലക്ഷണങ്ങൾ അവഗണിച്ചാൽ മരുന്നുകളും ഫിസിയോതെറാപ്പിയും ആവശ്യമായി വന്നേക്കാം.