വിഷാദരോഗ സാധ്യത കുറയ്ക്കാൻ സഹായിക്കുന്ന ഏഴ് ശീലങ്ങൾ..(7 Healthy Habits That Can Help Reduce Your Depression)

ദൈനംദിന ശീലങ്ങളിൽ മാറ്റങ്ങൾ വരുത്തുന്നത് വിഷാദരോഗ സാധ്യത ഗണ്യമായി കുറയ്ക്കാൻ സഹായിക്കും(7 Healthy Habits That Can Help Reduce Your Depression). വിഷാദരോഗ സാധ്യത കുറയ്ക്കാൻ സഹായിക്കുന്ന ദൈനംദിന ശീലങ്ങൾ എന്തൊക്കെയാണെന്ന് നോക്കാം.

ഇന്ന് പലരിലും കണ്ടുവരുന്ന ഒന്നാണ് വിഷാദം. ദൈനംദിന ശീലങ്ങളിൽ മാറ്റങ്ങൾ വരുത്തുന്നത് വിഷാദരോഗ സാധ്യത ഗണ്യമായി കുറയ്ക്കാൻ സഹായിക്കും. വിഷാദരോഗ സാധ്യത കുറയ്ക്കാൻ സഹായിക്കുന്ന ദൈനംദിന ശീലങ്ങൾ എന്തൊക്കെയാണെന്ന് നോക്കാം. 

രാത്രി നന്നായി ഉറങ്ങുക(7 Healthy Habits That Can Help Reduce Your Depression)

ഉറക്കം മാനസികാരോഗ്യത്തിന് അടിസ്ഥാനമാണ്. മോശം ഉറക്കം സെറോടോണിൻ, ഡോപാമൈൻ തുടങ്ങിയ മാനസികാവസ്ഥയെ നിയന്ത്രിക്കുന്ന തലച്ചോറിന്റെ രാസവസ്തുക്കളെ തടസ്സപ്പെടുത്തുകയും വിഷാദരോഗത്തിനുള്ള സാധ്യത വർദ്ധിപ്പിക്കുകയും ചെയ്യുന്നു. അതിനാല്‍ രാത്രികളില്‍ 7–9 മണിക്കൂർ ഉറക്കം നിര്‍ബന്ധമാക്കുക. 

വ്യായാമം ചെയ്യുക

വ്യായാമം എൻഡോർഫിനുകളുടെയും സെറോടോണിൻ, ഡോപാമൈൻ പോലുള്ള ന്യൂറോ ട്രാൻസ്മിറ്ററുകളുടെയും ഉത്പാദനം വർദ്ധിപ്പിക്കുന്നു. ഇത് സമ്മർദ്ദ ഹോർമോണായ കോർട്ടിസോളിന്റെ അളവ് കുറയ്ക്കുകയും ചെയ്യുന്നു. അതിനാല്‍ പതിവായി വ്യായാമം ചെയ്യുന്നത് വിഷാദരോഗ സാധ്യത കുറയ്ക്കാൻ സഹായിക്കും. 

 സമീകൃതാഹാരം കഴിക്കുക

നമ്മൾ കഴിക്കുന്ന ഭക്ഷണം തലച്ചോറിന്‍റെ പ്രവർത്തനത്തെയും മാനസികാവസ്ഥയെയും നേരിട്ട് സ്വാധീനിക്കുന്നു. പഴങ്ങൾ, പച്ചക്കറികൾ, മുഴുധാന്യങ്ങള്‍, പ്രോട്ടീനുകൾ, ഒമേഗ-3 ഫാറ്റി ആസിഡുകൾ, പ്രോബയോട്ടിക്കുകൾ തുടങ്ങിയവ  അടങ്ങിയ ഭക്ഷണക്രമം ന്യൂറോ ട്രാൻസ്മിറ്റർ പ്രവർത്തനത്തെ പിന്തുണയ്ക്കുകയും വിഷാദ രോഗ സാധ്യത കുറയ്ക്കുകയും ചെയ്യും. 

യോഗ പരിശീലിക്കുക

യോഗ, ധ്യാനം പോലെയുള്ള കാര്യങ്ങള്‍ ചെയ്യുന്നത് വിഷാദരോഗ സാധ്യത കുറയ്ക്കാനും മാനസികാരോഗ്യം മെച്ചപ്പെടാനും സഹായിക്കും. 

സാമൂഹിക ബന്ധങ്ങൾ നിലനിർത്തുക

ശക്തമായ സാമൂഹിക ബന്ധങ്ങൾ വൈകാരിക പിന്തുണ നൽകുന്നു. ഏകാന്തതയ്ക്കും വിഷാദത്തിനും നല്ല സാമൂഹിക ബന്ധങ്ങൾ നിലനിർത്തുന്നത് ഗുണം ചെയ്യും(7 Healthy Habits That Can Help Reduce Your Depression). 

സ്ക്രീൻ സമയവും സോഷ്യൽ മീഡിയ ഉപയോഗവും പരിമിതപ്പെടുത്തുക

അമിതമായ സ്ക്രീൻ സമയം, പ്രത്യേകിച്ച് സോഷ്യൽ മീഡിയ ഉപയോഗം ഏകാന്തത, വിഷാദം എന്നിവയുടെ സാധ്യതയെ കൂട്ടും. അതിനാല്‍ മൊബൈല്‍ ഫോണ്‍, സോഷ്യല്‍ മീഡിയ ഉപയോഗം എന്നിവ പരിമിതപ്പെടുത്തുക. 

മദ്യം പരിമിതപ്പെടുത്തുക, ലഹരിവസ്തുക്കളുടെ ഉപയോഗം ഒഴിവാക്കുക

മദ്യവും മയക്കുമരുന്നും തലച്ചോറിന്റെ രസതന്ത്രത്തെ തടസ്സപ്പെടുത്തുകയും മാനസികാവസ്ഥ വഷളാക്കുകയും കാലക്രമേണ വിഷാദരോഗ ലക്ഷണങ്ങൾ വർദ്ധിപ്പിക്കുകയും ചെയ്യും. അതിനാല്‍ മദ്യം പരിമിതപ്പെടുത്തുക, ലഹരിവസ്തുക്കളുടെ ഉപയോഗം ഒഴിവാക്കുക.