ഈലക്ഷണങ്ങളുണ്ടോ? എത്രയുംവേഗംരക്തംപരിശോധിക്കൂ, പ്രമേഹമാകാം!…(Diabetes: Symptoms and treatment)

ജീവിതശൈലിയും ഭക്ഷണരീതിയും മാറിയതോടെ പ്രമേഹവും(Diabetes: Symptoms and treatment) നമ്മുടെ ജീവിതത്തിൻ്റെ ഭാഗമായി മാറി. എന്നാൽ, വളരെ കുറച്ച് ആളുകൾ മാത്രമാണ് കൃത്യമായ പരിശോധന നടത്തി പ്രമേഹം നേരത്തെ തിരിച്ചറിയുന്നത്. പ്രമേഹവുമായി ജീവിക്കുന്ന പകുതിയോളം ആളുകൾക്ക് തങ്ങൾക്ക് പ്രമേഹമുണ്ടെന്ന് യാതൊരു ധാരണയും ഇല്ലാതെയാണ് ജീവിക്കുന്നത്. ലോകത്ത് ഏകദേശം 44 ശതമാനം ആളുകൾ തങ്ങൾക്ക് പ്രമേഹമുണ്ടെന്ന് തിരിച്ചറിഞ്ഞിട്ടില്ല. കൃത്യമായ പരിശോധന കൃത്യമായ സമയത്ത് നടത്താത്തത് കൊണ്ടാണ് ഇത്തരമൊരു സാഹചര്യം ഉണ്ടായിരിക്കുന്നതെന്ന് പഠനങ്ങൾ തെളിയിക്കുന്നു. അതേസമയം, പ്രമേഹം യഥാസമയം തിരിച്ചറിയാതിരിക്കുന്നതും ചികിത്സിക്കാതിരിക്കുന്നതും ഹ്യദയം, വൃക്കകൾ, കണ്ണ് എന്നിവയുടെ ആരോഗ്യപ്രശ്നങ്ങൾക്ക് കാരണമായേക്കാം.

അതുകൊണ്ടു തന്നെ പ്രമേഹം(Diabetes: Symptoms and treatment) നേരത്തെ തിരിച്ചറിയുന്നത് ഒരു ജീവൻരക്ഷാ കാര്യമാണ്. എപ്പോഴും ദാഹം തോന്നുന്നത്, ഇടയ്ക്കിടയ്ക്ക് മൂത്രമൊഴിക്കാൻ തോന്നുന്നത്, കാഴ്‌ച മങ്ങുന്നത് പോലെ തോന്നുന്നത് എല്ലാം പ്രമേഹത്തിൻ്റെ ലക്ഷണങ്ങളാണ്. ലോകത്ത് 15 വയസ്സിന് മുകളിൽ പ്രായമുള്ള 44 ശതമാനം ആളുകൾക്ക് തങ്ങൾക്ക് പ്രമേഹം ഉണ്ടെന്ന് അറിയില്ലെന്നാണ് അടുത്തിടെ നടന്ന ഒരു പഠനം തെളിയിക്കുന്നത്. അതായത് രണ്ടു പേരിലൊരാൾ പ്രമേഹത്തിന് ചികിത്സ നടത്തുന്നില്ലെന്ന് ചുരുക്കം. ഇതിൽ തന്നെ യുവജനങ്ങളാണ് പ്രമേഹം പരിശോധിച്ച് കണ്ടെത്തുന്നതിൽ പിന്നിലേക്ക് നിൽക്കുന്നത്.

Symptoms of Diabetes

ഒരിക്കൽ പരിശോധിച്ച് മനസ്സിലാക്കിയാൽ 91 ശതമാനം ആളുകളും ചികിത്സ ആരംഭിക്കാറുണ്ട്. എന്നാൽ, ഇതിൽ തന്നെ 42 ശതമാനം ആളുകൾക്ക് മാത്രമേ അവരുടെ രക്‌തത്തിലെ പഞ്ചസാരയുടെ അളവ് കൃത്യമായി നിലനിർത്താൻ സാധിക്കാറുള്ളു. അതായത് ലോകത്ത് പ്രമേഹം തിരിച്ചറിഞ്ഞതിന് ശേഷം 21 ശതമാനം ആളുകൾക്ക് മാത്രമേ അത് നിയന്ത്രണത്തിൽ കൊണ്ടുവരാൻ സാധിക്കാറുള്ളു. 2050ഓടു കൂടി ആഗോളതലത്തിൽ ഏകദേശം 1.3 ബില്യൺ ആളുകൾക്ക് പ്രമേഹം സ്‌ഥിരീകരിച്ചേക്കും. ലോകം മുഴുവൻ പടർന്നുപിടിക്കുന്ന ഒരു നിശ്ശബ്ദ മഹാമാരിയാണ് പ്രമേഹം. താഴ്ന്ന – മധ്യവർഗ വരുമാനമുള്ള രാജ്യങ്ങളിലാണ് കൂടുതലായും പ്രമേഹം കാണപ്പെടുന്നത്. ഈ രാജ്യങ്ങളിൽ പ്രമേഹം തിരിച്ചറിയുന്നത് തന്നെ 20 ശതമാനത്തിൽ താഴെയാണ്.

എന്താണ് പ്രമേഹം ?(Diabetes: Symptoms and treatment)

രക്തത്തിലെ പഞ്ചസാരയുടെ അളവ് ക്രമാതീതമായി വർധിക്കുന്ന ഒരു ഉപാപചയ രോഗമാണ് പ്രമേഹം എന്നു പറയുന്നത്. ശരീരത്തിന് ആവശ്യത്തിന് ഇൻസുലിൻ ഉല്‌പാദിപ്പിക്കാനോ ഉല്‌പാദിപ്പിക്കുന്ന ഇൻസുലിൻ ഫലപ്രദമായി ഉപയോഗിക്കാനോ കഴിയാത്തതു കൊണ്ടാണ് ഇങ്ങനെ സംഭവിക്കുന്നത്. അമിതമായ ദാഹം, വിശപ്പ്, ക്ഷീണം, ശരീരഭാരം കുറയുക, തുടർച്ചയായ മൂത്രശങ്ക എന്നിവയാണ് പ്രധാന ലക്ഷണങ്ങൾ. പ്രമേഹം കൃത്യമായ സമയത്ത് ചികിത്സിച്ചില്ലെങ്കിൽ ഹൃദയസംബന്ധമായ അസുഖങ്ങൾ, സ്ട്രോക്ക്, വൃക്കയുടെ തകരാർ, കാഴ്‌ചയ്ക്ക് മങ്ങൽ, നാഡികൾക്ക് തകരാർ, അകാലമരണം എന്നിവയ്ക്ക് കാരണമായേക്കാം.

പ്രമേഹം എങ്ങനെ നിയന്ത്രിക്കാം

പ്രമേഹം നിയന്ത്രിക്കുന്നതിനുള്ള ഏറ്റവും പ്രധാനപ്പെട്ട മാർഗം എന്നു പറയുന്നത് ഭക്ഷണരീതിയാണ്. കൃത്യമായ ചികിത്സയ്ക്കൊപ്പം ആഹാരക്രമീകരണം കുടി നടത്തിയാൽ പ്രമേഹം നിയന്ത്രിക്കാൻ കഴിയും. നാരുകളടങ്ങിയ പച്ചക്കറികൾ, ധാന്യങ്ങൾ, പയർവർഗങ്ങൾ എന്നിവ ഭക്ഷണത്തിൽ ഉൾപ്പെടുത്തുക. ചിട്ടയായ വ്യായാമത്തിലൂടെയും പ്രമേഹത്തെ നിയന്ത്രണത്തിൽ ആക്കാൻ കഴിയും.