Dementia: Early signs and symptoms.

ഡിമന്‍ഷ്യ: പ്രാരംഭ ലക്ഷണങ്ങളും സൂചനകളും(Dementia: Early signs and symptoms)

ഡിമൻഷ്യ എന്നത് പലർക്കും കേവലം ഒരു മറവിരോഗം മാത്രമാണ്. യഥാർത്ഥത്തിൽ എന്താണ് ഡിമൻഷ്യ? ചിന്തകളെ വേർതിരിച്ച് പ്രാവർത്തികമാക്കാനുള്ള കഴിവ് കുറഞ്ഞുവരുന്ന ഒരു അവസ്‌ഥയാണ് ഡിമൻഷ്യ. മറവിയെന്നത് അതിന്റെ ഒരു ഭാഗം മാത്രം. കേവലം മറവിയിൽ തുടങ്ങി ഒരാളെ നിഷ്ക്രിയനാക്കി അകാലമൃത്യുവിലേക്ക് നയിക്കുന്ന ഒരു രോഗമായി വേണം ഇതിനെ കണക്കാക്കാൻ.

മറവി എന്നത് പ്രായമാകുമ്പോൾ ഉണ്ടാകുന്ന ഒരു പ്രതിഭാസമാണെന്നാണ് പലരും കരുതുന്നത്. ഇതൊരു തെറ്റിദ്ധാരണ മാത്രമാണ്. പ്രായമാകുമ്പോൾ മറവി ബാധിക്കണമെന്ന് യാതൊരു നിർബന്ധവുമില്ല. അതുപോലെതന്നെ ഡിമൻഷ്യ എന്നത് ഒരു രോഗാവസ്‌ഥയാണ്. അത് പല രോഗങ്ങളുടെയും ലക്ഷണങ്ങളായി കണ്ടേക്കാം. അതുകൊണ്ട്തന്നെ വിശദമായി ഇതിനെക്കുറിച്ച് ചർച്ച ചെയ്യേണ്ടത് അത്യാവശ്യമാണ്.

മറവി എന്നത് പ്രായമാകുമ്പോൾ ഉണ്ടാകുന്ന ഒരു പ്രതിഭാസമാണെന്നാണ് പലരും കരുതുന്നത്. ഇതൊരു തെറ്റിദ്ധാരണ മാത്രമാണ്. പ്രായമാകുമ്പോൾ മറവി ബാധിക്കണമെന്ന് യാതൊരു നിർബന്ധവുമില്ല. അതുപോലെതന്നെ ഡിമൻഷ്യ എന്നത് ഒരു രോഗാവസ്‌ഥയാണ്. അത് പല രോഗങ്ങളുടെയും ലക്ഷണങ്ങളായി കണ്ടേക്കാം. അതുകൊണ്ട്തന്നെ വിശദമായി ഇതിനെക്കുറിച്ച് ചർച്ച ചെയ്യേണ്ടത് അത്യാവശ്യമാണ്

ലോകാരോഗ്യ സംഘടനയുടെ കണക്കനുസരിച്ച് ലോകത്തിൽ ഏകദേശം അഞ്ചു കോടി ജനങ്ങളെ ബാധിക്കുന്ന ഒരു അവസ്ഥയാണിത്. 60 മുതൽ 70 ശതമാനം വരെ ഉള്ള ഡിമൻഷ്യ രോഗികളും അൽസ്ഹൈമേഴ്‌സ് എന്ന രോഗം ബാധിച്ചവരാണ്

60 വയസ്സിനുമേൽ പ്രായമുള്ള അഞ്ച് മുതൽ എട്ട് ശതമാനം വരെ ഉള്ള ആളുകളിൽ ഈ രോഗമുണ്ട്. പ്രായമായവരിൽ ഉണ്ടാകാവുന്ന പരിമിതികളുടെയും പരാശ്രയത്തിന്റെയും പ്രധാന കാരണമായി ഈ രോഗത്തെ കണക്കാക്കാം ഡിമൻഷ്യ ഒരു വ്യക്‌തിയുടെ ചിന്താശക്തിയെയും ഓർമയെയും ബാധിച്ച്, ദൈനംദിന ജീവിതത്തെ ദുസ്സഹമാക്കുന്നു.

മറവി അല്ല മേധാക്ഷയം കേവലം മറവിയല്ല മേധാക്ഷയം എന്ന ഡിമൻഷ്യ മറവി ഉണ്ടെന്ന് വെച്ച് ഡിമൻഷ്യ ആകണമെന്ന് നിർബന്ധവുമില്ല.

മേധാക്ഷയത്തിൻ്റെ ആദിമരൂപങ്ങൾ മേധാക്ഷയം (ഡിമൻഷ്യ) പ്രത്യക്ഷപ്പെടുന്നതിനു മുമ്പ് ചില സൂചനകൾ ഇത്തരക്കാരിൽ കണ്ടുവരാറുണ്ട്. അത് എന്തൊക്കെയാണെന്ന് അറിയുന്നത് നമ്മെ രോഗനിർണയത്തിന് സഹായിക്കാറുണ്ട്.

1. വികാരങ്ങളെ നിയന്ത്രിക്കാനുള്ള കഴിവ് നഷ്‌ടപ്പെടുന്നു. പെട്ടെന്ന് ദേഷ്യപ്പെടുക, സങ്കടം വരുക എന്നിവ ആദ്യമേ ഇതിന്റെ ആദിമ രൂപങ്ങളായി കാണാറുണ്ട്.

2. ആളുകളുമായി ഇടപഴകാനുള്ള കഴിവ് നഷ്ട‌പ്പെടുക. ഇത് പലപ്പോഴും സ്വഭാവ വൈകൃതങ്ങളായി ആളുകൾ തെറ്റിദ്ധരിക്കാറുണ്ട്. എപ്പോഴും നല്ല രീതിയിൽ ഇടപെട്ട് കൊണ്ടിരുന്ന ആൾ സാമാന്യ മര്യാദകൾ ലംഘിക്കുന്നതായി ആളുകൾ പരാതിപ്പെട്ടേക്കാം.

3. ഉത്സാഹക്കുറവ് ഏതു കാര്യവും ഉത്സാഹത്തോടെ ചെയ്തിരുന്ന വ്യക്തികളിൽ ക്രമേണ അത് നഷ്‌ടപ്പെട്ട് അലസരായി പെരുമാറുന്നത് ഈ രോഗത്തിന് തുടക്കമാണോ എന്ന് സംശയി ക്കേണ്ടിയിരിക്കുന്നു.

ഡിമൻഷ്യയുടെ ലക്ഷണങ്ങളെ മൂന്ന് ഘട്ടങ്ങളായി പരിഗണിക്കാം(Dementia: Early signs and symptoms). പ്രാരംഭദശയിൽ കാണുന്ന ലക്ഷണങ്ങൾ ക്രമേണ വർധിച്ചാണ് രോഗം പരിസമാപ്ത‌ിയിൽ എത്തുന്നത്. മിക്കവാറുമുള്ള മേധാക്ഷയ രോഗങ്ങളെ പുർണമായും ചികിത്സിച്ചു ഭേദമാക്കാൻ പറ്റിയില്ലെങ്കിലും രോഗ പരിണാമത്തെയും ലക്ഷണങ്ങളെയും നിയന്ത്രിക്കുവാൻ സാധിക്കുമെന്നതിനാൽ ഇതിൻ്റെ തുടക്കമുള്ള ലക്ഷണങ്ങൾ മനസ്സിലാക്കി ചികിത്സിക്കേണ്ടത് തികച്ചും ആവശ്യമാണ്.

തുടക്ക ലക്ഷണങ്ങൾ

1. മറവി

പൊതുവേ തുടക്കത്തിൽ കാണപ്പെടുന്ന ലക്ഷണം മറവിയാണ്. സാധാരണയായി കൂടെ കഴിയുന്നവരാണ് അല്ലെങ്കിൽ അടുത്തിടപഴകുന്നവരാണ് മറവി ഉണ്ടെന്ന് ആദ്യം ശ്രദ്ധിക്കുന്നത്. ചില വാക്കുകൾ മറന്നു പോകുകയായിരിക്കാം ആദ്യമായി കാണപ്പെടുന്ന ലക്ഷണം. ചിലപ്പോൾ ഒരു വസ്‌തുവിൻ്റെ പേരാവും മറന്നുപോവുക.

സമയത്തെക്കുറിച്ചുള്ള ധാരണ പിശക്. രാവിലെ എന്നുകരുതി വൈകുന്നേരം ഓഫീസിൽ പോവുക. ദിവസം ഏതെന്ന് കൺഫ്യൂഷൻ ഉണ്ടാകുക മുതലായവ.

3. സ്ഥിരമായി പോകുന്ന വഴി തെറ്റി പോവുക.

‘ആരോഗ്യം’ വീട്ടിൽ കൃഷി ചെയ്യാം അടുക്കളത്തോട്ടം ഇനി പോഷകത്തോട്ടം! മനോരമ ഓൺലൈൻ പ്രീമിയം കാർഷിക വെബിനാർ

4. സങ്കീർണമായ പ്രശ്‌നങ്ങൾ മുമ്പത്തെ പോലെ കൈകാര്യം ചെയ്യാൻ സാധിക്കാതെ വരുക. ആസൂത്രണവും സംഘടനാ പാടവവും നഷ്‌ടപ്പെടുക മുതലായവ.

5. കണക്കുകൂട്ടുന്നത് തെറ്റി പോവുക.

6. പെട്ടെന്ന് ദേഷ്യം വരിക മുതലായ സ്വഭാവ വ്യതിയാനങ്ങൾ

രോഗം കുറേക്കൂടി മുന്നോട്ടു പോകുമ്പോൾ ഇനി പറയുന്ന ലക്ഷണങ്ങൾ കണ്ടെന്നുവരാം.

. റീസന്റ് മെമ്മറി ലോസ് ദൈനംദിന കാര്യങ്ങളിലെ മറവിയാണ് ഇതിൽ മുഖ്യം. ഭക്ഷണം കഴിച്ചത് മറന്നു പോയി വീണ്ടും ഭക്ഷണം ആവശ്യപ്പെടുക. മരുന്ന് കഴിച്ചത് മറന്നു പോയി വീണ്ടും അത് തന്നെ എടുത്ത് കഴിക്കുക. വീട്ടിലെ ജോലി എന്താണ് ചെയ്‌തത് എന്ന് മറന്നു പോവുക. സ്റ്റൗ ഓഫാക്കാൻ മറന്നു പോകുക മുതലായവ

. വീട്ടിലെ തന്നെ വഴി തെറ്റി പോവുക. വീട്ടിലെ ടോയ്ലറ്റിൻ്റെ സ്‌ഥാനം എവിടെയാണെന്ന് മറന്നു പോയിട്ട് ഓരോ മുറിയുടെയും വാതിൽ തുറന്നു നോക്കുക. അലമാരയിൽ വെക്കേണ്ടത് എടുത്ത് ഫ്രിഡ്‌ജിൽ വയ്ക്കുക, അടുക്കള ആണെന്ന് ധരിച്ച് പാത്രങ്ങളെല്ലാം ബാത്റൂമിൽ കൊണ്ടുപോയി വയ്ക്കുക, ചെരുപ്പ് എവിടെയാണ് ഊരി ഇട്ടതെന്ന് മറന്നു പോവുക മുതലായവ

സ്‌ഥിരം പോകുന്ന ഇടങ്ങൾ മറന്നു പോവുക പള്ളിയും, ക്ഷേത്രവും ഒക്കെ എവിടെയാണെന്ന് മറന്നുപോവുക.

. വ്യക്തികളുടെയും സ്‌ഥലങ്ങളുടെയും പേരുകൾ മറന്നുപോവുക

മറ്റുള്ളവരോട് കാര്യങ്ങൾ പറഞ്ഞു മനസ്സിലാക്കാനുള്ള കഴിവ് നഷ്‌ടപ്പെടുക.

ഇതുകൊണ്ട് പലപ്പോഴും അവർ മിണ്ടാതിരിക്കുകയാണ് പതിവ്. അതുകൊണ്ടുതന്നെ ഒരു സ്വഭാവവ്യതിയാനം ആയിട്ടാണ് പലപ്പോഴും കൂടെയുള്ളവർ അതിനെ കാണുക.

സ്വന്തം കാര്യങ്ങൾ ചെയ്യുന്നതിന് മറ്റുള്ളവരുടെ സഹായം തേടുക

.മറ്റു സ്വഭാവ വ്യതിയാനങ്ങൾ കണ്ടു വരിക. ചോദിച്ച കാര്യങ്ങൾ തന്നെ വീണ്ടും ചോദിക്കുക. പറമ്പിലും വഴിയിലും ഒക്കെ ചുറ്റി തിരിയുക മുതലായവ.

ഇതിന്റെ അന്ത്യഘട്ടം

മേധാക്ഷയത്തിന്റെ അന്ത്യഘട്ടത്തിൽ രോഗി പൂർണ്ണമായും നിഷ്ക്രിയനായി പരസഹായം കൂടാതെ ഒന്നും ചെയ്യാൻ പറ്റാത്ത അവസ്ഥയിലായിത്തീരുന്നു. സമയ കാല ബോധം നഷ്ടപ്പെടുന്നു. ആളുകളെ തിരിച്ചറിയാൻ സാധിക്കാതെയാകുന്നു. ഭക്ഷണം കഴിക്കാൻ കൂടി പരസഹായം വേണ്ടിവരുന്നു. നടക്കാൻ പറ്റാത്ത അവസ്‌ഥ. എങ്ങനെ നടക്കണം എന്ന് മറന്നു പോകുന്നു. സ്വഭാവ വ്യതിയാനവും ദേഷ്യവും വർധിക്കുന്നു ഉത്കണ്ഠ, നിരാശ, വിഷാദം എന്നിവയുണ്ടാകുന്നു. മര്യാദകൾ മറന്നുപോകുന്നു, സംശയങ്ങൾ ഉടലെടുക്കുന്നു.

എന്താണ് കാരണം? നാഡീവ്യൂഹങ്ങൾക്കും നാഡീകോശങ്ങൾക്കും നഷ്‌ടം സംഭവിക്കുമ്പോളാണ് ഈ രോഗം പിടിപെടുന്നത്.

1. അണുബാധ മൂലമോ രോഗപ്രതിരോധ വ്യവസ്‌ഥയുടെ തകരാർ മൂലമോ ഉണ്ടാകാവുന്ന ഡിമൻഷ്യ, ഉദാഹരണം മൾട്ടിപ്പിൾ സ്ക്ലിറോസിസ്

2. ഹോർമോണുകളുടെ പ്രവർത്തന കുറവുമൂലമോ മെറ്റബോളിക്ക് കാരണങ്ങൾ മൂലമോ ഉണ്ടാകാവുന്ന ഡിമൻഷ്യ .

ഉദാഹരണത്തിന്‌ തൈറോയ്‌ഡ് ഹോർമോണിൻ്റെ വ്യതിയാനം, രക്തത്തിലെ ഗ്ലുക്കോസിൻ്റെ അളവ് കുറയുക, സോഡിയത്തിന്റെയും കാൽസ്യത്തിന്റെ അളവിലുള്ള വ്യതിയാനങ്ങൾ എന്നിവ

3. പോഷകാഹാരക്കുറവ് മൂലമുള്ള ഉള്ള മേധാക്ഷയം. നിർജലീകരണം അഥവാ ഡീഹൈഡ്രേഷൻ. അമിത മദ്യപാനം മൂലമുള്ള ശാരീരികാവസ്‌ഥ, വൈറ്റമിൻ ബി വണ്ണിൻ്റെ കുറവ്, B6, B12, കോപ്പർ, വൈറ്റമിൻ ഡി മുതലായവയുടെ കുറവ്.

4. ചില മരുന്നുകളുടെ പാർശ്വഫലങ്ങൾ ഡിമെൻഷ്യ ഉണ്ടാക്കിയേക്കാം.

രോഗസാധ്യത ഉള്ളവർ ആരൊക്കെ? റിസ്‌ക് ഫാക്റ്റേഴ്‌സ് എന്തൊക്കെ?

1. 65 വയസ്സിനു മുകളിൽ പ്രായമുള്ളവരിലാണ് സാധാരണ മേധാക്ഷയം കണ്ടുവരുന്നത്. എന്നാൽ പ്രായമാകുന്ന എല്ലാവരിലും ഉണ്ടാകുന്ന ഒരു അവസ്‌ഥ അല്ല ഇതന്നും മനസ്സിലാക്കണം.

2. പാരമ്പര്യം

3. ഡൗൺസിൻഡ്രോം മുതലായ ബുദ്ധിമാന്ദ്യമുള്ള ആളുകൾ, വ്യായാമക്കുറവ് അനാരോഗ്യകരമായ ഭക്ഷണ രീതികൾ, അതായത് തലച്ചോറിന്റെ സംരക്ഷണത്തിന് ആവശ്യമായ പോഷണങ്ങൾ ഭക്ഷണക്രമത്തിൽ ഉൾപ്പെടുത്താതെ ഇരിക്കുക. മെഡിറ്ററേനിയൻ ഡയറ്റ്.

4. അമിത മദ്യപാനവും പുകവലിയും ഹൃദ്രോഗവും അനുബന്ധരോഗങ്ങളും, നിയന്ത്രിക്കാനാവാത്ത ബ്ലഡ് പ്രഷർ, അമിതവണ്ണം എന്നിവയൊക്കെ പിന്നീട് ഡിമെൻഷ്യയുടെ റിസ്ക‌് ഫാക്റ്റേഴ്‌സ് ആണ് ഇത് വ്യായാമത്തിലൂടെയും ഭക്ഷണക്രമത്തിലൂടെയും മരുന്നിലൂടെയും നിയന്ത്രിക്കേണ്ടതാണ്.