8 things you can do to keep your thyroid under control

കഴുത്തില്‍ നീര്‍ക്കെട്ട്, കഴുത്തിലെ മുഴ, ശബ്ദം അടയുക, പേശികളിലുണ്ടാകുന്ന വേദന, ശരീരഭാരം കൂടുകയോ കുറയുകയോ ചെയ്യുക, ഉത്കണ്ഠ, വിഷാദം, തലമുടി കൊഴിച്ചില്‍ തുടങ്ങിയവയൊക്കെ തൈറോയ്ഡ്(thyroid) പ്രശ്‌നങ്ങളുടെ സൂചനകളാണ്. 

ശരീരത്തിന്‍റെ വളര്‍ച്ചയിലും പ്രവര്‍ത്തനങ്ങളിലും വലിയ പങ്ക് വഹിക്കുന്ന ഒരു ഗ്രന്ഥിയാണ് തൈറോയ്‌ഡ്. തൈറോയ്‌ഡ് ഹോർമോണിന്റെ ഉത്പാദനം കുറയുന്ന അവസ്ഥയാണ് ഹൈപ്പോതൈറോയ്ഡിസം. തൈറോയ്‌ഡ് ഗ്രന്ഥി  അധികം ഹോർമോണ്‍ ഉല്പാദിപ്പിക്കുന്ന അവസ്ഥയാണ് ഹൈപ്പർ തൈറോയ്ഡിസം. കഴുത്തില്‍ നീര്‍ക്കെട്ട്, കഴുത്തിലെ മുഴ, ശബ്ദം അടയുക, പേശികളിലുണ്ടാകുന്ന വേദന, ശരീരഭാരം കൂടുകയോ (ഹൈപ്പോ തൈറോയ്ഡിസം) കുറയുകയോ  (ഹൈപ്പര്‍ തൈറോയ്ഡിസം)  ചെയ്യുക, ഉത്കണ്ഠ, വിഷാദം, തലമുടി കൊഴിച്ചില്‍ തുടങ്ങിയവയൊക്കെ  തൈറോയ്ഡ് പ്രശ്‌നങ്ങളുടെ സൂചനകളാണ്. 

തൈറോയ്‌ഡിനെ (thyroid)നിയന്ത്രിക്കാന്‍ ചെയ്യേണ്ട കാര്യങ്ങള്‍ എന്തൊക്കെയാണെന്ന് നോക്കാം: 

• ആരോഗ്യകരമായ ഭക്ഷണം കഴിക്കുന്നത് തൈറോയ്ഡ് പ്രശ്നങ്ങളെ ചെറുക്കാന്‍ സഹായിക്കും. വിറ്റാമിനുകളും ധാതുക്കളും ഒമേഗ 3 ഫാറ്റി ആസിഡും അടങ്ങിയ ഭക്ഷണങ്ങളും പഴങ്ങളും പച്ചക്കറികളും ധാരാളം കഴിക്കുക.  
• സെലീനിയം അടങ്ങിയ ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുന്നത് തൈറോയ്‌ഡിന്‍റെ ആരോഗ്യത്തിന് ഗുണം ചെയ്യും. തൈറോയ്ഡ് ഹോർമോണുകളുടെ സന്തുലിതാവസ്ഥയ്ക്ക് ഇവ സഹായിക്കും. ഇതിനായി ബ്രസീല്‍ നട്സ്, സൂര്യകാന്തി വിത്തുകള്‍ തുടങ്ങിയവ ഡയറ്റില്‍ ഉള്‍പ്പെടുത്താം. 
• ശരീരത്തില്‍ വേണ്ടത്ര അയഡിന്‍ ഉണ്ടെന്ന് ഉറപ്പു വരുത്തുക. അയഡിന്‍ അടങ്ങിയ ഭക്ഷണങ്ങള്‍ കഴിക്കാൻ ശ്രമിക്കുക.
• വിറ്റാമിന്‍ ഡിയുടെ കുറവ് തൈറോയ്ഡ് പ്രശ്‌നത്തിനു വഴിയൊരുക്കാം. അതിനാല്‍ ശരീരത്തിന് ആവശ്യത്തിന് വിറ്റാമിന്‍ ഡി ലഭിക്കുന്നുണ്ടോ എന്ന് ഉറപ്പുവരുത്തുക. ഇതിനായി വിറ്റാമിന്‍ ഡി അടങ്ങിയ ഭക്ഷണങ്ങള്‍ കഴിക്കുക. 
• ഗ്ലൂട്ടണ്‍ അടങ്ങിയ ഭക്ഷണങ്ങളുടെ അമിത ഉപയോഗം തൈറോയ്‌ഡിന്‍റെ ആരോഗ്യത്തിന് നന്നല്ല. അതിനാല്‍ ഗ്ലൂട്ടണ്‍ പൂര്‍ണമായി ഒഴിവാക്കുക.
• പ്രോബയോട്ടിക് ഭക്ഷണങ്ങള്‍ ഡയറ്റില്‍ ഉള്‍പ്പെടുത്തുന്നതും തൈറോയ്‌ഡിന്‍റെ ആരോഗ്യത്തിന് ഗുണം ചെയ്യും. ഇതിനായി തൈരും മറ്റും കഴിക്കാം. 
• പുകവലി, മദ്യപാനം എന്നിവ ഒഴിവാക്കുക. പുകവലി മൂലം തൈറോയിഡ് ചികിത്സകള്‍ ഫലിക്കാനും ബുദ്ധിമുട്ടുണ്ടാക്കും. 
• സ്ട്രെസ് കുറയ്ക്കുക. ഒപ്പം പതിവായി വ്യായാമം ചെയ്യുക. 

ക്ഷീണം, മുടികൊഴിച്ചിൽ, ഉത്കണ്‌ഠ, ശരീരം തടിക്കുകയോ മെലിയുകയോ ചെയ്യുക തുടങ്ങിയ സൂചനകളെ പലരും ആദ്യമൊന്നും കാര്യമാക്കണമെന്നില്ല. അതെല്ലാം സ്വാഭാവികമല്ലേ എന്ന് കരുതും. പ്രശ്‌നങ്ങൾ കൂടുമ്പോഴായിരിക്കും കാരണം കണ്ടെത്താനുള്ള ശ്രമം തുടങ്ങുക. ഈ പരിശോധന മിക്കപ്പോഴും എത്തിനിൽക്കുക തൈറോയ്‌ഡ്‌ (thyroid)തകരാറുകളിലായിരിക്കാം.

നേരത്തെ കണ്ടെത്തണം, ചികിത്സിക്കണം

ശരീരത്തിലെ ഉപാപചയ പ്രക്രിയയുടെ ചുക്കാൻ പിടിക്കുന്ന ഹോർമോൺ ഉത്പാദിപ്പിക്കുന്ന ഗ്രന്ഥിയെന്ന നിലയിൽ, തൈറോയ്‌ഡ് നിയന്ത്രിക്കുന്നത് ജീവന്റെ താളംതന്നെയാണ്. ശരീരത്തിലെത്തുന്ന ഭക്ഷണത്തിൽ നിന്ന് ആവശ്യമായ ഊർജം ഉത്പാദിപ്പിക്കുന്നതിനെ ഉപാപചയപ്രക്രിയ എന്ന് ലളിതമായി പറയാം. ഈ ഊർജമാണ് എല്ലാ അവയവങ്ങളുടെയും പ്രവർത്തനത്തിനുള്ള ഇന്ധനം. അതുകൊണ്ട് തൈറോയ്‌ഡിന് സംഭവിക്കുന്ന തകരാറുകളെ ഏറെ ഗൗരവത്തോടെ കാണേണ്ടതുണ്ട്.

Thyroid Disease Types and Causes

തൈറോയ്‌ഡ് തകരാറുകൾ കണ്ടെത്തുന്നത് കൂടിയിട്ടുണ്ടെങ്കിലും തിരിച്ചറിയപ്പെടാതെ ജീവിക്കുന്നവരും ധാരാളമുണ്ട്. ഈ സാഹചര്യത്തിൽ സൂചനകൾ തിരിച്ചറിഞ്ഞ് എത്രയും നേരത്തെ തകരാറുകൾ കണ്ടെത്തുകയും കൃത്യമായ ചികിത്സ തുടങ്ങുകയും വേണം