NABH Accreditation officially announced| Best Hospital

അഭിമാന നേട്ടവുമായി നടക്കാവിൽ ഹോസ്പിറ്റൽ വളാഞ്ചേരി .

ഇന്ത്യയിലെ ഏറ്റവും മികച്ച ഹോസ്പിറ്റലുകൾക്ക് ലഭിക്കുന്ന NABH Accreditation ഔദ്യോഗികമായി പ്രഖ്യാപിച്ചു.

2024 സെപ്ത‌ംബർ 09 തിങ്കളാഴ്‌ച രാവിലെ 10 മണിക്ക് നടക്കാവിൽ ഹോസ്പിറ്റലിൽ വെച്ച് നടന്ന ചടങ്ങിൽ ബഹു. എം.പി അബ്ദുസമദ് സമദാനി ഔദ്യോഗികമായി പ്രഖ്യാപനം നടത്തി.

NABH Accreditation

വളാഞ്ചേരിയിലെ ഏറ്റവും മികച്ച ഹോസ്പിറ്റലായ നമ്മുടെ ഹോസ്പിറ്റലിന് ഇപ്പോൾ NABH അംഗീകാരം ലഭിച്ച വിവരം നിങ്ങളെ ഓരോർത്തരേയും സസന്തോഷം അറിയിച്ചു കൊള്ളുന്നു.
ഗുണനിലവാരം, രോഗികളുടെ സുരക്ഷ, കാര്യക്ഷമത, രോഗി പരിചരണത്തോടുള്ള ഉത്തരവാദിത്തം എന്നിവ മാനദണ്ഡമാക്കിയാണ് നാഷണൽ ക്വാളിറ്റി ഓഫ് ഇന്ത്യയുടെ ഭാഗമായ NABH അംഗീകാരം നൽകുന്നത്.

വയനാടിന് ശേഷവും മുൻപും നാം പഠിക്കേണ്ടിയിരിക്കുന്നു എന്നും മനുഷ്യനാണ് ഓരോ വയനാടും സൃഷ്ടിച്ചെടുക്കുന്നത് എന്നും നമ്മുടെ സമൂഹം മയക്കുമരുന്നിൻ്റെയും ലഹരി ഉപയോഗത്തിൻ്റെയും ഇടയിൽ നാം ബന്ധങ്ങളും സൗഹൃദങ്ങളും മറന്നു പോവുകയും സാത്താനെപ്പോലെ പെരുമാറുകയും ചെയ്യുന്ന മനുഷ്യൻറെ ഇടയിലാണ് നാം ജീവിക്കുന്നത് എന്നും അദ്ദേഹം ഉദ്ഘാടന പ്രസംഗത്തിൽ പറഞ്ഞു.

മനുഷ്യത്ത്വം മരിക്കുന്ന നമ്മുടെ സമൂഹത്തിൽ നടക്കാവിൽ ഹോസ്പിറ്റലിൻ്റെ സഹജീവികളോടുള്ള സ്നേഹത്തിൻറെ ഉത്തമ ഉദാഹരണമാണ് മൈനോരിറ്റി ചാരിറ്റബിൾ ട്രസ്റ്റും നടക്കാവിൽ ഹോസ്പിറ്റലും സംയുക്തമായി സംഘടിപ്പിക്കുന്ന
മെഗാ സർജറി ക്യാമ്പ് എന്നും സാമ്പത്തിക ബുദ്ധിമുട്ടുകൾ അനുഭവിക്കുന്ന രോഗികൾക്ക് കുറഞ്ഞ ചിലവിൽ സർജറിയും കൂടെ അനുബന്ധ ടെസ്റ്റുകൾക്ക് ഇളവും പ്രഖ്യാപിച്ചു കൊണ്ടുള്ള മെഗാ സർജറി ക്യാമ്പ് ഉദ്ഘാടനം വളാഞ്ചേരി മുൻസിപ്പാലിറ്റി ചെയർമാൻ അഷ്റഫ് അമ്പലത്തിങ്കൽ നിർവഹിച്ചു.

ആവേശ ഉജ്ജ്വലമായ ചടങ്ങിൽ ഡോ. റിയാസ് കെ ടി സ്വാഗതവും നടക്കാവിൽ ഹോസ്പിറ്റൽ ചീഫ് മെഡിക്കൽ ഓഫീസർ ഡോ.മുഹമ്മദലി അധ്യക്ഷ പ്രസംഗവും നടത്തി.

വളാഞ്ചേരി സർക്കിൾ ഇൻസ്പെക്ടർ ബഷീർ , ഡോ.അബ്ദുറഹിമാൻ ,പ്രഭാകരൻ ,കോട്ടക്കൽ മുസ്ലിം ലീഗ് മണ്ഡലം സെക്രട്ടറി സലാം വളാഞ്ചേരി , വളാഞ്ചേരി കൗൺസിലർ ഫൈസൽ തങ്ങൾ , സാലി ചെഗുവേര തുടങ്ങിയവർ ചടങ്ങിൽ ആശംസകൾ അറിയിച്ചു.

തുടർന്ന് NABH Accreditation നായി നടക്കാവിൽ ഹോസ്പിറ്റലിനോടൊപ്പം എല്ലാവിധ സഹായങ്ങളും സജ്ജീകരണങ്ങളും ചെയ്തുകൊണ്ട് ഞങ്ങളുടെ കൂടെ സഞ്ചരിച്ച രഞ്ജു സാറിനും , അംഗീകാരത്തിനായി അഹോരാത്രം പ്രയത്നിച്ച നടക്കാവിൽ ഹോസ്പിറ്റലിലെ ഡോക്ടർമാർക്കും ജീവനക്കാർക്കും , NABH Accreditation നായി നടക്കാവിൽ ഹോസ്പിറ്റലുമായി സഹകരിച്ച പ്രമുഖ വ്യവസായികൾക്കും , സ്പെഷ്യൽ ഉപഹാരങ്ങൾ സമ്മാനിച്ചു.

നടക്കാവിൽ ഹോസ്പിറ്റൽ ജനറൽ മാനേജർ അബ്ദുറഹിമാൻ കെ പി നന്ദി രേഖപ്പെടുത്തി.നടക്കാവ് ഹോസ്പിറ്റൽ നേഴ്സിങ് സൂപ്രണ്ട് ശ്രീ മോൾ മോഹനൻ ആങ്കറിംഗ് വിഭാഗത്തിൽ പ്രത്യേക സാന്നിധ്യം അറിയിക്കുകയും പരിപാടികൾക്ക് നേതൃത്വം നൽകുകയും ചെയ്തു.